Connect with us

ព័ត៌មានជាតិ

អ្នកនាំពាក្យ៖ សមិទ្ធផលកើតរាល់ថ្ងៃ គឺដោយសារស្នាដៃរាជរដ្ឋាភិបាលនៃគណបក្សប្រជាជនកម្ពុជា

បានផុស

នៅ

ជារៀងរាល់សប្តាហ៍ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា តែងចេញមុខជាសាធារណៈស្ទើរតែមិនលស់ថ្ងៃ ដើម្បីសម្ពោធសមិទ្ធផល ឬធ្វើជាអធិបតីក្នុងពិធី ដែលរៀបចំឡើងដោយក្រសួងស្ថាប័នផ្សេងៗដោយបានបង្ហាញអំពីសមិទ្ធផល ស្នាដៃ ដែលសម្រេចបានក្នុងឆ្នាំចាស់ និងលើកទិសដៅសម្រាប់ឆ្នាំថ្មី ដើម្បីអនុវត្តជាប្រយោជន៍របស់ប្រជាពលរដ្ឋ និងប្រទេសជាតិ។ នេះជាការលើកឡើងដោយអ្នកនាំពាក្យរាជរដ្ឋាភិបាល លោក ប៉ែន បូណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានគូសបញ្ជាក់ថា សកម្មភាពបែបនេះ បានកើតឡើងតាំងពីសម័យដឹកនាំដោយសម្តេចតេជោ ហ៊ុន សែន អតីតនាយករដ្ឋមន្ត្រី មកម៉្លេះ និងបានក្លាយទៅជាប្រពៃណីរបស់រាជរដ្ឋាភិបាលគណបក្សប្រជាជនកម្ពុជាទៅហើយ។ ក្នុងនាមជាគណបក្ស ដែលដឹកនាំរាជរដ្ឋាភិបាល ថ្នាក់ដឹកនាំគ្រប់លំដាប់ថ្នាក់ ជាពិសេសសម្តេចនាយករដ្ឋមន្ត្រីតែម្តង មានពេលតិចណាស់សម្រាក ពីព្រោះពេលវេលាស្ទើរតែទាំងស្រុង ត្រូវបានចំណាយទៅលើការងារសព្វសារពើ ដើម្បីបម្រើប្រយោជន៍ប្រទេសជាតិនិងប្រជាពលរដ្ឋ។

បើតាមការលើកឡើងរបស់លោក ប៉ែន បូណា ការគិតគូរ និងគូសវាសឱ្យចេញជាផែនការយុទ្ធសាស្ត្រដឹកនាំប្រទេស និងការរៀបចំសកម្មភាពការងារដើម្បីឈានទៅសម្រេចគោលដៅ គឺជាបេសកកម្មដ៏ធំធេងរបស់ថ្នាក់ដឹកនាំ ហើយបេសកកម្មនេះទៀតសោត ទាមទារការប្តេជ្ញាចិត្ត សមត្ថភាព ជំនាញ ឆន្ទៈការងារខ្ពស់ និងទស្សនៈវិស័យវែងឆ្ងាយទើបអាចសម្រេចបានលទ្ធផលជាផ្លែផ្កាសម្រាប់ប្រជាពលរដ្ឋ។ មន្ត្រីជាន់ខ្ពស់រូបនេះ បន្តថា សមិទ្ធផលទាំងនេះ មិនអាចសម្រេចជារូបរាងបានដែរ ប្រសិនបើគ្មានសុខសន្តិភាព ដែលជាមូលដ្ឋានគ្រឹះដ៏មានតម្លៃបំផុត និងបើគ្មានការចូលរួមគាំទ្រយ៉ាងសស្រាក់សស្រាំពីសំណាក់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋគ្រប់មជ្ឈដ្ឋានទេនោះ។

ការធ្វើសកម្មភាពមិនចេះនឿយហត់របស់ប្រមុខដឹកនាំរាជរដ្ឋាភិបាល មន្ត្រីរាជការគ្រប់លំដាប់ថ្នាក់ កងកម្លាំងប្រដាប់អាវុធ គឺជាចលករជំរុញការអភិវឌ្ឍប្រទេសឱ្យមានសន្ទុះទៅមុខជាលំដាប់។ ផ្លូវ ស្ពាន សាលារៀន មន្ទីរពេទ្យ មណ្ឌលសុខភាព អគារខ្ពស់ទាបគ្រប់ប្រភេទ ហាងទំនិញ ផ្សារទំនើប យានយន្តកកកុញពេញដងផ្លូវ ភ្លើងអគ្គិសនីព្រោងព្រាត សកម្មភាពសេដ្ឋកិច្ចរស់រវើក ការកម្សាន្តសប្បាយប្រកបដោយស្នាមញញឹមរបស់ប្រជាពលរដ្ឋខ្មែរ និងភ្ញៀវទេសចរបរទេសនៅលើ ទឹកដីកម្ពុជា គឺជាទិដ្ឋភាពដែលយើងបានឃើញជារៀងរាល់ថ្ងៃ។ នេះជាការអះអាងបន្ថែមដោយលោក ប៉ែន បូណា។

អ្នកនាំពាក្យរូបនេះ បានសង្កត់ធ្ងន់ថា ទិដ្ឋភាពទាំងនេះ មិនមែនកើតឡើងដោយចៃដន្យ និងដោយងាយស្រួលឡើយ ប៉ុន្តែ វាគឺជាសមិទ្ធផលដែលកើតចេញពីកិច្ចខិតខំប្រឹងប្រែងមិនចេះនឿយហត់ និងភាពសកម្មក្លៀវក្លារបស់រាជរដ្ឋាភិបាលរបស់គណបក្សប្រជាជនកម្ពុជា ដឹកនាំដោយសម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចធិបតី ហ៊ុន ម៉ាណែត នាយករដ្ឋមន្ត្រីបន្តវេន។ សរុបមក សមិទ្ធផលកើតរាល់ថ្ងៃដោយស្នាដៃរាជរដ្ឋាភិបាលគណបក្សប្រជាជនកម្ពុជា ហើយគ្មានសមិទ្ធផលណាកើតចេញពីការអង្គុយហារមាត់និយាយដោយមិនបានធ្វើអ្វីទាល់តែសោះនោះឡើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួងការងារ សហការជាមួយស្ថានទូតធ្វើ “សង្រ្កាន្តខ្មែរនៅថៃ” ដើម្បីឲ្យពលរដ្ឋខ្មែរ មិនបានមកស្រុកកំណើតលេងកម្សាន្ត

ព័ត៌មានអន្ដរជាតិ១ ម៉ោង មុន

មេដឹកនាំ G7 នឹងជួបគ្នារឿងការវាយប្រហាររបស់អ៉ីរ៉ង់លើអ៉ីស្រាអែល

ព័ត៌មានអន្ដរជាតិ២ ម៉ោង មុន

នាយករដ្ឋមន្ត្រីអ៉ីស្រាអែល Netanyahu ប្តេជ្ញាពីជ័យជម្នះ ក្រោយអ៉ីរ៉ង់វាយប្រហារ​

ព័ត៌មានអន្ដរជាតិ៣ ម៉ោង មុន

ពលរដ្ឋអ៉ីរ៉ង់​រាប់​ពាន់​នាក់ចេញ​តាមផ្លូវបង្ហាញ​ការគាំទ្រ ការវាយប្រហារលើអ៉ីស្រាអែល

ព័ត៌មានអន្ដរជាតិ៣ ម៉ោង មុន

កូនភ្លោះជាប់គ្នាចាស់ជាងគេលើពិភពលោក Lori និង George Schappell បានស្លាប់នៅអាយុ ៦២ ឆ្នាំ

Sokha Hotels

ព័ត៌មានពេញនិយម