ព័ត៌មានជាតិ
ពីខេត្តកោះកុងដល់ខេត្តព្រះវិហារ មានច្រកទ្វារព្រំដែនផ្លូវការចំនួន ២៤ ជាមួយប្រទេសថៃ
ខេត្តចំនួន ៧ របស់កម្ពុជាចាប់ពីខេត្តកោះកុង ពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ និងខេត្តព្រះវិហារ មានច្រកទ្វារព្រំដែនផ្លូវការសរុបចំនួន ២៤ សម្រាប់ការទំនាក់ទំនង និងធ្វើពាណិជ្ជម្មជាមួយប្រទេសថៃ។ នេះបើតាមអគ្គនាយកដ្ឋានអន្តោប្រវេសន៍។
ខេត្តកោះកុងដែលស្ថិតនៅទិសនិរតី មានភូមិសាស្រ្តជាប់ខេត្តត្រាតរបស់ប្រទេសថៃប្រវែង ៥០ គីឡូម៉ែត្រ។ ខេត្តតំបន់ឆ្នេរនេះ មានទាំងច្រកព្រំដែនគោក និងច្រកព្រំដែនសមុទ្រសម្រាប់ការធ្វើពាណិជ្ជកម្មជាមួយប្រទេសថៃ។ ច្រកព្រំដែកគោកគឺច្រកចាំយាម ឈមច្រកហាតលិកក្នុងខេត្តត្រាតរបស់ថៃ។ ដោយឡែកច្រកសមុទ្រមានចំនួន ៣ គឺច្រកប៉ាក់ខ្លងនៅស្រុកមណ្ឌលសីម៉ា ច្រកថ្មសនៅស្រុកបុទុមសាគរ និងច្រកកោះស្តេចនៅស្រុកគីរីសាគរ។
ខេត្តពោធិ៍សាត់មានភូមិសាស្រ្តជាប់ខេត្តត្រាតរបស់ថៃប្រវែង ៥៣ គីឡូម៉ែត្រ និងមានច្រកព្រំដែនអន្តរជាតិចំនួន ១ សម្រាប់ធ្វើទំនាក់ទំនងគ្នាគឺច្រកថ្មដា ខណៈខាងថៃគឺច្រកបានថាសាន និងមានច្រកតំបន់ចំនួន ៣ ទៀតគឺច្រកភ្នំឫស្សី ច្រកស្ពានជ័យជំនះ និងច្រកផ្លូវ ៥៦។
ខេត្តប៉ៃលិនដែលស្ថិតនៅទិសពាយ័ព្យជាប់ខេត្តចំនួនពីររបស់ថៃគឺខេត្តច័ន្ទបុរី និងខេត្តត្រាត លើខ្សែព្រំដែនប្រវែង ៤៨ គីឡូម៉ែត្រ។ ខេត្តប៉ៃលិនមានច្រកទ្វារអន្តរជាតិមួយគឺច្រកព្រំដែនអន្តរជាតិព្រំ ទល់មុខច្រកបានប៉ាកាតរបស់ថៃ។
ចំណែកខេត្តបាត់ដំបង ជាប់ខេត្តចំនួន ៣ របស់ថៃគឺខេត្តច័ន្ទបុរី ត្រាត និងស្រះកែវលើខ្សែបន្ទាត់ព្រំដែនប្រវែង ១៣៧ គីឡូម៉ែត្រ។
ខេត្តបាត់ដំបងមានច្រកទ្វារព្រំដែនផ្លូវការចំនួន ៥ សម្រាប់ទំនាក់ទំនងជាមួយថៃក្នុងនោះមានច្រកអន្តរជាតិចំនួន ២ គឺច្រកដូង ដែលខាងថៃច្រកបានលែម និងច្រកគីឡូ ១៣ (ភ្នំដី) ខាងថៃគឺច្រកខៅឌិន និងមានច្រកតំបន់ចំនួន ៣ ទៀតគឺច្រកអូរអន្លក់ (សួនស៊ុំ) នៅស្រុកកំរៀង ច្រកអូររំដួល នៅស្រុកភ្នំព្រឹក និងច្រកឆករកា (៤០០) នៅស្រុកសំឡូត។
ខេត្តបន្ទាយមានជ័យ ជាប់ជាមួយខេត្តស្រះកែវ និងខេត្តបុរីរម្យរបស់ថៃលើខ្សែព្រំដែនប្រវែង ១៨៧ គីឡូម៉ែត្រ។
ខេត្តបន្ទាយមានជ័យមានច្រកព្រំដែនចំនួន ៥ ជាមួយថៃ ដែលក្នុងនោះច្រកទ្វារអន្តរជាតិមានចំនួនពីរ ដែលទីមួយគឺច្រកប៉ោយប៉ែត និងខាងថៃច្រកបានខ្លងលិក និងច្រកស្ទឹងបត់ និងខាងថៃច្រកបានណងអៀង។
ដោយឡែកច្រកតំបន់មានចំនួន ៣ គឺច្រកបឹងត្រកួននៅស្រុកថ្មពួក ខាងថៃច្រកចុងត្រាព្រះយ៉ា ច្រកម៉ាឡៃនៅស្រុកម៉ាឡៃ ខាងថៃច្រកណងភ្លឺ និងច្រក ៤៣ នៅស្រុកអូរជ្រៅ និងខាងថៃច្រកណងម៉ាក់ម៉ូន។
ខេត្តឧត្តរមានជ័យដែលស្ថិតនៅភាគឧត្តរជាប់ខេត្តចំនួន ៣ របស់ថៃមានខេត្ត បុរិរម្យ សុរិន្ទ និងស៊ីសាកេត លើខ្សែព្រំដែនប្រវែង ២៣០ គីឡូម៉ែត្រ។
ខេត្តនេះមានច្រកទ្វារព្រំដែនអន្តរជាតិចំនួន ៣ សម្រាប់ការទំនាក់ទំនងជាមួយប្រទេសថៃ គឺច្រកអូរស្មាច់នៅក្រុងសំរោង ខាងថៃច្រកឆងចម ច្រកជាំនៅស្រុកអន្លង់វែង ខាងថៃច្រកសាង៉ាម និងច្រកជប់គគីរ នៅស្រុកបន្ទាយអំពិល និងខាងថៃច្រកសៃតាកូ។
ខេត្តព្រះវិហារជាប់ខេត្តស៊ីសាកេត និងអ៊ូប៊ុនរជ្ជធានីរបស់ថៃលើខ្សែព្រំដែនសរុបប្រវែង ១៤០ គីឡូម៉ែត្រ។
ខេត្តមានច្រកទ្វារព្រំដែនចំនួនពីរជាមួយថៃ ក្នុងនោះមានច្រកព្រំដែនអន្តរជាតិអានសេះ ក្នុងស្រុកជាំក្សាន្ត ខាងថៃច្រកអានម៉ា និងច្រកទ្វេភាគីប្រាសាទព្រះវិហារ ខាងថៃច្រកចុងប៉ាម៉ូអីដេង៕
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ