ព័ត៌មានជាតិ
មកដល់ម៉ោងនេះ មានពលរដ្ឋមួយចំនួនគិតថា វិរុសកូវីដជាឆាកល្ខោនគេរៀបចំប្រឌិតឡើង
លោកជំទាវ ឱ វណ្ណឌីន រដ្ឋលេខាធិការនិងជាអ្នកនាំពាក្យឲ្យក្រសួងសុខាភិបាល បានសម្ដែងការសោកស្ដាយនៅពេលមានពលរដ្ឋខ្មែរមួយចំនួនគិតថា វិរុសកូវីដ១៩ ជាវិរុសឆាកល្ខោនត្រូវបានគេរៀបចំប្រឌិតឡើង។
លោកជំទាវមានប្រសាសន៍ថា ករណីជំងឺកូវីដមិនមែនកើតតែនៅក្នុងប្រទេសកម្ពុជានោះទេ វាបានឆ្លងរាតត្បាតពេញសកលលោក។ គ្មាននរណាយកអាយុជីវិតមនុស្សមកលេងសើចរៀបចំជាឆាកល្ខោននោះឡើយ។ បងប្អូនកុំមើលស្រាល និងជឿតាមការឃោសនាអកុសលទាំងនោះឲ្យសោះ ធ្វើឲ្យភ្លេចភ្លាំង អនុវត្តវិធានការការពារខ្លួន។
លោកជំទាវបានសម្តែងការព្រួយបារម្ភពីស្ថានភាពវាយលុកវិរុសកូវីដ ១៩ កាន់តែសាហាវ រហូតមកដល់ពេលនេះបានសម្លាប់អាយុជីវិតពលរដ្ឋខ្មែរអស់ជាច្រើននាក់។
លោកជំទាវបន្តថា លទ្ធភាពវាយលុកកាន់តែសាហាវនៃមេរោគនេះ មិនអាចមើលស្រាលបានទេ។ និយាយម្តងហើយម្តងទៀត គ្រប់គ្នាត្រូវតែជ្រួតជ្រាប ត្រូវគិតពីអាយុជីវិតខ្លួនឯង និងក្រុមគ្រួសារ បើមានការបាត់បង់អាយុជីវិត នឹងមានការសោកស្តាយបែបណាខ្លះ។
លោកជំទាវបានលើកឡើងដូច្នេះថា “បើបងប្អូនមិនគិតពីអាយុជីវិតខ្លួនឯង ក៏ត្រូវគិតពីអាយុជីវិតក្រុមគ្រួសារ កូន ប្រពន្ធឪពុកម្តាយ និងអ្នករស់នៅជាមួយនោះដែរ”។
ក្នុងរយៈពេលមិនដល់មួយខែក្នុខែមីនា វិរុសកូវីដ ១៩ បានសម្លាប់ជីវិតពលរដ្ឋខ្មែរអស់ចំនួន ០៥ នាក់។ លោកជំទាវ ឱម វណ្ណឌីន ទទូចពលរដ្ឋត្រូវអនុវត្តវិធានការសុខាភិបាលដោយហ្មត់ចត់បំផុត ៣ កុំ ៣ ការពារ។ មុនចេញពីផ្ទះដូចមានកណ្តឹងរោទិ៍ដាស់តឿនត្រូវតែការពារ និងប្រុងប្រយ័ត្នជាប់ជានិច្ច។
គួរបញ្ជាក់ថា ក្រសួងសុខាភិបាលបានដាក់វិធានការ ៣ កុំ និង ៣ ការពារ ដើម្បីទប់ស្កាត់ការឆ្លងរាលដាលជំងឺកូវីដ ១៩។
៣ កុំ មាន៖
១/ កុំចូលទៅកន្លែងបិទជិត គ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូល
២/ កុំទៅកន្លែងមនុស្សច្រើនកុះករ
៣/ កុំប៉ះពាល់គ្នា ចាប់ដៃគ្នា កៀកស្មាគ្នា និងអោបគ្នាជាដើម
៣ ការពារមាន៖
១/ ពាក់ម៉ាស
២/ លាងដៃ
៣/ រក្សាគម្លាតសង្គម និងគម្លាតសុវត្ថិភាពបុគ្គល (ចាប់ពី ១ម៉ែត្រកន្លះឡើងទៅ)៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ