នយោបាយ
ថ្ងៃសុក្រ ខាងស្អែកនេះ គ.ជ.ប នឹងបើកកិច្ចពិគ្រោះយោបល់តាមអនឡាញ ស្ដីពីការបោះឆ្នោតសាកល្បងជ្រើសរើសក្រុមប្រឹក្សា ឃុំសង្កាត់
គណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា នៅថ្ងៃសុក្រ ទី២៨ ខែឧសភា ឆ្នាំ២០២១ គ.ជ.ប នឹងបើកកិច្ចពិគ្រោះយោបល់តាមអនឡាញ ស្ដីពីការបោះឆ្នោតសាកល្បងជ្រើសរើសក្រុមប្រឹក្សា ឃុំ សង្កាត់ នេះបើយោងតាមលិខិតជូនដំណឹងដល់ក្រសួង ស្ថាប័នពាក់ព័ន្ធ និងគណបក្សនយោបាយ សមាគម និងអង្គការមិនមែនរដ្ឋាភិបាល ដែលជាភាគីពាក់ព័ន្ធក្នុងដំណើរការរៀបចំការបោះឆ្នោតសាកល្បង ដែលទើបទទួលបាននៅថ្ងៃទី២៦ ខែឧសភា នេះ។
កិច្ចប្រជុំតាមអនឡាញនេះ នឹងមានការចូលរួមពីលោក ឌឹម សុវណ្ណារុំ សមាជិក គ.ជ.ប, លោក ទេព នីថា អគ្គលេខាធិការគ.ជ.ប, លោក សោម សូរីថា ទីប្រឹក្សា និងជាអគ្គលេខាធិការរង គ.ជ.ប, លោក តុប ប្ញទ្ធី អគ្គនាយកសេវាកម្មច្បាប់ និងបច្ចេកទេស ហើយកិច្ចប្រជុំនេះ នឹងមានបទបង្ហាញអំពីកម្មវិធីរៀបចំបញ្ជីបេក្ខជនឈរឈ្មោះបោះឆ្នោតតាមប្រព័ន្ធបច្ចេកវិទ្យាព័ត៌មានវិទ្យា និងបទបង្ហាញស្តីអំពីវិធានការទប់ស្កាត់ការឆ្លងរាលដាលនៃជម្ងឺកូវីដ-១៩ ក្នុងដំណើរការបោះឆ្នោត និងការប្រើប៊ិកគំនូសគាំទ្រគណបក្សនយោបាយលើសន្លឹកឆ្នោតផងដែរ។
បើតាម គ.ជ.ប កិច្ចប្រជុំពិគ្រោះយោបល់តាមអនឡាញ ស្តីពីការបោះឆ្នោតសាកល្បងជ្រើសរើសក្រុម ប្រឹក្សាឃុំ សង្កាត់ ឆ្នាំ២០២១ នឹងប្រព្រឹត្តទៅតាមអនឡាញ (Jitsi Meet) នៅថ្ងៃសុក្រ ទី២៨ ខែឧសភា ឆ្នាំ២០២១ ហើយតំណាងក្រសួង ស្ថាប័ន លធ.ខប គណបក្សនយោបាយ សមាគម និងអង្គការមិនមែនរដ្ឋាភិបាល ដែលត្រូវបានសាមីក្រសួង ស្ថាប័ន ចាត់តាំងឱ្យចូលរួមក្នុងកិច្ចប្រជុំតាមអនឡាញកន្លងមក ត្រូវបានអនុញ្ញាតឲ្យចូលរួមក្នុងកិច្ច ប្រជុំពិគ្រោះយោបល់នេះ។
សូមបញ្ជាក់ថា ការបោះឆ្នោតសាកល្បងសម្រាប់ជ្រើសរើសក្រុមប្រឹក្សាឃុំ សង្កាត់ ឆ្នាំ២០២១ គ្រោងធ្វើឡើងនៅថ្ងៃទី២៣ ខែឧសភា ឆ្នាំ២០២១ នៅក្នុងឃុំ សង្កាត់ គោលដៅមួយចំនួន ប៉ុន្តែគណៈកម្មាធិការជាតិរៀបចំការបោះឆ្នោត ( គ.ជ.ប) បានសម្រេចលើកពេលអនុវត្តដំណើរការ បោះឆ្នោតនេះ ដោយសារតែស្ថានភាពនៃការឆ្លងរីករាលដាល នៃជំងឺកូវីដ-១៩ ក្នុងព្រះរាជាណាចក្រកម្ពុជាកាន់តែធ្ងន់ធ្ងរឡើងៗ៕
ដោយ ៖ កោះកែវ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម