ព័ត៌មានជាតិ

កម្លាំងអាវុធហត្ថចុះបង្ក្រាបនិងរឹបអូសឈើប្រណិត១២៧ដុំ

បានផុស

៤ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

កម្លាំងអាវុធហត្ថលើផ្ទៃប្រទេស សហការជាមួយកម្លាំងអាវុធស្រុកអណ្តូងមាស កម្លាំងជំនាញរដ្ឋបាលព្រៃឈើស្រុកបរកែវ និងកម្លាំងអធិការនគរបាលស្រុកអណ្តូងមាស ចុះបង្ក្រាបទីតាំងស្តុកលាក់ឈើចំនួន៤ទីតាំង ស្ថិតនៅក្នុងភូមិចំនួន២ គឺភូមិតាំងសេ និងភូមិតាំងម្លូ ក្នុងឃុំញ៉ាង ស្រុកអណ្តូងមាស ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការចុះបង្ក្រាបបទល្មើសព្រៃឈើខាងលើនេះបានធ្វើឡើងកាលពីវេលាម៉ោង១១និង៣០នាទីព្រឹក នៅថ្ងៃទី២៥ ខែកុម្ភៈ ឆ្នាំ២០២១ ដោយមានការសម្របសម្រួលពីតំណាងអយ្យការអមសាលាដំបូងខេត្ត ដឹកនាំកម្លាំងដោយលោក ហាក់ ប៊ុន្នី មេបញ្ជាការរាជអាវុធហត្ថមូលដ្ឋានស្រុកអណ្តូងមាស។

សមត្ថកិច្ចដែលចុះបង្ក្រាបបានឲ្យដឹងថា ឈើដែលបង្ក្រាបទាំងនេះជាប្រភេទឈើសុក្រំ និងឈើស្រឡៅ ឃ្លុំ ចំនួនប្រមាណ១២៧ដុំ និងឈើសុក្រំមូល២០ដុំ មានមុខកាត់ចាប់ពី២៥ ដល់៤០ឃ្លុំ មានប្រវែង៣,៥០ម៉ែត្រ។

សមត្ថកិច្ចបន្តថា ឈើដែលកម្លាំងសមត្ថកិច្ចចុះបង្ក្រាបនោះ គឺមានកន្លែងខ្លះកម្លាំងយើងពិបាកក្នុងការដឹកជញ្ជូនយកមកខាងក្រៅផ្លូវ ចុះចំណោតភូមិម្លូ ក្នុងសហគមន៍ភូមិម្លូ នេះតែម្តង។

បច្ចុប្បន្ន កម្លាំងសមត្ថកិច្ចជំនាញនៅមិនទាន់បានធ្វើការដឹកជញ្ជូនយកទៅរក្សាទុកនៅឡើយទេខណៈឈើដែលសមត្ថកិច្ចចុះបង្ក្រាបនោះ គឺស្ថិតនៅទីតាំងចាស់ដដែល រង់ចាំព្រឹកស្អែកនិងដឹកជញ្ជូនបន្ត៕

អត្ថបទ ៖ វុទ្ធឦសាន