ព័ត៌មានជាតិ

ទារិការអាយុ២ខែឆ្លងកូវិដ១៩ នៅម្តុំផ្ទះគំរូអង្គការស្កុត

បានផុស

៥ years មុន

នៅ

ថ្ងៃអាទិត្យ ២១ មីនា ២០២១

ដោយ

នៅព្រឹកថ្ងៃអាទិត្យទី២១ ខែមីនានេះ ក្រុមគ្រូពេទ្យចុះមកដឹកអ្នកជំងឺរហូតដល់ទៅ៦នាក់ដែលបានឆ្លងពីបុគ្គលិកស៊ីនទ្រី ក្នុងនោះក៏មានទារកអាយុទើបតែ២ខែផងដែរ។

លោក សេង វ៉ាន់ថា ចៅរងទី១សង្កាត់ស្ទឹងមានជ័យទី២បានឲ្យដឹងថា នៅវេលាម៉ោង៧និង៤៥នាទីព្រឹកថ្ងៃទី២១ ខែមីនានេះ ក្រុមគ្រូពេទ្យបានដឹកអ្នកជំងឺចំនួន៦នាក់យកទៅព្យាបាលក្នុងនោះក៏មានទារកដែលមានអាយុទើបតែ២ខែទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅរងបន្តថា អ្នកជំងឺទាំង៦នាក់នេះគឺបានឆ្លងពីឈ្មោះ ស៊យ អ៊ុយ ភេទប្រុសអាយុ៣២ឆ្នាំជាបុគ្គលិកក្រុមហ៊ុន ស៊ីន ទ្រី ដែលរស់នៅក្នុងផ្ទះគំរូរបស់អង្គការស្កុតដែលស្ថិតក្នុងភូមិដំណាក់ធំសង្កាត់ស្ទឹងមានជ័យទី២ខណ្ឌមានជ័យរាជធានីភ្នំពេញបន្ទាប់ពីយកសំណាកទៅពិនិត្យឃើញមានវិជ្ជមានហើយក្នុងនោះអ្នកជំងឺមានអាការះក្តៅខ្លួន។

អ្នកជំងឺដែលត្រូវដឹកយកទៅព្យាបាលក្នុងនោះមានឈ្មោះទី១ ម៉ី យ៉ាន ភេទប្រុសអាយុ៥៧ឆ្នាំ ទី២ឈ្មោះ ព្រំ ស្រី ភេទស្រីអាយុ៥០ឆ្នាំ ទី៣ឈ្នោះ សោម ជាន់ ភេទស្រីអាយុ៨១ឆ្នាំ ទី៤ឈ្មោះ ម៉ី ស្រីកា ភេទស្រីអាយុ៩ឆ្នាំ ទី៥ ឈ្មោះ ម៉ិ សុខឡា ភេទស្រីអាយុ២០ឆ្នាំនិងទី៦ឈ្មោះសុវណ្ណ ភូមិ ភេទប្រុសអាយុ២ខែ។

លោក សេង វ៉ាន់ ថាបញ្ជាក់ទៀតថា ដោយសាការរីករាលដាលដល់សហគមក្នុងប្លុកផ្ទះគំរូរបស់អង្គការស្កុត អាជ្ញាធរបានសំណូមពរមិនឲ្យប្រជាពលរដ្ឋមិនត្រូវទៅសាកសួរសុខទុក្ខពីអ្នកធ្វើចត្តាឡីសក័នៅតំបន់នោះឡើយ៕

អត្ថបទ ៖ នរា

Related Topics:

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា