ព័ត៌មានជាតិ
មន្រ្តីអាកាសចរណ៍ ស្នើឲ្យពិនិត្យរាល់សំណង់អគារជុំវិញព្រលានយន្តហោះតាខ្មៅ មុនអនុញ្ញាតិឲ្យសាងសង់
មន្រ្តីជាន់ខ្ពស់អាកាសចរណ៍ស៊ីវិលបានស្នើដល់ស្ថាប័នពាក់ព័ន្ធ ត្រូវធ្វើការសហការជាមន្រ្តីជំនាញមុនផ្តល់ការអនុញ្ញាតលើគម្រោងសាងសង់សំណង់អគារផ្សេងៗជុំវិញអាកាសយានដ្ឋានតេជោតាខ្មៅដែលកំពុងដំណើរការសាងសង់បញ្ចប់។
លោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការអាកាសចរណ៍ស៊ីវិលបានឲ្យដឹងថា ខណៈដែលអាកាសយានដ្ឋានតេជោតាខ្មៅកម្រិត 4F គ្រោងនឹងបើកដំណើរការនៅឆមាសទីមួយនៅឆ្នាំ ២០២៥ ដើម្បីចៀសវាងការបង្កើតឲ្យមានឧបសគ្គដែលបង្កឡើងដោយមនុស្ស និងដើម្បីធានាបានសុវត្ថិភាព សន្តិសុខ និងប្រក្រតីភាព កិច្ចប្រតិបត្តិការអាកាសចរក្នុងតំបន់ លោកស្នើសុំដល់ក្រសួងស្ថាប័ន និងរដ្ឋបាលដែនដីដែលពាក់ព័ន្ធទាំងអស់ត្រូវសហការយ៉ាងជិតស្និទ្ធ ជាមួយរដ្ឋលេខាធិការអាកាសស៊ីវិល មុនផ្តល់អាជ្ញាប័ណ្ណឬផ្តល់លិខិតសាងសង់សំណង់អគារគ្រប់ប្រភេទ ត្រូវគោរពតាមសេចក្តីកំណត់ស្តីពីការគ្រប់គ្រងកម្ពស់ឧបសគ្គអាកាសយានដ្ឋានដែលបានកំណត់។
បន្ថែមពីនេះ ដើម្បីគម្រោងអភិវឌ្ឍអាកាសយានដ្ឋានធំបំផុតកម្រិតស្តង់ដាអន្តរជាតិរបស់ប្រទេសកម្ពុជា បញ្ចប់បានពេញលេញតាមផែនការមេក្នុងដំណាក់កាលទីមួយ លោកក៏ស្នើសុំដល់បណ្តាវិនិយោគជាពិសេសធនាគារពាណិជ្ជបន្តគាំទ្រការផ្តល់ហិរញ្ញវត្ថុតាមរយៈការទិញសញ្ញាប័ណ្ណនៅពេលមានតម្រូវការបោះផ្សាយបន្តទៀត។
បើតាមមន្រ្តីអាកាសចរស៊ីវិល អាកាសយានដ្ឋានតេជោតាខ្មៅ សម្រេចបានប្រហែល ៦៦ ភាគរយ និងបានចំណាយទុនវិនិយោគអស់ប្រមាណ ៩៦០ លានដុល្លារអាមេរិកក្នុងខ្ទង់ចាយសរុបក្នុងគម្រោងទាំងមូលចំនួន ១ ៥០០ លានដុល្លារ។ អាកាសយានដ្ឋានខ្នាតធំបំផុតនេះគ្រោងបញ្ចប់ដំណាក់កាលទី ១ និងដាក់ឲ្យដំណើរការនៅឆមាសទី ១ ឆ្នាំ ២០២៥៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ