ព័ត៌មានជាតិ
ខេត្តបាត់ដំបង មានម៉ាសុីនកិនស្រូវខ្នាតធំស្តង់ដា ១១៤ គ្រឿង ផលិតជាអង្ករនាំចេញទៅក្រៅប្រទេស
បើតាមមន្រ្តីកសិកម្មខេត្តបាត់ដំបងបានឲ្យដឹងថា បច្ចុប្បន្នទូទាំងខេត្តបាត់ដំបងមានម៉ាសុីនកិនស្រូវចំនួន ៦៥៨ គ្រឿង ក្នុងនោះខ្នាតធំសម្រាប់ផលិតជាអង្ករនាំចេញទៅក្រៅប្រទេសមានចំនួន ១១៤ គ្រឿង ខ្នាតមធ្យមមានចំនួន ២៦១ គ្រឿង និងខ្នាតតូចមាន ២៨៣ គ្រឿង ហើយក្នុងនោះមានឡសម្ងួតមានចំនួន ៩៦ គ្រឿង។
លោក ហេង សិទ្ធ មន្ត្រីកសិកម្មខេត្តបាត់ដំបងបានឲ្យកម្ពុជាថ្មីដឹងថា កាលពីប៉ុន្នានឆ្នាំមុខម្ចាស់រោងម៉ាសុីនខ្នាតធំនៅក្នុងខេត្តបាត់ដំបងជួបបញ្ហាប្រឈមពាក់ព័ន្ធខ្វះដើមទុនប្រមូលទិញស្រូវស្តុកទុក ខណះគ្រានោះឡសម្ងួតក៏នៅមានកម្រិតនៅឡើយ ដែលធ្វើឲ្យសង្វាក់លទ្ធផលដើរយឺត រហូតដល់ចុងឆ្នាំ២០២៣ រោងម៉ាសុីនខ្នាតធំក្នុងខេត្តទាំង ១១៤ គ្រឿងបានដំណើរការបានប្រសើរឡើងវិញចន្លោះពី ៧០-៩០ ភាគរយ។
ម្ចាស់រោងម៉ាស៊ីនកិនស្រូវដែលមានទីតាំងនៅស្រុកថ្មគោលខេត្តបាត់ដំបង លោក ហេង ផេង បានប្រាប់ឱ្យដឹងថា កាលពីប៉ុន្មានឆ្នាំមុន មានការខ្វះខាតឃ្លាំងស្តុកនិងឡសម្ងួតស្រូវ ស្របពេលដែលកសិករសម្រុកច្រូតព្រមគ្នាធ្វើឱ្យតម្លៃស្រូវចុះថោកខ្លាំង។ ប៉ុន្តែប៉ុន្មានឆ្នាំចុងក្រោយនេះ បញ្ហាត្រូវបានដោះស្រាយដោយសារការផ្តល់ឥណទានពីធនាគារអភិវឌ្ឍន៍ជនបទ ជួយគាំទ្រឲ្យបានដំណើរការល្អឡើងវិញ។
លោកបន្តថា ឃ្លាំងស្តុកនិងឡសម្ងួតស្រូវលែងជាបញ្ហាទៀតហើយ ប៉ុន្តែកសិករនិងឈ្មួញកំពុងប្រឈមបច្ចុប្បន្នគឺថ្លៃដើមផលិតកើនឡើងដូចជា ប្រេងឥន្ធនៈ និងជីកសិកម្មឡើងថ្លៃជាដើម។ ម្ចាស់រោងម៉ាសុីនខ្នាតស្តងដាក៏ត្រូវការទុនបន្ថែមនៅរដូវប្រមូលផលដែរ ដើម្បីប្រមូលទិញស្រូវស្តុកទុកសម្រាប់នាំចេញ។
ម្ចាស់រោងម៉ាស៊ីនកិនស្រូវរូបនេះ ក៏សប្បាយចិត្តទៅការដាក់ចេញគោលនយោបាយរបស់រាជរដ្ឋាភិបាល ក្នុងការទម្លាក់កញ្ចប់ថវិកា ១០០ លានដុល្លារ សម្រាប់ត្រៀមក្នុងការជួយប្រមូលទិញកសិផលពីកសិករកន្លងមក ហើយតាមរយៈគោលនយោបាយនេះម្ចាស់រោងម៉ាស៊ីនកិនស្រូវ អាចនឹងទទួលបានទុនបន្ថែមសម្រាប់ប្រើប្រាស់ក្នុងការប្រមូលទិញស្រូវពីប្រជាកសិករសម្រាប់ស្តុកដើម្បីកុំឱ្យស្រូវដែលបានផលិតហូរចេញទៅក្រៅប្រទេសច្រើនពេក។
បើតាមសហព័ន្ធស្រូវអង្ករកម្ពុជា នៅឆ្នាំ ២០២៣ ប្រទេសកម្ពុជាបាននាំចេញអង្ករជាង ៦៥ ម៉ឺនតោន គិតជាទឹកប្រាក់ជាង ៤៦៦ លានដុល្លារ។ កម្ពុជាក៏បាននាំចេញស្រូវជាង ៤ លានតោនសរុបជាទឹកប្រាក់ជាង ១,៣ ពាន់លានដុល្លារ ខណៈដែលចិន និងសហភាពអឺរ៉ុប ជាទីផ្សារធំជាងគេនៃអង្ករកម្ពុជា។
ដោយឡែក ក្នុងរយៈពេល ៤ ខែដំបូងឆ្នាំ ២០២៤ កម្ពុជារកចំណូលពីការនាំចេញស្រូវនិងអង្ករសរុបជាង ៨៧០ លានដុល្លារអាមេរិក ក្នុងនោះការនាំចេញអង្ករគ្រប់ប្រភេទបានចំនួន ២៤ ម៉ឺនតោន ទៅកាន់ទីផ្សារអន្តរជាតិ ដែលរកចំណូលបាន ១៧០ លានដុល្លារអាមេរិក និងនាំចេញស្រូវសរុបបានចំនួនជាង ២ លាន ៤ សែនតោន ដែលគិតជាទឹកប្រាក់មានចំនួនជិត ៧០០ លានដុល្លារអាមេរិក៕
អត្ថបទ៖ សៅ សារិទ្ធ
-
ព័ត៌មានជាតិ៧ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ៤ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ២ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានអន្ដរជាតិ១ សប្តាហ៍ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ១ សប្តាហ៍ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ចរាចរណ៍១ សប្តាហ៍ ago
រដ្ឋបាលរាជធានី ស្នើពលរដ្ឋដែលពុំមានការចាំបាច់ ពុំគួរធ្វើដំណើរឆ្លងកាត់តំបន់ទាំងនេះថ្ងៃ ១៧ ឧសភា
-
ព័ត៌មានជាតិ២ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ព័ត៌មានអន្ដរជាតិ១ សប្តាហ៍ ago
ផុតពីព្យុះព្រះអាទិត្យ ភពផែនដី អាចត្រូវវាយប្រហារដោយព្យុះវិទ្យុសកម្មមួយទៀត ក្នុងសប្តាហ៍នេះ