ព័ត៌មានជាតិ
រដ្ឋមន្ត្រីអាកាសចរស៊ីវិល មានបទពិសោធន៍បើកយន្តហោះលឿនជាងសំឡេង (MIG) បញ្ចប់សិក្សាពីរុស្សី
លោក ម៉ៅ ហាវណ្ណាល់ ជាធនធានមនុស្សដ៏កម្ររបស់ប្រទេសកម្ពុជា ជាអ្នកបច្ចេកទេសដែលបានសិក្សាជំនាញបើកបរយន្តហោះក្នុងអំឡុងពេលដែលប្រទេសកម្ពុជាទើបចាកផុតពីសង្រ្គាមកាប់សម្លាប់ពីរបបខ្មែរក្រហម។
ធ្លាប់សិក្សាជំនាញបើកយន្តហោះនៅប្រទេសអតីតសហភាពសូវៀត ជាមួយបទពិសោធន៍ការងាររហូតទទួលបានការទុកចិត្តជាភីឡុតដឹកជញ្ជូនថ្នាក់ដឹកនាំក្នុងបេសកកម្មការងារផ្សេងៗ។ លោក ម៉ៅ ហាវណ្ណាល់ បច្ចុប្បន្នជារដ្ឋមន្រ្តីទទួលបន្ទុកជារដ្ឋលេខាធិការដ្ឋានអាកាសចរស៊ីវិល។
លោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល
លោក ម៉ៅ ហាវណ្ណាល់ ប្រាប់បណ្ដាញសារព័ត៌មានក្នុងស្រុកមួយកាលពីឆ្នាំ ២០០៤ សាថា ក្នុងទសវត្សរ៍ឆ្នាំ ៨០ ខណៈបម្រើការងារនៅក្នុងជួរកងទ័ពអាកាសកម្ពុជា លោកមានឱកាសទទួលការបណ្តុះបណ្តាលជំនាញបើកបរយន្តហោះនៅប្រទេសរុស្ស៊ីអំឡុងឆ្នាំ ១៩៨៤ ដោយចំណាយពេលរាប់រយម៉ោងនៅក្នុងកាប៊ីនយន្តហោះចម្បាំង Mikoyan និង Gurevich (MiG) ដែលផលិតដោយរុស្ស៊ី។
លោកអះអាងថា យន្តហោះចម្បាំងលឿនជាងសំឡេង (MiG) រចនាឡើងសម្រាប់ប្រយុទ្ធពីអាកាសទៅអាកាស។
ដោយឆ្លងកាត់ការសិក្សាជាភីឡុតយន្តហោះបម្រើមុខងារត្រៀមប្រយុទ្ធក្នុងសមរភូមិ តែលោកសារភាពថាមិនដែលចូលទីលានក្នុងសមរភូមិប្រយុទ្ធដោយផ្ទាល់នោះទេ។
បន្ទាប់ពីបានសិក្សាជំនាញបើកបរយន្តហោះនៅប្រទេសរុស្ស៊ី លោកម៉ៅ ហាវណ្ណាល់បានទៅសិក្សាបន្ថែមនៅប្រទេសវៀតណាមរយៈពេលពីរឆ្នាំ រហូតដល់ពាក់កណ្ដាលឆ្នាំ ១៩៨៩។ បន្ទាប់មកក្រោយការបោះឆ្នោតឆ្នាំ ១៩៩៣ រដ្ឋាភិបាលបានបញ្ជូនលោកទៅសិក្សានៅប្រទេសថៃ ដើម្បីទទួលអាជ្ញាប័ណ្ណសម្រាប់បើកបរយន្តហោះស៊ីវិល។
លោកបន្តថា ជាមួយបទពិសោធន៍និងជំនាញជាអ្នកបើកបរយន្តហោះ លោកធ្លាប់បានដឹកជញ្ជូនថ្នាក់ដឹកនាំ និងព្រះមហាក្សត្រក្នុងការចេញទៅបំពេញបេសកកម្មបម្រើជាតិមាតុភូមិ។
លោកម៉ៅ ហាវណ្ណាល់ អះអាងថា ការងារនេះជាចំណូលចិត្តរបស់លោក។ យ៉ាងណាមិញ បទពិសោធន៍ជាភីឡុតបើកបរយន្តហោះនៅតែធ្វើឲ្យលោកចងចាំជាប់ជានិច្ច ទោះបីបច្ចប្បន្នលោកភាគច្រើនបំពេញតួនាទីនៅក្នុងការិយាល័យ ឃ្លាតឆ្ងាយពីការងារដែលលោកធ្លាប់ប្រឡូករាប់សិបឆ្នាំកន្លងមក។
គួរបញ្ជាក់ថា នៅក្នុងរដ្ឋាភិបាលអណត្តិទី ៧ លោក ម៉ៅ ហាវណ្ណាល់ បន្តទទួលបានតំណែងជារដ្ឋមន្ត្រីទទួលបន្ទុកអាកាសចរស៊ីវិល ខណៈតួនាទីនេះលោកបានដឹកនាំជាង ២០ ឆ្នាំមកហើយ។
ក្នុងតួនាទីជារដ្ឋលេខាធិការដ្ឋានអាកាសចរស៊ីវិល លោក ម៉ៅ ហាវណ្ណាល់ បានដឹកនាំអភិវឌ្ឍវិស័យអាកាសចរកម្ពុជា តាមរយៈការធ្វើទំនើបកម្ម និងការពង្រឹងសុវត្ថិភាពការហោះហើរ។ លោកបានចូលរួមស្តារហេដ្ឋារចនាសម្ព័ន្ធអាកាសយាន្តដ្ឋានក្នុងស្រុក រួមទាំងខិតខំធ្វើកិច្ចសហប្រតិបត្តិការអន្តរជាតិលើការតភ្ជាប់ការហោះហើរមកប្រទេសកម្ពុជា ដែលផ្តល់ជាប្រយោជន៍បម្រើដល់ការអភិវឌ្ឍសេដ្ឋកិច្ចនិងសង្គម៕
កូរ៉េខាងជើង ប្រតិកម្មជុំវិញការបាញ់មីស៊ីលបរាជ័យរបស់អាមេរិក
អាជ្ញាធរ បញ្ចប់ករណីបុរសវាយសត្វឈ្លូស ត្រឹមការពិន័យជាប្រាក់
ស្ត្រីទីមួយ តែងតាំងឱ្យដឹកនាំកងទ័ពជើងទឹកសហរដ្ឋអាមេរិក
តួឯកប្រុសរឿង “កប៉ាល់ទីតានិក” ណាត់ជួបផ្លូវការជាមួយតារាបង្ហាញម៉ូដក្មេងជាងខ្លួន ២៣ឆ្នាំ
លោក អ៊ាង សុផល្លែត ៖ កម្ពុជា ប្តេជ្ញាកាត់បន្ថយការបំភាយឧស្ម័នផ្ទះកញ្ចក់ចំនួន ៤១,៧% នៅត្រឹម ឆ្នាំ២០៣០
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ១ សប្តាហ៍ មុនតើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៣ ថ្ងៃ មុនបណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ១ ថ្ងៃ មុនមកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៦ ថ្ងៃ មុនអាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុននិយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ១ សប្តាហ៍ មុនចិន បង្ហាញនូវវត្ថុបុរាណដ៏មានតម្លៃ ដែលភាគច្រើនជាវត្ថុបុរាណបានមកពីកំណាយផ្នូររាជវង្សហាន
-
ព័ត៌មានជាតិ៤ ថ្ងៃ មុនច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ជីវិតកម្សាន្ដ១ សប្តាហ៍ មុនទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម