ព័ត៌មានជាតិ
ផ្លូវពីរខ្សែជាបណ្តាញខ្សែផ្លូវសំខាន់ តភ្ជាប់ពីក្រុងសៀមរាបទៅព្រលានយន្តហោះថ្មីខេត្តសៀមរាប
ខណៈដែលព្រលានយន្តហោះសៀមរាបថ្មីបានសម្ពោធដាក់ឲ្យដំណើរការនៅព្រឹកនេះ ផ្លូវចំនួនពីរខ្សែគឺជាបណ្តាញខ្សែផ្លូវដ៏សំខាន់សម្រាប់តភ្ជាប់ការធ្វើដំណើរពីក្រុងសៀមរាបទៅកាន់ព្រលានយន្តហោះថ្មីសៀមរាប។
ថ្លែងនៅក្នុងពិធីសម្ពោធព្រលានយន្តហោះសៀមរាបថ្មី លោក ម៉ៅ ហាវណ្ណាល់ រដ្ឋលេខាធិការអាកាសចរស៊ីវិលបានបង្ហាញពីខ្សែផ្លូវទាំង ២ ខ្សែទៅព្រលានយន្តហោះថ្មីសៀមរាប។
ខ្សែផ្លូវទាំងពីរខ្សែគឺខ្សែទីមួយជាផ្លូវហាយវេតភ្ជាប់ពីផ្លូវជាតិលេខ ៦ មានប្រវែង ២៤.៥ គីឡូម៉ែត្រ និងមួយខ្សែទៀតតាមផ្លូវជាតិលេខ ៦ មានចម្ងាយពីក្រុងសៀមរាបប្រមាណ ៥៧ គីឡូម៉ែត្រ។
លោក ម៉ៅ ហាវណ្ណាល់ បានបញ្ជាក់ថា ការសាងសង់ផ្លូវហាយវេអាកាសយានដ្ឋានអន្តរជាតិសៀមរាបតភ្ជាប់ទៅផ្លូវជាតិលេខ ៦ ដែលមានប្រវែង ២៤.៥គីឡូម៉ែត្រ គឺជាកិច្ចព្រមព្រៀងបន្ថែមទៅលើកិច្ចព្រមព្រៀងសម្បទានមេដែលត្រូវបានចុះហត្ថលេខាកាលពីខែតុលា ឆ្នាំ២០២១។ ជារួមផ្លូវទាំង ២ ខ្សែ ដែលតភ្ជាប់ទៅកាន់អាកាសយានដ្ឋានអន្តរជាតិសៀមរាបអង្គរ ទី១គឺតាមផ្លូវជាតិលេខ ៦ បត់ឆ្វេងចូលត្រង់បង្គោលគីឡូម៉ែត្រលេខ ២៩៤ ដែលមានចម្ងាយពីទីប្រជុំជនក្រុងសៀមរាបប្រមាណ ៤៤.៥ គីឡូម៉ែត្រ និងផ្លូវទី២ តាមផ្លូវជាតិលេខ៦ បត់ឆ្វេងចូលត្រង់បង្គោលគីឡូម៉ែត្រលេខ ២៨១ ហើយបត់ទៅតាមផ្លូវជាតិលេខ៦៤ ដែលមានចម្ងាយពីទីប្រជុំជនក្រុងសៀមរាបប្រមាណ ៥៧ គីឡូម៉ែត្រ។
រដ្ឋាភិបាលកំពុងសិក្សាគម្រោងស្ថាបនាផ្លូវល្បឿនលឿនពីព្រលានយន្តហោះថ្មីទៅក្រុងសៀមរាប បន្ថែមលើគម្រោងសាងសង់ផ្លូវរថភ្លើងធុនស្រាល ដើម្បីសម្រួលលំហូរនៃការធ្វើដំណើររបស់ភ្ញៀវទេសចរ។ បច្ចុប្បន្ននេះក្រុមហ៊ុនសំណង់សៀងហៃរបស់ប្រទេសចិន ក៏កំពុងសិក្សាគម្រោងពង្រីកកំណាត់ផ្លូវជាតិលេខ ៦ ចាប់ពីចំណុចប្រសព្វផ្លូវជាតិលេខ ៦ និងផ្លូវចូលព្រលានយន្តហោះថ្មីខេត្តសៀមរាប ដើម្បីបង្កើនសមត្ថភាពដឹកជញ្ជូនដែលនឹងមានការកើនឡើងដោយសារការបើកដំណើរការព្រលានយន្តហោះថ្មី។
ពាក់ព័ន្ធការស្ថាបនាអាកាសយានដ្ឋានអន្តរជាតិសៀមរាប លោក ម៉ៅ ហាវណ្ណាល់ បានគូសបញ្ជាក់ថា ជាគម្រោងក្រោមក្របខណ្ឌនៃគំនិតផ្តួចផ្តើមខ្សែក្រវ៉ាត់ និងផ្លូវ (BRI) ដែលបានចំណាយទុនវិនិយោគរហូតដល់ទៅ ១,១០០លាន ដុល្លារអាមេរិក។ អាកាសយានដ្ឋានថ្មីនេះត្រូវបានផ្តល់ចំណាត់ថ្នាល់លំដាប់ ៤អ៊ី (4E) ដែលអាចបម្រើការហោះហើររបស់យន្តហោះស្ទើរគ្រប់ប្រភេទ ចាប់ពីអាកាសយានប្រភេទតូចរហូតដល់ប្រភេទធំៗ ក៏ដូចជាសម្រាប់ទទួលជើងហោះហើរក្នុងតំបន់និងជើងហោះហើរឆ្ងាយៗ៕
អ្នកនាំពាក្យ៖ នគរបាលកំពុងស្រាវជ្រាវមុខសញ្ញាពាក់ព័ន្ធការប្រើប្រាស់ខ្យល់ញៀនHappy balloon
ដំឡូងជ្វាធ្លាក់ថ្លៃពី ១៣០០ រៀល នៅសល់ ៣០០ រៀល កសិករមួយគ្រួសារខកចិត្តក្រោយពង្រីកផ្ទៃដីដាំសង្ឃឹមបានតម្លៃខ្ពស់
ឱក សុគន្ធកញ្ញា លើកទឹកចិត្ត ចន សុទីម៉ា កុំភ្លេចក្តីស្រមៃ និងការតាំងចិត្ត
ក្រោយទៅទស្សនាការសម្ដែងរបស់ Lisa ជីវិត Angelababy កាន់តែដុនដាបខ្លាំង
អ្នកស្រុកបាណន់ ខេត្តបាត់ដំបង ម្នាក់ទៀតហើយ ឈ្នះរង្វាន់ ១០០ លានរៀល ពីភេសជ្ជៈប៉ូវកម្លាំង ខារ៉ាបាវ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
សន្តិសុខសង្គម១ សប្តាហ៍ មុនឃាត់ខ្លួនជនសង្ស័យ៦នាក់ ជាក្រុមអ្នកអាជីពឆបោកលុយពលរដ្ឋ
-
ព័ត៌មានជាតិ១ សប្តាហ៍ មុនគ្រូគុនចម្រុះខ្មែរមួយរូប នឹងយក “គុនល្បុក្កតោ” បង្ហាញលើឆាកមហោស្រពភាពយន្តពិភពលោកអាស៊ីលើកដំបូង
-
ជីវិតកម្សាន្ដ៥ ថ្ងៃ មុនគ្រូមត្តេយ្យនៅចិន វិះត្រូវបណ្ដេញចេញ ដោយសារតែមុខដូច Angelababy ពេក
-
ព័ត៌មានជាតិ៥ ថ្ងៃ មុន១០ ខែ ឆ្នាំនេះ កម្ពុជា មានរោងចក្របើកថ្មីជិត ២ ពាន់ ផ្តល់ការងារដល់កម្មករជិត ៩ ម៉ឺននាក់
-
ជីវិតកម្សាន្ដ៣ ថ្ងៃ មុនអាជ្ញាធរអប្សរាបំភ្លឺករណីស្ត្រីម្នាក់ថតវីដេអូនៅប្រាសាទអង្គរវត្តនាំឱ្យប៉ះពាល់ដល់ វប្បធម៌ បេតិកភណ្ឌកម្ពុជា
-
ព័ត៌មានអន្ដរជាតិ៦ ថ្ងៃ មុនម្ចាស់ Miss Universe ថៃ ដាក់ឯកសារប្រកាសក្ស័យធន ក្រោយទិញកម្មវិធីអស់ ២០ លានដុល្លារ
-
ព័ត៌មានអន្ដរជាតិ៦ ថ្ងៃ មុនបុរសវៀតណាម មានជំងឺមហារីកបំពង់អាហារ ដែលកើតចេញពីទម្លាប់ប្រចាំថ្ងៃ
-
សន្តិសុខសង្គម៦ ថ្ងៃ មុនចាប់ខ្លួនអនុប្រធានមន្ទីរប្រឆាំងគ្រឿងញៀនម្នាក់ និងមន្ត្រី៤នាក់បញ្ជូនទៅតុលាការ ពាក់ព័ន្ធទទួលសំណូក