ព័ត៌មានជាតិ

ឈុតសម្លៀកបំពាក់ខ្មែរផ្អើលដល់នាយករដ្ឋមន្រ្តី រហូតបញ្ជារដ្ឋមន្រ្តីក្រសួងវប្បធម៌ស្រាវជ្រាវឲ្យច្បាស់ចងក្រងជាឯកសារទុក

បានផុស

៩ ខែ មុន

នៅ

ថ្ងៃសុក្រ ៩ កុម្ភៈ ២០២៤

ដោយ

ថ្លែងនៅក្នុងសន្និបាតបូកសរុបលទ្ធផលការងាររបស់ក្រសួងការងារ បណ្តុះបណ្តាលវិជ្ជាជីវៈកាលពីម្សិលមិញនេះ សម្តេចធិបតី ហ៊ុន ម៉ាណែត បានបញ្ជាឲ្យមន្រ្តីជំនាញក្រសួងវប្បធម៌ស្រាវជ្រាវឯកសារទាក់ទងសម្លៀកបំពាក់ខ្មែរ ក្រោយពេលរូបថតមួយសន្លឹកដែលសម្តេចបានថតជាមួយគ្រួសារ មានពលរដ្ឋថៃចូលមកខមមិនប្រើប្រាស់ឈុតសម្លៀកបំពាក់ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចធិបតីបានគូសបញ្ជាក់ថា «ថ្ងៃមុនខ្ញុំថតរូបជាមួយគ្រួសារ មានគ្រងឈុតពាក់ឆៀងមានបងប្អូនជាច្រើនចូលខមមិនក្នុងនោះក៏មានទាំងពលរដ្ឋថៃមួយចំនួន ដែលអះអាងប្រើឈុតសម្លៀកបំពាក់ជាតិរបស់គាត់។ ខ្ញុំបញ្ជាឲ្យក្រសួងវប្បធម៌ឆែកប្រភពផ្សេងៗ។ លោកជំទាវភឿង សកុណា ឲ្យចម្លើយមួយបែបទៅ ហើយអ្នកជំនាញមកពីសាលាវិចិត្រសិល្បៈឲ្យចម្លើយមួយបែបថាជារបស់ខ្មែរទាំងប៉ាក់ និងឌិន»។

យ៉ាងណាមិញប្រមុខដឹកនាំកម្ពុជាបានណែនាំឲ្យក្រសួងវប្បធម៌ដែលមានលោកជំទាវ ភឿង សកុណា ជារដ្ឋមន្រ្តី ស្រាវជ្រាវកំណត់ពីទម្រង់សម្លៀកបំពាក់របស់ខ្មែរឲ្យបានច្បាស់លាស់ចងក្រងជាឯកសារ និងផ្សព្វផ្សាយឲ្យបានទូលំទូលាយដើម្បីកុំឲ្យមានការយល់ច្រឡំជាមួយប្រទេសជិតខាង។

សម្តេចអះអាងថា វប្បធម៌ប្រទេសជិតខាងមានហូរទៅហូរមក អីចឹងទេត្រូវស្រាវជ្រាវឲ្យបានច្បាស់ដើម្បីការពារតម្លៃអត្តសញ្ញាណជាតិ។

«បងប្អូនខ្លះយល់ថា អាឈុតក្រាស់របស់ខ្មែរ អាស្ដើងរបស់ថៃ ឬអាវែងរបស់គេ អាខ្លីរបស់យើង អីចឹងទេត្រូវស្រាវជ្រាវឲ្យបានច្បាស់ និងផ្សព្វផ្សាយឲ្យបានទូលំទូលាយ»។

សម្តេចបន្តថា ការរៀបចំឯកសណ្ឋានជាតិឲ្យបានច្បាស់លាស់ជារឿងសំខាន់ ក្នុងការរក្សាតម្លៃសម្បត្តិវប្បធម៌កុំឲ្យក្មេងជំនាន់ក្រោយយល់ច្រឡំនិងឈ្លោះគ្នាតទៅទៀត៕

Related Topics: