នយោបាយ
ក្រសួងមហាផ្ទៃសម្រេចអនុញ្ញាតឲ្យបង្កើត “គណបក្សបេះដូងជាតិ” ដែលមានស្ថាបនិកមកពីអតីតគណបក្សសង្គ្រោះជាតិ
ក្រសួងមហាផ្ទៃ បានសម្រេចអនុញ្ញាតឱ្យបង្កើត “គណបក្សបេះដូងជាតិ” ដែលសរសេរជាអក្សរកាត់ “គ.ប.ជ” មានអាសយដ្ឋាន ទីស្នាក់ការកណ្តាល ស្ថិតនៅផ្ទះលេខ២០៩ជ ផ្លូវបេតុងថ្មី ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ នេះបើយោងតាមលិខិត របស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ផ្ញើទៅកាន់ លោក សៀម ភ្លុក តំណាងស្ថាបនិកគណបក្សបេះដូងជាតិ កាលពីថ្ងៃទី២១ មិថុនា។
ក្រសួងមហាផ្ទៃបានបញ្ជាក់ថា ក្រសួងអនុញ្ញាតឲ្យបង្កើត “គណបក្សបេះដូងជាតិ” ហើយ ដូច្នេះដើម្បីទទួលបានសុពលភាព និងអាចធ្វើសកម្មភាព ដោយស្របច្បាប់ ក្នុងឋានៈជានីតិបុគ្គល នៅក្នុងរយៈពេល១៨០ថ្ងៃ បន្ទាប់ពីបានបង្កើតរួចហើយ “គណបក្សបេះដូងជាតិ” ត្រូវរៀបចំបែបបទ និងបំពេញលក្ខខណ្ឌ ស្នើសុំចុះបញ្ជីនៅក្រសួងមហាផ្ទៃ ស្របតាមកថាខណ្ឌទី២ មាត្រា៩ មាត្រា១៨ថ្មី មាត្រា១៩ និងមាត្រា២០ នៃច្បាប់ស្តីពីគណបក្សនយោបាយ។
សូមបញ្ជាក់ថា គណបក្សបេះដូងជាតិ បានដាក់ពាក្យសុំបង្កើតគណបក្សទៅក្រសួងមហាផ្ទៃកាលពីថ្ងៃទី០៣ ខែមិថុនា ឆ្នាំ២០២១ កន្លងទៅ ហើយដោយផ្អែកទៅតាមការស្នើសុំនេះ ក្រសួងមហាផ្ទៃ បានតម្រូវឲ្យគណបក្សនេះ ត្រូវរៀបចំសញ្ញាសម្គាល់របស់គណបក្សឲ្យបានត្រឹមត្រូវ ដោយអនុលោមតាមច្បាប់ស្ដីពីគណបក្សនយោបាយ។
ទាក់ទងការបង្កើតគណបក្សថ្មីនេះ មានប្រភពមួយចចំនួនបានបង្ហើបថា គណបក្សបេះដូងជាតិនេះ រួមគ្នាបង្កើតឡើងដោយលោក ថាច់ សេដ្ឋា អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ និងជាប្រធានសហគមន៍ខ្មែរកម្ពុជាក្រោម ដែលទើបទទួលបានសម្បទា ធ្វើនយោបាយឡើងវិញកាលពីថ្មីៗនេះ ប៉ុន្តែលោក ថាច់ សេដ្ឋា បានបដិសេធចំពោះព័ត៌មានខាងលើនេះ ដោយសំអាងថា លោកមិនទាន់បានគិតគូរពីការធញវើនយោបាយនៅឡើយទេ បើទោះបីលោកទទួលបានសម្បទា ធ្វើនយោបាយឡើងវិញក៏ដោយ។
លោក ថាច់ សេដ្ឋា បានថ្លែងប្រាប់កម្ពុជាថ្មីថា លោកមិនទាន់បានគិតគូរពីការធ្វើនយោបាយ ឬបង្កើតគណបក្សអីនោះទេ ដោយសារតែលោកកំពុងជាប់រវល់ក្នុងការរៀបចំបុណ្យខួប នៃការបាត់បង់ទឹកដីកម្ពុជាក្រោម ដែលគ្រោងធ្វើនៅថ្ងៃទី២៧ ខែមិថុនា ឆ្នាំ២០២១ខាងមុខ។
បើទោះបីជាលោក ថាច់ សេដ្ឋា បានបដិសេធព័ត៌មាននេះក្តី មានប្រភពច្រើនដែលស្និទ្ធលោក កឹម សុខា បានបញ្ជាក់ថា គណបក្សបេះដូងជាតិ នេះត្រូវបានបង្កើតឡើងដោយក្រុមលោក ថាច់ សេដ្ឋា ហើយបានដាក់ឈ្មោះលោក សៀម ភ្លុក ជាតំណាង ហើយគណបក្សនេះក៏ទទួលបានភ្លើងខៀវពីលោក សម រង្ស៊ី លោក អេង ឆៃអ៊ាង ដែលកំពុងនិរទេសខ្លួននៅក្រៅប្រទេសផងដែរ។
សូមបញ្ជាក់ថា រហូតមកដល់ពេលនេះ អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ ជាង២០នាក់ហើយ បានស្នើសុំសម្បទា ដើម្បីបានធ្វើនយោបាយឡើងវិញ ហើយក៏ទទួលបានសម្បទាធ្វើនយោបាយឡើងវិញជាបន្តបន្ទាប់ផងដែរ ក្នុងនោះមានអតីតមន្ត្រីជាន់ខ្ពស់មួយចំនួនបានបង្កើតគណបក្សថ្មីដោយខ្លួនឯង ហើយមួយចចំនួនទៀតចូលរួមជាមួយអ្នកដទៃ ហើយអ្នកដែលស្នើសុំសម្បទាធ្វើនយោបាយឡើងវិញ ក៏ទទួលបានការចោទប្រកាន់ពីអតីតថ្នាក់ដឹកនាំរបស់ខ្លួនថា ជាជនក្បត់បក្សផងដែរ តែចំណែកលោក ដាច់ សេដ្ឋា នៅមិនទាន់មានការចោទប្រកាន់ពីលោក សម រង្ស៊ី ថាជាមនុស្សក្បត់បក្សនោះទេ៕
អត្ថបទ៖ កោះកែវ
-
ជីវិតកម្សាន្ដ៦ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍១ សប្តាហ៍ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៦ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៧ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានជាតិ៥ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?
-
ព័ត៌មានអន្ដរជាតិ៤ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣