ព័ត៌មានជាតិ

ក្រុមគ្រូពេទ្យជិត១០នាក់នៅមន្ទីរពេទ្យខេត្តកំពង់ចាម ត្រូវធ្វើចត្តាឡីស័ក ក្រោយពាក់ព័ន្ធជាមួយមន្ដ្រីនគរបាលវិជ្ជមានកូវីដ១៩

បានផុស

៥ years មុន

នៅ

ថ្ងៃសុក្រ ២៦ មីនា ២០២១

ដោយ

កំពង់ចាម ៖ ក្រុមគ្រូពេទ្យជិត១០ នៅក្នុងមន្ទីរពេទ្យខេត្តកំពង់ចាម ត្រូវឲ្យធ្វើចត្តាឡីស័ក ក្រោយពីពាក់ព័ន្ធនឹងមន្ត្រីនគរបាល មួយរូបឈ្មោះវ៉ាន់ ណាក្រូ ប្រធានការិយាល័យសុខាភិបាល នៃស្នងការដ្ឋាននគរបាលខេត្តត្បូងឃ្មុំ មានវិជ្ជមានកូវីដ ១៩ រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រូពេទ្យបានយក បុរសម្នាក់នេះមកសម្រាកព្យាបាលនៅបន្ទប់ចត្តាឡីស័កនៅក្នុងមន្ទីរពេទ្យខេត្តកំពង់ចាម។ ដោយមុនរកឃើញវីរុសកូវីដ១៩ចំពោះ បុគ្គលិកលោកវ៉ាន់ ណាក្រូនេះ លោកធ្លាប់មកពិនិត្យជំងឺនៅក្នុងមន្ទីរខេត្តនេះផងដែរ ដូច្នោះធ្វើឲ្យអ្នកដែលសង្ស័យធ្លាប់ពិនិត្យព្យាបាល និងធ្លាប់ប្រាស្រ័យទាក់ទងជាមួយបុរសម្នាក់នេះ មានគ្រូពេទ្យក្នុងខេត្តកំពង់ចាមសរុបជិត១០រូបផងដែរ។

បច្ចុប្បន្ន ក្រុមគ្រូពេទ្យទាំងនោះកំពុងធ្វើចត្តាឡីស័កដាក់ខ្លួនឲ្យនៅដាច់ឡែកនៅសាលាគរុកោសល្យភូមិភាគ ដើម្បីតាមដានសុខភាពរយៈពេល១៤ថ្ងៃសិន។

សូមបញ្ជាក់ផងដែរ សាលាគរុកោសល្យភូមិភាគខេត្តកំពង់ចាម ត្រូវធ្វើជាមណ្ឌលចត្តាឡីស័កចំនួនបីអគារ សរុបប្រមាណ២៦០បន្ទប់ ស្មើនឹង ៥៨៥គ្រែ។ បន្ថែមពីនេះ នៅតាមបណ្តាស្រុកនីមួយៗ បានត្រៀមទីតាំង សម្រាប់ធ្វើជាមណ្ឌលចត្តាឡីស័ក ផងដែរ ក្នុងនោះ មាន -នៅស្រុកចំការលើ បានត្រៀម ៣កន្លែង ដែលអាចទទួលអ្នកធ្វើចត្តាឡីស័ក ប្រមាណ ២៥០នាក់។ នៅស្រុកព្រៃឈរ បានត្រៀម ០១កន្លែង ដែលអាចទទួលអ្នកធ្វើចត្តាឡីស័កប្រមាណ ៦០នាក់។

ស្រុកជើងព្រៃ បានត្រៀម ០១កន្លែង ដែលអាចទទួលអ្នកធ្វើចត្តាឡីស័កប្រមាណ ៨០នាក់។ -នៅស្រុកបាធាយ មាន០១ទីតាំង ដែលអាចទទួលអ្នកធ្វើចត្តាឡីស័កប្រមាណ ៦០នាក់។ -ស្រុកកំពង់សៀម បានត្រៀម ០១កន្លែង ដែលអាចទទួលអ្នកធ្វើចត្តាឡីស័កប្រមាណ ៥០នាក់ -ស្រុកកងមាស បានត្រៀម ០២កន្លែង ដែលអាចទទួលអ្នកធ្វើចត្តាឡីស័កប្រមាណ ៧០នាក់ -ស្រុកស្រីសន្ធរ បានត្រៀម ០១កន្លែង ដែលអាចទទួលអ្នកធ្វើចត្តាឡីស័កប្រមាណ ២០នាក់ -ស្រុកកោះសូទិន បានត្រៀម ០២កន្លែង ដែលអាចទទួលអ្នកធ្វើចត្តាឡីស័កប្រមាណ ៣០នាក់ -ស្រុកស្ទឹងត្រង់ បានត្រៀម ០១កន្លែង ដែលអាចទទួលអ្នកធ្វើចត្តាឡីស័កប្រមាណ ២០នាក់៕

ដោយ ៖ កម្ពុជាថ្មី

Related Topics:កូវីដ-១៩ ចត្តាឡីស័ក

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា