ព័ត៌មានជាតិ
កម្ពុជា-កូរ៉េ កំពុងសិក្សាឈានទៅបង្កើតមជ្ឈមណ្ឌលស្តារនីតិសម្បទាដល់កម្មករមានគ្រោះក្នុងម៉ោងការងារ
លោក អ៊ុក សំអូន ប្រធាននាយកដ្ឋាន និងទំនាក់ទំនងសាធារណៈនៃក្រសួងការងារនិងបណ្តុះបណ្តាលវិជ្ជាជីវៈបានគូសបញ្ជាក់ថា បច្ចុប្បន្នក្រសួងកំពុងសិក្សាជាមួយក្រុមហ៊ុនកូរ៉េពីគម្រោងបង្កើតមជ្ឈមណ្ឌលស្តារនីតិសម្បទាសម្រាប់ផ្តល់សេវាដល់កម្មករ-កម្មការិនីពេលមានគ្រោះថ្នាក់ក្នុងម៉ោងការងារ។
យ៉ាងណាមិញ បើតាមមន្រ្តីក្រសួងការងារនិងបណ្តុះបណ្តាលវិជ្ជាជីវៈរូបនេះ គម្រោងក្នុងការកសាងមជ្ឈមណ្ឌលស្តារនីតិសម្បទាដែលមានភាពគ្រប់ជ្រុងជ្រោយនេះគឺស្ថិតនៅក្នុងគម្រោងក្រៅផ្លូវការមួយនៅឡើយទេ។
លោក អ៊ុក សំអូន មានប្រសាសន៍ថា ពាក់ព័ន្ធទៅនឹងសេវាស្តារនីតិសម្បទាសម្រាប់កម្មករ-កម្មការិនីពេលមានបញ្ហាគ្រោះថ្នាក់នៅក្នុងម៉ោងការងារ កាលពីកន្លងមកក្រសួងមានសេវាស្តារនីតិសម្បទានេះសម្រាប់ផ្តល់ជូនកម្មករ-កម្មការិនីពេលគ្រោះថ្នាក់នៅក្នុងម៉ោងការងាររួចមកហើយ ដូចជាក្នុងករណីដាច់ជើង សេវាស្តារនីតិសម្បទាមានផ្តល់សេវាជើងសិប្បនិមិត្ត ឈើច្រត់ កៅអីរុញ និងអ្វីៗផ្សេងៗទៀតជូនដល់អ្នករងគ្រោះជាដើម។
ប្រធាននាយកដ្ឋាន រូបនេះបន្ថែមថា «ពេលដែលខ្ញុំបានទៅសិក្សានៅក្នុងប្រទេសកូរ៉េ នៅមជ្ឈមណ្ឌលស្តារនីតិសម្បទារបស់ប្រទេសកូរ៉េ គឺអាចនិយាយបានថា កូរ៉េបានឈានដល់ចំណុចមួយដែលថា Robot នៅកម្ពុជាយើងមានដៃ ជើង សិប្បនិមិត្ត (រឹង) ប៉ុន្តែនៅក្នុងប្រទេសកូរ៉េ ដៃសិប្បនិមិត្តរបស់គេអាចធ្វើសកម្មភាពប្រចាំថ្ងៃបាននិងអាចលើកកែវទឹក ឬស្លាបព្រាបានដោយខ្លួនឯង»។
លោកក៏បានអះអាងថា បច្ចុប្បន្នក្រសួងកំពុងសិក្សាជាមួយប្រទេសកូរ៉េទៅលើគម្រោងមួយនេះ ដើម្បីអាចបង្កើតឲ្យមាននៅក្នុងប្រទេសកម្ពុជា។ ដូច្នេះប្រសិនជោគជ័យលើគម្រោងនេះ នោះនឹងអាចបង្កើតឲ្យមានមជ្ឈមណ្ឌលស្តារនីតិសម្បទានៅកម្ពុជា ដែលអាចឲ្យកម្មករនិយោជិកពេលមានបញ្ហាគ្រោះថ្នាក់ការងារអាចទៅប្រើប្រាស់សេវានេះបានដោយមិនចាំបាច់ចំណាយថវិកានោះទេ។
លោក អ៊ុក សំអូន បានគូសបញ្ជាក់បន្ថែមថា ប្រសិនបើកម្ពុជាអាចសម្រេចគម្រោងសិក្សាជាមួយប្រទេសកូរ៉េនេះមែន នោះវានឹងកាន់តែផ្តល់ប្រយោជន៍យ៉ាងធំធេងដល់កម្មករនិយោជិកទាំងអស់ថែមទៀត ពេលមានគ្រោះថ្នាក់ការងារជាយថាហេតុក្នុងម៉ោងការងារ៕
មីយ៉ាន់ម៉ារងការខូចខាតធ្ងន់ធ្ងរទូទាំងប្រទេស ខណៈចំនួនអ្នកស្លាប់បន្តកើនឡើង
កម្ពុជាបានទទួលបានការសាទរលើការត្រួតពិនិត្យឡើងវិញគោលនយោបាយពាណិជ្ជកម្មពី WTO
អាជ្ញាធរក្រុងបាងកក ប្រកាសថា ខុនដូចំនួន៦គ្មានសុវត្ថិភាពទៀតឡើយបន្ទាប់ពីរញ្ជួយដី
សំណុំរឿងឃាតកម្ម សម្លាប់ក្មេងស្រីនៅស្រុកអង្គរជុំ នគរបាលខេត្តសៀមរាប បង្ក្រាបបានហើយ
ខេត្តកំពង់ចាមជាខេត្តដំបូងគេ បញ្ចប់ការងារវាស់វែងដីធ្លីជូនពលរដ្ឋ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?