ព័ត៌មានជាតិ
រថយន្ត២គ្រឿង ព្រលះគ្នាពេញទំហឹង បណ្តាលឲ្យរបួសធ្ងន់ស្រាល៤នាក់ នៅស្រុកពួក
គ្រោះថ្នាក់ចរាចរណ៍មួយកើតឡើង រវាងរថយន្ត២គ្រឿង ស្ថិតនៅលើកំណាត់ផ្លូវជាតិលេខ៦ ក្នុងភូមិកិត្តិយស ឃុំព្រៃជ្រូក ស្រុកពួក ខេត្តសៀមរាប បណ្តាលធ្វើឲ្យមនុស្ស៤នាក់ នៅវេលាម៉ោង៣និង៣០នាទីទៀបភ្លឺ ថ្ងៃទី០៩ ខែវិច្ឆិកា ឆ្នាំ២០២០ ។
តាមការបញ្ជាក់របស់លោកវរៈសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថា ករណីគ្រោះថ្នាក់ចរាចរណ៍រវាងរថយន្ត និង រថយន្ត ដែលបានបើកបរបញ្ច្រាសទិសគ្នា បានបង្កដោយរថយន្តកូរ៉េ ទម្ងន់ពីរតោនកន្លះ ពាក់ស្លាកលេខសៀមរាប3A-2246 ដឹកទ្រុងដាក់មាន់ បានបើកបរមកពីទិសខាងលិច ឆ្ពោះទៅកើត បានរ៉េចង្កូតទៅចូលគន្លងផ្លូវខាងឆ្វេង ហើយបានទៅបុកជាមួយរថយន្តធុនកាម៉ាស់សណ្តោង ពាក់ស្លាកលេខភ្នំពេញ4A-0673 បើកបរពីមកពីទិសខាងកើតទៅទិសខាងលិច ដែលមានផ្ទុកជ័រទឹកពេញទ្រុងរថយន្ត ដែលធ្វើឲ្យរថយន្តកាម៉ាស់ រ៉េចង្កូតទៅខាងឆ្វេង ហើយបានធ្លាក់ក្បាលរថយន្តចូលស្រះទឹក ទៅបុកដីមាត់ស្រះធ្វើឲ្យខូចខាតផ្នែកខាងមុខ និង ធ្វើឲ្យទំនិញជ័រទឹក ធ្លាក់រាយពេញទឹកស្រះ ហើយចំពោះរថយន្តកូរ៉េ ដែលជាអ្នកបង្ក ក៏បានក្រឡាប់នៅលើទ្រូងផ្លូវខូចខាតធ្ងន់ធ្ងរផងដែរ ស្ថិតលើកំណាត់ផ្លូវជាតិលេខ៦ ចន្លោះបង្គោលគីឡូម៉ែត្រ៣៥១និង៣៥២។ ចំពោះអ្នកបើកបររថយន្តទាំងពីរ និង អ្នករួមដំណើរ បានរងរបួសធ្ងន់៣នាក់ ស្រាលម្នាក់។
លោកអធិការក៏បានបន្តទៀតថា ក្នុងករណីគ្រោះថ្នាក់ចរាចរណ៍នេះ គឺបណ្តាលមកពីអ្នកបើកបររថយន្តកូរ៉េដឹកទ្រុងមាន់ បើកបរល្បឿនលឿនមិនប្រកាន់ស្តាំ ក្នុងស្ថានភាពងងុយដេក។ ចំពោះជនរងគ្រោះ បានកំពុងសង្គ្រោះនៅមណ្ឌលសុខភាពឃុំព្រៃជ្រូក និងបានសង្គ្រោះបន្តទៅមន្ទីរពេទ្យបង្អែកខេត្តសៀមរាប។ ក្រោយកើតហេតុ កម្លាំងជំនាញ បានចុះធ្វើការវាស់វែង និង បានកសាងសំណុំរឿងបញ្ជូនទៅរក្សាទុកនៅអធិការដ្ឋាននគរបាលស្រុកពួក ដើម្បីការដោះស្រាយទៅតាមនីតិវិធីច្បាប់៕
អត្ថបទ៖ គឿនវេត
សូមចុចអាន៖ ឪពុកចុង អារ.ក កូនពីខាងក្រោយ បណ្តាលឲ្យស្លាប់ ខណៈបញ្ជូនទៅដល់មន្ទីរពេទ្យ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)