ព័ត៌មានជាតិ
ជង់ ក ស្លាប់ម្នាក់ និងរបួសស្រាលម្នាក់ ខណៈជិះម៉ូតូបុកគោយន្តចតមិនដាក់ភ្លើងសញ្ញាសម្គាល់
ម៉ូតូ១គ្រឿងបោះពួយយ៉ាងលឿងទៅបុកគូទគោយន្តកែច្នៃ កំពុងចតទុកនៅចិញ្ចើមផ្លូវពុំបានដាក់ភ្លើងសញ្ញាសម្គាល់ឡើយ ក្នុងទិសដៅពីលិចទៅកើត បណ្តាលឲ្យយុវជនម្នាក់ស្លាប់ភ្លាមៗនៅកន្លែងកើតហេតុ និងម្នាក់ទៀតរបួសស្រាល។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងនៅវេលាម៉ោង២៣និង៣០នាទី កាលពីថ្ងៃទី៧ ខែមេសា ឆ្នាំ២០២១ តាមផ្លូវបេតុងមួយកន្លែង ត្រង់ចំណុចមុខសាលាឃុំបរខាំ ស្ថិតនៅក្នុងភូមិព្រិល ឃុំបរខាំ ស្រុកអូរយ៉ាដាវ។
យោងតាមរបាយការណ៍ពីនគរបាលស្រុកអូរយ៉ាដាវ បានឲ្យដឹងថា អ្នកបើកបរគោយន្តបង្កឈ្មោះ រម៉ាស សឹង ភេទប្រុស អាយុ៤៤ឆ្នាំ ជនជាតិភ្នង មុខរបរកសិករ មានទីលំនៅភូមិតាកុកភ្នង ឃុំបរខាំ ស្រុកអូរយ៉ាដាវ ខេត្តរតនគិរី។ អ្នកបើកបរម៉ូតូឈ្មោះ នឹ មុនី ទឹម ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មករ មានស្រុកកំណើតភូមិអង្កាញ់ ឃុំបោះអង្កាញ់ ស្រុកកៀនស្វាយ ខេត្តកណ្តាល សព្វថ្ងៃរស់នៅភូមិព្រិល ឃុំបរខាំ ស្រុកអូរយ៉ាដាវ ខេត្តរតនគិរី ជិះម៉ូតូ១គ្រឿងម៉ាក វ៉េវឆ្លាម ពណ៌ត្រួយចេក អត់ស្លាកលេខ(ស្លាប់)។ អ្នករួមដំណើរឈ្មោះ អៀង ទីទី ភេទប្រុស អាយុ១៨ឆ្នាំ ជនជាតិខ្មែរ មុខរបរកសិករ រងរបួសស្រាល បច្ចុប្បន្នរស់នៅភូមិ-ឃុំជាមួយអ្នកបើកបរម៉ូតូ។
របាយការណ៍បានបញ្ជាក់ទៀតថា មុនពេលកើតហេតុអ្នកបើកបរគោយន្តកែច្នៃ ចតនៅលើចំណីផ្លូវខុសលក្ខណៈបច្ចេកទេស ទើបបណ្ដាលឲ្យម៉ូតូជិះមកពីក្រោយបុកគូទគោយន្តយ៉ាងពេញទំហឹងតែម្តង បណ្តាលឲ្យជុងដែកជាប់នៅនឹង.ក ស្លាប់មួយរំពេច អ្នករួមដំណើរជាមួយរងរបួសស្រាល។ ចំណែកមធ្យោបាយទាំងពីរគ្រឿង ត្រូវបានកម្លាំងជំនាញសហការជាមួយប៉ុស្តិ៍យកមករក្សាទុកនៅអធិការ ដើម្បីរង់ចាំធ្វើការដោះស្រាយគ្នាតាមនីតិវិធីច្បាប់។ ដោយឡែកសពកម្លាំងប៉ុស្តិ៍ បានធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ វុទ្ធឦសាន
សូមចុចអាន៖ បញ្ជូនឃាតកសម្លាប់កុមារាអាយុ ១០ ឆ្នាំទាំងដៃជាប់ខ្នោះឡើងតុលាការ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ