Connect with us

នយោបាយ

សម្តេច ហ៊ុន សែន ៖ សារលោក ហ៊ុន ម៉ាណែត ទៅ លោក សម រង្ស៊ី ជា«សារក្មេងប្រដៅចាស់ពាល»

បានផុស

នៅ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកថ្ងៃអង្គារនេះ បានយកសំណេររបស់លោក ហ៊ុន ម៉ា ណែត ដែលបបួលលោក សម រង្ស៊ី ភ្នាល់គ្នារឿងសញ្ញាប័ត្រ មកបង្ហោះទាំងស្រុងនៅលើទំព័រហ្វេសប៊ុករបស់សម្តេច។ ជាមួយសំណេរនេះ សម្តេចតេជោ បានផ្តាំទៅលោក សម រង្ស៊ី ថា «បើខឹងកុំលេង បើលេងកុំខឹង» និងបានចាត់ទុកសាររបស់លោក ហ៊ុន ម៉ាណែត ថា ជា«សារក្មេងប្រដៅចាស់ពាល»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេសប៊ុក សម្តេចតេជោនាយករដ្ឋមន្រ្តី បានសរសេរបែបនេះថា៖«ស្តាប់ក្មេងប្រដៅចាស់ពាល។ ល្អម្យ៉ាងដែរប្រៀបដូចជាយកកូនក្របីជល់ជាមួយក្របីចាស់។ បើខឹងកុំលេងបើលេងកុំខឹងsic! ផ្ញើសារជូនអ្នកនយោបាយចាស់វស្សា ប៉ុន្តែខ្វះភាពហានក្លាក្នុងការទទួលខុសត្រូវ»។ សម្តេចតេជោ គ្រាន់តែសរសេរបន្ថែមប៉ុណ្ណេះ ហើយក៏បានបង្ហោះសារទាំងស្រុងរបស់លោក ហ៊ុន ម៉ាណែតតែម្តង។

សាររបស់លោក ហ៊ុន ម៉ាណែត ដែលជាបេក្ខភាពនាយករដ្ឋមន្រ្តីកម្ពុជានាពេលអនាគត គឺបបួលលោក សម រង្ស៊ី ភ្នាល់គ្នារឿងអតីតមេបក្សប្រឆាំងរូបនេះចោទថា សញ្ញាប័ត្ររបស់លោកមិនមានតម្លៃពេញលេញ។ លោកហ៊ុន ម៉ាណែត បានបបួលលោកសម រង្ស៊ីថា បើការលើកឡើងរបស់លោកសម រង្ស៊ី ជាការពិត លោកនឹងលាឈប់ពីតំណែងជា«បេក្ខភាពនាយករដ្ឋមន្រ្តី»។ ប៉ុន្តែ បើលោកសម រង្ស៊ី ចាញ់វិញ គឺត្រូវលាឈប់ពី«ឆាកនយោបាយ»។

ការចេញមកបបួលលោកសម រង្ស៊ី ភ្នាល់នេះ គឺបន្ទាប់ពីអ្នកនយោបាយអតីតបក្សប្រឆាំងចាស់វស្សារូបនេះកាលពី២៨ ខែកញ្ញា ឆ្នាំ២០១៩ នៅទីក្រុងឡុងប៊ិច ធ្លាប់បាននិយាយមើលងាយថាសញ្ញាប័ត្ររបស់លោកហ៊ុន ម៉ាណែតពីសាលាបណ្ឌិតសភាយោធាអាមេរិក (West Point) ជាសញ្ញាបត្រកម្រិត២ ដែលផ្ដល់ឱ្យជាកិត្តិយសម្រាប់និស្សិតនាយទាហានបរទេសដែលរៀនក្រោមស្តង់ដា។ ដូច្នេះហើយ ដើម្បីការពារនូវកិត្តិយសនិងសេចក្តីថ្លៃថ្នូរបស់ខ្លួន ក៏ដូចជារបស់និស្សិតនាយទាហានខ្មែរជាច្រើនរូបដែលកំពុងសិក្សា និងដែលបានបញ្ចប់ការសិក្សានៅសាលា West Point និងសាលាបណ្ឌិតសភាផ្សេងទៀតរបស់សហរដ្ឋអាមេរិក និងនៅតាមប្រទេសនានាលើសកលលោក លោកហ៊ុន ម៉ាណែត បានទាមទាឲ្យលោក សម រង្ស៊ី ធ្វើការបង្ហាញនូវភស្តុតាង ក្នុងការការពារនូវពាក្យសម្តីក្នុងចេតនាមាក់ងាយរបស់គាត់តាមរយៈការភ្នាល់គ្នា។

ជាការឆ្លើយតបនៅពេលនោះ លោក សម រង្ស៊ី មិនត្រឹមតែមិនហ៊ានធ្វើការភ្នាល់នោះទេ ប៉ុន្តែបែរជាបង្វែរប្រធានបទ ហើយព្រមទាំងលើកឡើងថា «មិនចាំបាច់ទៅស្បថស្បែ ឬភ្នាល់គ្នាដូចកូនក្មេងទេ»។ ប៉ុន្តែ លើកនេះ លោក ហ៊ុន ម៉ាណែត សង្ឃឹមថា លោក សម រង្សី នឹងមិនចេញសារដូចលើកមុន ដែលសុំមិនចាំបាច់ទៅស្បថស្បែ ឬភ្នាល់គ្នាដូចកូនក្មេង ព្រោះកូនក្មេងម្នាក់នេះ លែងជឿអ្នកនយោបាយចាស់វស្សាដែលនិយាយបាតដៃខ្នងដៃ ឬប្រើយុទ្ធសាស្ត្រមាន់ត្រចៀកសទៀតហើយ៕

អត្ថបទ​ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

លោក ស៊ី ជីន​ពីង អញ្ជើញ​សម្តេច​តេ​ជោ ហ៊ុន សែន ចូលរួម​កិច្ច​សន្ទនា​ជាន់ខ្ពស់ ស្តីពី​ការអភិវឌ្ឍន៍​សកល​

ជីវិតកម្សាន្ដ៤២ នាទី មុន

Kim ឆ្លើយតបពាក្យចចាមអារ៉ាមថានាងធ្វើរហែករ៉ូបតម្លៃជិត ៥លានដុល្លារ

សន្តិសុខសង្គម២ ម៉ោង មុន

ចាប់​បាន​ខ្មាំង​កាំភ្លើង​ និង​ជនសង្ស័យ​ជួញដូរ​អាវុធ​ រួម​នឹង​បក្ខពួក​ស្រីប្រុស​សរុប៦នាក់

ព័ត៌មានជាតិ២ ម៉ោង មុន

​ថ្ងៃទី​២៨ ខែមិថុនា​ ​រដ្ឋបាល​រាជធានី​នឹង​បញ្ចៀស​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​ចាប់ពី​ស្តុ​ប​ជលផល​ដល់ស្ពាន​អាកាស​ក្បាលថ្នល់

ព័ត៌មានជាតិ៣ ម៉ោង មុន

មន្ទីរ​សាធារណការ​ខេត្តព្រះវិហារ ជួសជុល ថែទាំ ផ្លូវ​ក្រាល​គ្រួស​ក្រហម តាមផ្លូវ​ក្រវ៉ាត់​ព្រំដែន កម្ពុជា​-​ថៃ ប្រវែង​ជិត​១០​គីឡូម៉ែត្រ

Sokha Hotels

ព័ត៌មានពេញនិយម