ព័ត៌មានជាតិ
ខេត្តកំពង់ចាម ចាប់ឆ្នោតកំណត់លេខរៀងបក្សនយោបាយសម្រាប់ការបោះឆ្នោតក្រុមប្រឹក្សារាជធានី ខេត្ត ក្រុង ស្រុក ខណ្ឌ
គណៈកម្មការរៀបចំការបោះឆ្នោតខេត្តកំពង់ចាម បានចាប់ឆ្នោតកំណត់យកលេខរៀងគណបក្សនយោបាយ សម្រាប់ដាក់លើសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុង ក្រុមប្រឹក្សាស្រុក ខណ្ឌ អាណត្ដិទី៤ ឆ្នាំ២០២៤។ ការចាប់ឆ្នោតនេះ ក្រោមព្រះវត្តមាន ព្រះសីលសំវរ ប៊ត តាំងឆេង ព្រះនាគមុនីមេគណខេត្តកំពង់ចាម លោក ខ្លូត ចិន្ដា អភិបាលរងខេត្ត លោក ឈឹម ចាន់ធឿន ប្រធានគណៈកម្មការរៀបចំការបោះឆ្នោតខេត្ត និងភាគីពាក់ព័ន្ធផ្សេងទៀត។
លោក ឈឹម ចាន់ធឿន ប្រធានគណៈកម្មការរៀបចំការបោះឆ្នោត ខេត្តកំពង់ចាម បានឱ្យដឹងថា ដំណើរការរៀបចំការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ កំពុងតែប្រព្រឹត្តទៅយ៉ាងសកម្មតាមផែនការមេ និងប្រតិទិនដែលបានកំណត់ដោយ គ.ជ.ប ។ ដំណើរការរៀបចំការបោះឆ្នោត ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជាដំណាក់កាលមួយសំខាន់បំផុតក្នុងចំណោមដំណាក់កាលទាំងបួន ដែលបានចាប់ផ្តើមពីថ្ងៃទី២ ដល់ថ្ងៃទី៦ ខែមីនា ឆ្នាំ២០២៤ ជាដំណាក់កាលទទួលពាក្យសុំចុះបញ្ជីរបស់គណបក្សនយោបាយ ហើយមានគណបក្សនយោបាយចំនួន ៥បាន ចូលរួមដាក់ពាក្យសុំប្រកួតប្រជែងគឺ គណបក្សប្រជាជនកម្ពុជា គណបក្សឆន្ទៈខ្មែរ គណបក្សកម្លាំងជាតិ គណបក្ស ខ្មែររួបរួមជាតិ និងគណបក្សហ្វ៊ុនស៊ិនប៉ិច។
ជាលទ្ធផល គណៈកម្មការរៀបចំការបោះឆ្នោតខេត្ត បានសម្រេចប្រកាសទទួលស្គាល់លើពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតចំនួន៥ តាមមណ្ឌលបោះឆ្នោតដូចខាងក្រោម ៖
១.គណបក្ស ប្រជាជនកម្ពុជា ឈរឈ្មោះ ១១មណ្ឌល លេី ១១មណ្ឌល
២.គណបក្ស ឆន្ទៈខ្មែរ ឈរឈ្មោះ ១១មណ្ឌល លេី ១១មណ្ឌល
៣.គណបក្ស កម្លាំងជាតិ ឈរឈ្មោះ ៣មណ្ឌល លេី ១១មណ្ឌល
៤.គណបក្ស ខ្មែររួបរួមជាតិ ឈរឈ្មោះ ៦មណ្ឌល លេី ១១មណ្ឌល
៥.គណបក្ស ហ្វ៊ុនស៊ិនប៉ិច ឈរឈ្មោះ ១០មណ្ឌល លេី ១១មណ្ឌល
លោកប្រធានគណ:កម្មការរៀបចំការបោះឆ្នោត ខេត្តកំពង់ចាម បានបញ្ជាក់ថា តាមលទ្ធផលនៃការចាប់លេខរៀងសន្លឹកឆ្នោត ដោយព្រះសីលសំវរ ប៊ត តាំងឆេង បានលទ្ធផលដូចជា សម្រាប់មណ្ឌលខេត្តកំពង់ចាម គណបក្សប្រជាជនកម្ពុជា លេខរៀង ទី៥ គណបក្សឆន្ទៈខ្មែរ លេខរៀងទី៤ គណបក្សកម្លាំងជាតិ លេខរៀងទី១ គណបក្សខ្មែររួបរួមជាតិ លេខរៀង ទី៣ និងគណបក្សហ៊្វុនស៊ិនប៉ិច លេខរៀងទី២។ ការបោះឆ្នោត នឹងប្រព្រឹត្តទៅនៅថ្ងៃទីអាទិត្យ ទី២៦ ខែឧសភា ឆ្នាំ២០២៤ ខាងមុខនេះ ៕
អត្ថបទនិងរូបភាព៖ ឡេក ចាន់ពេជ្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ