Connect with us

ព័ត៌មានជាតិ

រដ្ឋាភិបាល គ្រោងដោះស្រាយបញ្ហាទឹកជំនន់នៅភ្នំពេញ លើថវិកាប្រមាណ ៣០០ លានដុល្លារ

បានផុស

នៅ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍ថា រដ្ឋាភិបាលបាន និងកំពុងយកចិត្តទុកដាក់ការគ្រប់គ្រងទឹក ជាមួយគ្នានេះ ដោយបានអនុញ្ញាតលើគម្រោងដោះស្រាយបញ្ហាទឹកជំនន់នៅភ្នំពេញ លើគម្រោងតម្លៃប្រមាណ ៣០០ លានដុល្លារសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងនេះ ធ្វើឡើង ក្នុងឱកាស​ សម្ដេចធិបតី ហ៊ុន ម៉ាណែត អញ្ជើញជាអធិបតីភាព​ដ៏ខ្ពង់ខ្ពស់ក្នុង ពិធីបិទសន្និបាតបូកសរុបការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងធនធានទឹក និងឧតុនិយម នៅរសៀលថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែ​មេ​សា ឆ្នាំ២០២៤នេះ។

សម្ដេចធិបតី ហ៊ុន ម៉ាណែត មានប្រសាសន៍ថា ការកសាងជាបន្តបន្ទាប់នូវប្រព័ន្ធធារាសាស្ត្រ ប្រព័ន្ធឧតុនិយម ជាគោលដៅធំ ដែលរាជរដ្ឋាភិបាលអាណត្តិមុន ក្រោមការដឹកនាំរបស់សម្ដេចតេជោ បានដាក់ជាគោលដៅធំ។ ប្រទេសយើងជាប្រទេសកសិកម្ម ដែលការប្រើប្រាស់ទឹក គឺសំខាន់ណាស់ មិនមែនសម្រាប់តែវិស័យកសិកម្ម គឺគ្រប់វិស័យទាំងអស់ ទាំងការរស់នៅប្រចាំថ្ងៃ។

សម្ដេចធិបតី ហ៊ុន ម៉ាណែត មានប្រសាន៍បន្តថា៖ “អ៊ីចឹងការធានាគោលនយោបាយ ដើម្បីធានាការគ្រប់គ្រងទឹកដោយប្រសិទ្ធភាព ជាការចាំបាច់។ និយាយរួម កុំឱ្យលិចលង់នៅរដូវវស្សា ហើយកុំឱ្យខ្វះទឹកនៅរដូវប្រាំង ពិសេសរដូវប្រាំងនេះ ប្រជាកសិករបានសម្រុកធ្វើស្រែប្រាំងច្រើន ហើយក្រសួងក៏បានចេញអន្តរគមន៍ច្រើន បានជួយជាង ៧ ម៉ឺនហិកតា”។

សម្ដេចធិបតី ហ៊ុន ម៉ាណែត មានប្រសាសន៍បន្ថែមថា យ៉ាងណាត្រូវយកចិត្តទុកដាក់ការគ្រប់គ្រងទឹកបន្តទៀត ក្នុងនោះទាក់ទងការដោះស្រាយបញ្ហាទឹកលិចនៅទីប្រជុំជនធំៗមួយចំនួន ខណៈនៅដើមអាណត្តិនេះ សម្ដេចធិបតីបានរៀបចំ និងដាក់ចេញផែនការមួយចំនួន ក្នុងនោះមានការដោះស្រាយបញ្ហាទឹកជំនន់នៅរាជធានីភ្នំពេញ ផងដែរ។

សម្ដេចធិបតី ហ៊ុន ម៉ាណែត បញ្ជាក់ថា៖ “ខ្ញុំបានអនុញ្ញាតគម្រោង១ ក្នុងអាណិត ៥ឆ្នាំនេះ យើងខិតខំធ្វើយ៉ាងណាដើម្បីដោះស្រាយបញ្ហាទឹកជំនន់នៅភ្នំពេញ។ គម្រោងជាង ៣០០ លានដុល្លារអាមេរិកនេះ ផ្ដោតលើមុខព្រួញចំនួន២ ទី១. ការបញ្ជៀសទឹកចេញ កុំឱ្យបុកចូលមកក្នុងភ្នំពេញ។ ទី២. ការដោះស្រាយប្រព័ន្ធរំដោះទឹក ដោយមាន ការកាយប្រឡាយ ការស្ដារប្រព័ន្ធលូ/ដាក់លូថ្មី ការរៀបចំបន្ថែមស្ថានីយ៍បូមទឹក/បង្កើនសមត្ថភាពស្ថានីយ៍បូមទឹក”។

គួរបញ្ជាក់ថា វិស័យធនធានទឹក គឺជាវិស័យមួយដែលមានសារៈសំខាន់មិនអាចខ្វះបានក្នុងការចូលរួមចំណែកកែ​លម្អ​ជីវភាពរស់នៅរបស់ប្រជាពលរដ្ឋ កាត់បន្ថយភាពក្រីក្រ និងកំណើនសេដ្ឋកិច្ចជាតិ។ ក្នុងន័យនេះ ក្រោម​ការ​​​ដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា បានយកចិត្តទុកដាក់ និង​ចាត់​ទុក​វិស័យធនធានទឹក គឺជាវិស័យអាទិភាពមួយក្នុងចំណោមវិស័យអាទិភាពទាំង៤ គឺ មនុស្ស ទឹក ភ្លើង និងផ្លូវ។ រាជរដ្ឋាភិបាលកម្ពុជា បានយល់ច្បាស់ពីសារៈសំខាន់លើកិច្ចបង្កើនការគ្រប់គ្រង ការអភិរក្ស និងការអភិវឌ្ឍ​វិស័យធនធានទឹក និងឧតុនិយម ប្រកបដោយប្រសិទ្ធភាពខ្ពស់ និងនិរន្តរភាព។ ដោយយោងតាមការចាំ​បាច់​នេះ រាជរដ្ឋាភិបាលកម្ពុជាក្នុងអាណត្តិទី២ បានសម្រេចបង្កើតក្រសួងធនធានទឹក និងឧតុនិយម តាម​ព្រះ​រាជ​ក្រមចុះថ្ងៃទី២៣ ខែមិថុនា ឆ្នាំ១៩៩៩។

ក្រសួងធនធានទឹក និងឧតុនិយម បានអនុវត្តន៍តួនាទី និងភារកិច្ចរបស់ខ្លួន ក្នុងការអនុវត្ត​គោល​នយោបាយគ្រប់គ្រងធនធានទឹក តាមរយៈការស្តារ ការជួសជុល និងការសាងសង់​ប្រព័ន្ធធារាសាស្ត្រ​ខ្នាតតូច មធ្យម និងធំ ដើម្បីប្រែក្លាយកម្ពុជាឱ្យទៅជាប្រទេសធានាបានសន្តិសុខទឹក ទាំងបរិមាណ និង​គុណ​ភាព ចូលរួមចំណែកដល់ការកែលម្អជីវភាពរស់នៅរបស់ប្រជាពលរដ្ឋ ការកាត់បន្ថយភាពក្រីក្រ និង​ការអភិវឌ្ឍសេដ្ឋកិច្ចជាតិ។ ដើម្បីជំរុញប្រសិទ្ធភាព និងគុណភាពការងារឱ្យកាន់តែល្អប្រសើរថែមទៀតនោះ នៅថ្ងៃទី៩ ខែមេសា ឆ្នាំ​២០២៤ ក្រសួងធនធានទឹក និងឧតុនិយម ព្រមទាំងគណៈកម្មាធិការជាតិទន្លេមេគង្គកម្ពុជា និង​អាជ្ញា​ធរ​ទន្លេសាប បានបើកសន្និបាតបូកសរុបការងារឆ្នាំ២០២៣ និងលើកទិសដៅការងារឆ្នាំ២០២៤៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ នាទី មុន

ជិតដល់ថ្ងៃផ្ទេរមកុដ កុយ អេនណា ថា ស្គាល់ច្បាស់គ្រប់យ៉ាងអ្វីដែលហៅថា “បវរកញ្ញា”

ព័ត៌មានអន្ដរជាតិ១៣ នាទី មុន

បុរស ចិន ម្នាក់ ត្រូវក្រុមហ៊ុនបណ្តេញចេញពីការងារ ដោយសារទម្លាប់ចូលបន្ទប់ទឹកយូរៗ

ព័ត៌មានជាតិ៣៨ នាទី មុន

អ្នកនាំពាក្យ៖ ៧ថ្ងៃក្រោយ សម្ដេចធិបតី ចេញបញ្ជា ការបង្ក្រាបក្មេងទំនើងកាន់តែមានប្រសិទ្ធភាព

ព័ត៌មានជាតិ៤៣ នាទី មុន

ព្រឹកថ្ងៃទី៣១ ឧសភានេះ សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា​

ព័ត៌មានជាតិ៤៦ នាទី មុន

ទើបតែ​បើកការដ្ឋាន ស្ពានឆ្លងកាត់ទន្លេបាសាក់នៅ​ព្រែកប្រា សាងសង់​សម្រេច​បានជាង ១០ ភាគរយ

សេចក្ដីជូនដំណឹង១២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៧ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៧ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

វប្បធម៌ ជំនឿ២០ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

សេចក្ដីជូនដំណឹង១៥ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម