Connect with us

នយោបាយ

ថ្ងៃ​ដំបូង នៃ​ការចុះឈ្មោះ​បោះឆ្នោត បាន​ប្រព្រឹត្ត​ទៅ​ដោយ​រលូន ពុំមាន​បញ្ហា​ប្រឈម​ណាមួយ​ឡើយ​

បានផុស

នៅ

​ថ្ងៃទី​១២ ខែតុលា ឆ្នាំ​២០២១ នេះ គឺជា​ថ្ងៃ​ដំបូង​ដែល​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បាន​បើក​ឱ្យ​ដំណើរការ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ នៅ​ទូទាំងប្រទេស ហើយ​ការិយាល័យ​ចុះឈ្មោះ​បោះឆ្នោត​នៅតាម​សាលាឃុំ សង្កាត់​ទូទាំងប្រទេស បាន​បើក​ដំណើរការ​ព្រម​គ្នា​នៅវេលា​ម៉ោង​៧​ព្រឹក និង​បាន​ប្រព្រឹត្តទៅ​ល្អ​ពុំមាន​បញ្ហា​ប្រឈម​ណាមួយ​ធ្វើឱ្យ​រាំងស្ទះ​ឡើយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ប្រតិទិន​ការងារ ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​នៅតាម​ឃុំ សង្កាត់ មាន​រយៈពេល​៥០​ថ្ងៃ ដោយ​ចែកចេញជា​បី​ដំណាក់កាល​៖

​ទី​១- សម្រាប់ ១៥​ថ្ងៃ​ដំបូង ចាប់ពី​ថ្ងៃទី​១២ ដល់​ថ្ងៃទី​២៦ ខែតុលា ឆ្នាំ​២០២១ ការិយាល័យ​ចុះឈ្មោះ​បោះឆ្នោត ត្រូវ​បើក​ដំណើរការ​នៅតាម​សាលាឃុំ សង្កាត់​។​

​ទី​២- រយៈពេល ២៥​ថ្ងៃ​បន្ទាប់ គឺ​ចាប់ពី​ថ្ងៃទី​២៧ ខែតុលា ដល់​ថ្ងៃទី​២០ ខែវិច្ឆិកា ឆ្នាំ​២០២១ ការិយាល័យ​ចុះឈ្មោះ​បោះឆ្នោត ត្រូវ​ចល័ត​នៅតាម​ភូមិ​មួយចំនួន​នៅក្នុង​ឃុំ សង្កាត់​នីមួយៗ​។​

​ទី​៣- នៅ​រយៈពេល ១០​ថ្ងៃ​ចុងក្រោយ នៅ​ថ្ងៃទី​២១ ដល់​ថ្ងៃទី​៣០​ខែវិច្ឆិកា ឆ្នាំ​២០២១ ការិយាល័យ​ចុះឈ្មោះ​បោះឆ្នោត ត្រូវ​បើក​បម្រើការ​នៅតាម​សាលាឃុំ សង្កាត់​វិញ​។​

​ដោយឡែក​រៀងរាល់​១៥​ថ្ងៃ​ម្ដង ក្រុមប្រឹក្សាឃុំ សង្កាត់​ត្រូវ​បិទ​ការិយាល័យ​ចុះឈ្មោះ​បោះឆ្នោត​រយៈពេល​មួយថ្ងៃ ដើម្បី​ប្រជុំ​ជាមួយ​ក្រុម​ចុះឈ្មោះ​បោះឆ្នោត​វាយតម្លៃ​ការងារ​។ តាម​ប្រតិទិន​ការងារ ការបិទ​ការិយាល័យ ត្រូវធ្វើ​នៅ​ថ្ងៃទី​២៦ ខែតុលា ថ្ងៃទី​១០ ខែវិច្ឆិកា និង​ថ្ងៃទី​២៥ ខែវិច្ឆិកា ឆ្នាំ២០២១។

សូម​បញ្ជាក់​ថា រយៈពេល​នៃ​ការ​ចល័ត​ក្រុម​ចុះឈ្មោះ​បោះឆ្នោត​ទៅតាម​ភូមិ​ក្នុង​ឃុំ សង្កាត់ ក្រុមប្រឹក្សាឃុំ សង្កាត់ និង​ក្រុម​ចុះឈ្មោះ​បោះឆ្នោត អាច​កែសម្រួល​ទៅតាម​ស្ថានភាព​ភូមិសាស្ត្រ និង​សភាពការណ៍​ជាក់ស្តែង ដើម្បី​ធានា​ឱ្យ​ប្រជាពលរដ្ឋ​ដែលមាន​សិទ្ធិ​បោះឆ្នោត​ក្នុង​ឃុំ សង្កាត់​ទាំងអស់​មានលទ្ធភាព​បា​ន​មក​ចុះឈ្មោះ​បោះឆ្នោត​គ្រប់ៗ​គ្នា និង​ប្រកបដោយ​សុវត្ថិភាព​។

យោង​តាម​ស្ថិតិ​ប្រជាពលរដ្ឋ​ប៉ាន់ស្មាន ឆ្នាំ​២០២១ គ​.​ជ​.​ប មាន​ផែនការ​ចុះឈ្មោះ​អ្នកបោះឆ្នោត​ថ្មី​ចំនួន ១.៦៣៥.៩៩០ នាក់ និង​លុបឈ្មោះ​ចេញពី​បញ្ជី​បោះឆ្នោត​ចំនួន ៨៣.០៤៣ នាក់ រីឯ​ការិយាល័យ​បោះឆ្នោត​វិញ មាន​ចំនួន ២៣.៦១១ ការិយាល័យ​។

ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ ត្រូវ​ប្រព្រឹត្តទៅ​ចាប់​ថ្ងៃទី​១២ ខែតុលា ដល់​ថ្ងៃទី​៣០ ខែវិច្ឆិកា ឆ្នាំ​២០២១ គិត​ទាំង​ថ្ងៃ​សៅរ៍ ទាំង​ថ្ងៃអាទិត្យ​។ ដូច្នេះ សូម​បងប្អូន​ប្រជាពលរដ្ឋ​ខ្មែរ​ទាំងអស់ ដែល​មិន​ទាន់បាន​ចុះឈ្មោះ​បោះឆ្នោត អញ្ជើញ​ទៅ​ចុះឈ្មោះ​បោះឆ្នោត​នៅតាម​សាលាឃុំ សង្កាត់​ឲ្យ​បាន​គ្រប់ៗ​គ្នា​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តុលាការ ម៉ាឡេស៊ី ចោទអតីតរដ្ឋមន្ត្រីហិរញ្ញវត្ថុពីបទ “មិនគោរពគោល​ការណ៍ ប្រកាសទ្រព្យសម្បត្តិ”

ព័ត៌មានអន្ដរជាតិ៦ ម៉ោង មុន

បេសកជនសិទ្ធិមនុស្ស UN បង្ហាញថា បើគ្មានអ្នកផ្ដល់សព្វាវុធ យោធា មីយ៉ាន់ម៉ា​ នឹងទន់ខ្សោយ

សន្តិសុខសង្គម៧ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៧ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៧ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ២ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា២០ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៦ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម