កីឡា
បន្ទប់សណ្ឋាគារកញ្ចប់ពិសេសតម្លៃ ១ លានដុល្លារក្នុងព្រឹត្តិការណ៍ World Cup ឆ្នាំនេះ
ព្រឹត្តិការណ៍បាល់ទាត់ពិភពលោក FIFA World Cup ឆ្នាំ ២០២៦ នឹងចាប់ផ្តើមនៅថ្ងៃទី១១ ខែមិថុនា នៅសហរដ្ឋអាមេរិក កាណាដា និង ម៉ិកស៊ិក ដោយក្រុមបាល់ទាត់ជម្រើសជាតិ ៤៨ ក្រុម ចូលរួមប្រកួត។
វាជាព្រឹត្តិការណ៍ពិសេសដែលប្រទេស ៣ សហការគ្នាធ្វើម្ចាស់ផ្ទះ ហើយម្ចាស់ផ្ទះនីមួយៗក៏សុទ្ធតែមានលក្ខណៈពិសេសរៀងៗ។ ជាមួយគ្នានេះ នៅសហរដ្ឋអាមេរិក ក្នុងទីក្រុងញូវយ៉ក ត្រូវបានឲ្យដឹងជាសាធារណៈអំពីសណ្ឋាគារមួយដែលមានកញ្ចប់ពិសេសមានតម្លៃរហូតដល់ ១ លានដុល្លារអាមេរិកសម្រាប់ការស្នាក់នៅ ក្នុងព្រឹត្តិការណ៍បាល់ទាត់ពិភពលោក ឆ្នាំ ២០២៦។
តាមការផ្សាយរបស់ Reuters នៅថ្ងៃទី៩ ខែមិថុនា ឆ្នាំ ២០២៦ បានបង្ហាញថា សណ្ឋាគារ Mark Hotel មានកញ្ចប់សេវាកម្មពិសេសតម្លៃ ១ លានដុល្លារ សម្រាប់ការស្នាក់នៅ ក្នុងព្រឹត្តិការណ៍ World Cup ។ ក្រៅពីសេវាកម្មនៅក្នុងសណ្ឋាគារដ៏ទំនើប សណ្ឋាគារក៏មានផ្តល់ជូនពិសេសទៀតមានដូចជា ឧទ្ធម្ភាគចក្រ ដឹកជញ្ជូនទៅទីកន្លែងប្រកួត ទាំងទៅ និងមក មានសំបុត្រទស្សនាពិសេស បន្ទប់ទស្សនា VIP មានសេវាកម្មម៉ាស្សា និងសេវាកម្មបម្រើពិសេសៗជាច្រើនទៀត។
សហព័ន្ធកីឡាបាល់ទាត់អន្តរជាតិ (FIFA) គ្រោងចំណាយថវិកាជិត ១៤ ប៊ីលានដុល្លារអាមេរិកសម្រាប់ព្រឹត្តិការណ៍ទាំងមូល ប៉ុន្តែក៏រំពឹងរកចំណូលបានប្រមាណ ១១ ទៅ ១៣ ប៊ីលានដុល្លារអាមេរិក ផងដែរ។ ប្រាក់ចំណូលអាចរកបានចន្លោះពី ៣.៨ ទៅ ៣.៩ ប៊ីលានដុល្លារពីការលក់សិទ្ធិផ្សព្វផ្សាយទូទាំងពិភពលោក។ ចំណូលពីការលក់សំបុត្រទស្សនាប្រមាណ ៣ ប៊ីលានដុល្លារ និងចំនួន ២.៤ ទៅ ៣ ប៊ីលានដុល្លារ ទៀត ទទួលបានដៃគូឧបត្ថម្ភជាដើម។
ព្រឹត្តិការណ៍ World Cup 2026 នេះត្រូវបានគេរំពឹង ថា នឹងមានការកើនឡើងអ្នកទស្សនាតាមអ៊ីនធើណែតនៅជុំវិញពិភពលោករហូតដល់ទៅ ៦ ពាន់លាននាក់ ស្មើនឹង ៧៥% នៃប្រជាជនទូទាំងពិភពលោក។ ដោយឡែកចំនួនអ្នកមកទស្សនាការប្រកួតផ្ទាល់ដល់កីឡដ្ឋានវិញ ត្រូវបាន FIFA រំពឹង ថា នឹងមានចំនួនរហូតដល់ទៅ ៥.៥ លាននាក់៕
អត្ថបទ៖ វិរបុត្រ
ប្រភព៖ REUTERS/Alicia Powell
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម