ព័ត៌មានជាតិ

បុរសភេទទី៣មកពីខេត្តព្រះសីហនុ សង្ស័យមានករណីពាក់ព័ន្ធជំងឺកូវីដ-១៩

បានផុស

៣ years មុន

នៅ

ថ្ងៃអង្គារ ១៦ មីនា ២០២១

ដោយ

នៅថ្ងៃទី១៣ ខែមីនា ឆ្នាំ២០២១ ក្រុមការងារខេត្តបានសហការជាមួយចៅសង្កាត់ មេភូមិ មេប៉ុសិ៍្ត គ្រូពេទ្យបានចុះស្រាវជ្រាវករណីសង្ស័យជំងឺកូវីដ១៩ នៅភូមិសំរោង ក្រុងសំរោង ខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសភេទទី៣រូបនេះមានឈ្មោះ ប្រាក់ ធារ៉ា អាយុ៣០ឆ្នាំ រស់នៅភូមិសំរោង សង្កាត់សំរោង ក្រុងសំរោង ផ្ទះនៅជាប់ផ្សារសំរោង មានមុខរបរ មិនពិតប្រាកដ។ បុរសរូបនេះ បានទៅរស់នៅក្រុងព្រះសីហនុ រយៈពេល៣ខែ និងបានត្រឡប់មកខេត្តឧត្តរមានជ័យកាលពីថ្ងៃទី០២ខែមីនា ឆ្នាំ២០២១។

នៅថ្ងៃទី១២ ខែមីនា ឆ្នាំ២០២១ ក្នុងរយៈពេល១០ថ្ងៃ មានអាការះមិនស្រួលខ្លួន មានរោគសញ្ញាឈឺច្រមុះហៀរសំបោរ បានមកពីគ្រោះបន្ទប់ថែទាំ ហើយបានចាក់ថ្នាំនិងត្រឡបទៅផ្ទះវិញ។ រហូតដល់ថ្ងៃទី១២ ក៏ត្រឡប់មកម្ដងទៀត ទើបម្ដាយរបស់គាត់បានរាយការណ៍មកសមត្ថកិច្ច ដោយបានរៀបរាប់ពីប្រវត្ដិនៃការធ្វើដំណើរចេញពីកំពង់សោមមកភ្នំពេញ ថ្ងៃទី០២ ខែមីនា ឆ្នាំ២០២១ តាមរថយន្ដតាក់ស៊ី និងចេញបន្តភ្នំពេញសៀមរាប និងបានឡើងឡានតាក់ស៊ី បន្តមកខេត្តសៀមរាប ឧត្តរមានជ័យ តាមរថយន្តកាម៉ារី ពណ៌ទឹកប្រាក់ មានគ្នា៥នាក់ព្រះសង្ឃ១អង្គ គ្រូបង្រៀន១នាក់ និងកូនសិស្សលោក។

គ្រួសារបុរសនេះមានគ្នា៧នាក់ក្នុងនោះមានគ្រួសារសំអាងការហេង ស្រីនិច មានគ្នា៥នាក់ អ្នកលក់ដូរក្នុងផ្សារលក់គ្រឿងសំអាង និងអ្នកវេលុយនៅផ្សារសំរោង។

សមត្ថកិច្ចបានបញ្ជូនបុគ្គលឈ្មោះប្រាក់ ធារ៉ា ទៅមន្ទីរពេទ្យដើម្បីព្យាបាល និងយកសំណាកទៅពិនិត្យនៅមន្ទីរពិសោធន៍ និងតម្រូវឲ្យគ្រួសារ និងអ្នកពាក់ព័ន្ធទាំងអស់ត្រូវធ្វើចត្តាឡីស័ក នៅផ្ទះក្រោមការគ្រប់គ្រងរបស់ភូមិ និងប្រជាការពារ៕

អត្ថបទ ៖ ចាន់ ធី

Related Topics:

Up Next

ពលករជាង១ពាន់នាក់ត្រូវអាជ្ញាធរខេត្តបាត់ដំបងបញ្ជូនទៅកាន់រាជធានីខេត្តផ្សេងៗត្រឹមរយៈពេល១០ថ្ងៃ

Don't Miss

ទេសចរណ៍ស្រុកអន្លង់វែង ការអភិរក្សនិងការបង្ហាញទីតាំងបូជាសព ប៉ុល ពត ទៅកាន់ពិភពលោក