ព័ត៌មានជាតិ

Update៖ ទាំងសមត្ថកិច្ច និងម្ចាស់ផ្ទះរងគ្រោះ ពេលនេះមានសុវត្ថិភាព

បានផុស

៤ years មុន

នៅ

ថ្ងៃចន្ទ ១ មីនា ២០២១

ដោយ

តាមការបញ្ជាក់របស់សមត្ថកិច្ចដែលចូលរួមបង្រ្កាបក្រុមឧក្រិដ្ឋជនប្លន់ និងចាប់ជម្រិតនៅមុននេះបានឲ្យដឹងថា ទាំងម្ចាស់ផ្ទះនិងកងកម្លាំងដែលចូលរួមប្រតិបត្តិការមានសុវត្ថិភាព។ ចំណែកជនដៃដល់ ០៤ នាក់ត្រូវបានសមត្ថកិច្ចបាញ់សម្លាប់។

បើតាមសមត្ថកិច្ចនៅម៉ោងជាង ១១ ព្រឹកនេះ ឧក្រិដ្ឋជន០៤នាក់ បានចូលប្លន់ក្នុងផ្ទះមួយកន្លែងនៅបុរីអង្គរភ្នំពេញ ដោយរៀបផែនការជម្រិតយកប្រាក់១លានដុល្លារ ហើយគ្រោងសម្លាប់ម្ចាស់ផ្ទះទាំងប្តីប្រពន្ធនិងកូនឈ្នួល០២នាក់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលចុះបង្ក្រាប ឧក្រិដ្ឋជនបានធ្វើការបាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង។ ចំណែកម្ចាស់ផ្ទះព្រមទាំងសមត្ថកិច្ច មានសុវត្ថិភាពទាំងអស់។

ប្រតិបត្តិការនោះ សមត្ថកិច្ចដកហូតបានកាំភ្លើងវែងAK ០១ដើម និងកាំភ្លើងខ្លី០២ដើម។