ព័ត៌មានជាតិ

អាជ្ញាធរសង្កាត់ដង្កោ ដាក់គ្រឿងចក្រកាយដាក់ប្រព័ន្ធរំដោះទឹក នារដូវវស្សា

បានផុស

៣ ខែ មុន

នៅ

ថ្ងៃពុធ ១១ កញ្ញា ២០២៤

ដោយ

អាជ្ញាធរជំនាញ បានចុះពិនិត្យផ្លូវមួយខ្សែ ដែលរងផលប៉ះពាល់ជន់លិច ខណៈមានភ្លៀងធ្លាក់មកម្តងៗ ដើម្បីកាយដាក់ប្រព័ន្ធលូបង្ហូរទឹក បញ្ចៀសទឹកជំនន់ នារដូវវស្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការយកចិត្តទុកដាក់ពីអាជ្ញាធរ ឃើញថា ផ្លូវលំមួយខ្សែ ចាប់ពីកែងផ្លូវ ២១៧ រហូតទៅដល់វត្តធុដុងចំការដូង ស្ថិតនៅភូមិសំបូរ សង្កាត់ដង្កោ ខណ្ឌដង្កោ ពិបាកដល់អ្នកធ្វើដំណើរ និងប្រកបរបរផ្សេងៗ ខណៈភ្លៀងធ្លាក់មកម្តងៗ ទឹកដក់លិចផ្លូវ កង្វះនូវប្រព័ន្ធលូ ទើបកម្លាំងជំនាញពាក់ព័ន្ធចុះពិនិត្យជាក់ស្ដែង និងបានដាក់គ្រឿងចក្រឈូសឆាយ កាយដាក់ប្រព័ន្ធលូ ដើម្បីបញ្ចៀសទឹកជំនន់ជន់លិចលំនៅឋានប្រជាពលរដ្ឋ។

មន្ត្រីជំនាញសាលាខណ្ឌដង្កោ បានប្រាប់ឲ្យដឹងថា ផ្លូវដែលកំពុងស្ថាបនាកាយដាក់ប្រព័ន្ធលូខាងលើនេះ មានប្រវែង ៤០០ ម៉ែត្រ ដោយប្រើប្រាស់ថវិកាគម្រោងមូលនិធិអភិវឌ្ឍន៍របស់សាលាខណ្ឌដង្កោ៕

អត្ថបទ ៖ សុខា