នយោបាយ
លោក ជិន ម៉ាលីន ថា ក្រុមអ្នកជំនាញ UN មើលមិនបានស៊ីជម្រៅទេ ចំពោះរឿងបាតុកម្មនៅមុខណាហ្គាវើល
លោក ជិន ម៉ាលីន អ្នកនាំពាក្យក្រសួងយុត្តិធម៌ និងជាអនុប្រធានគណៈកម្មាធិការសិទ្ធិមនុស្សកម្ពុជា បានអះអាងប្រាប់កម្ពុជាថ្មីនៅព្រឹកថ្ងៃសុក្រនេះថា ការសន្និដ្ឋានរបស់ក្រុមអ្នកជំនាញផ្នែកសិទ្ធិមនុស្សរបស់អង្គការសហប្រជាជាតិអំពីបញ្ហាបាតុកម្មនៅមុខក្រុមហ៊ុនកាស៊ីណូ ណាហ្គាវើល គឺធ្វើឡើងដោយគ្រាន់តែមើលឃើញរូបភាពពីខាងក្រៅតែប៉ុណ្ណោះ។ លោកថា ពួកគេទាំងនេះ មិនបានមើលពីអ្វីដែលនៅពីក្រោយ និងមិនបានពិនិត្យលើភស្តតាងមូលដ្ឋានដែលសមត្ថកិច្ចកម្ពុជាប្រមូលបាននោះឡើយ។
លោក ជិន ម៉ាលីន បានអះអាងថា ៖ «មែនទែន បើវាជាវិវាទការងារ គឺមិនពិបាកដោះស្រាយទេ ផ្អែកទៅលើច្បាប់ការងាររបស់កម្ពុជានេះ។ ក៏ប៉ុន្តែ ដោយសារតែវាមិនមែនវិវាទការងារ វាមានរឿងហេតុ វាមានរឿងផ្សេងនៅពីក្រោយដែលសមត្ថកិច្ចរកឃើញ មានអង្គការចាត់តាំងរៀបចំច្បាស់លាស់នៅពីខាងក្រៅហ្នឹង ក្នុងចេតនាញុះញង់បង្កភាពចលាចលនៅក្នុងសង្គម។ អ៊ីចឹងហើយ គឺមានតែវិធានការច្បាប់ទេ ដែលអាចធ្វើការដោះស្រាយបាន។ បើសិនពាក់ព័ន្ធវិវាទការងារសុទ្ធតែម្តង មិនមានផែនការទុច្ចរិតអីនៅពីក្រោយ អាហ្នឹងអាចដោះស្រាយបានស្រួលតាមច្បាប់ការងារ។ អ៊ីចឹងទាល់តែពួកគាត់នេះ មើលឲ្យបានស៊ីជម្រៅជាងនេះបន្តិច ហើយកុំមានភាពលម្អៀងផ្នែកនយោបាយ អាហ្នឹងគាត់អាចមើលឃើញហើយ»។
ការអះអាងរបស់លោកជិន ម៉ាលីននេះ គឺជាការឆ្លើយតបទៅនឹងក្រុមអ្នកជំនាញរបស់អង្គការសហប្រជាជាតិដែលមាន លោក Vitit Muntarbhorn អ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជា លោកស្រី Irene Khan អ្នករាយការណ៍ពិសេសស្តីពីការលើកកម្ពស់ និងការការពារសិទ្ធិ សេរីភាពនៃការបញ្ចេញគំនិត និងមតិយោបល់ លោកស្រី Mary Lawlor អ្នករាយការណ៍ពិសេសស្តីពីស្ថានភាពរបស់អ្នកការពារសិទ្ធិមនុស្ស និង លោក Clément Nyaletsossi Voule អ្នករាយការណ៍ពិសេសស្តីពីសិទ្ធិខាងការប្រមូលផ្តុំដោយសន្តិវិធី និងខាងសមាគម។
ពួកគេទាំងនេះ នៅថ្ងៃទី០៦ ខែមករា ឆ្នាំ២០២២នេះ បានលើកឡើងថា ការចាប់ និងឃុំខ្លួនអ្នកដឹកនាំ និងសកម្មជនសហជីពកាស៊ីណូ ណាហ្គាវើលយ៉ាងហោចណាស់ ២៩នាក់ ក្នុងអំឡុងពេលធ្វើកូដកម្មជាបន្តបន្ទាប់ អាចជាការរំលោភបំពានលើច្បាប់សិទ្ធិមនុស្ស។ ក្រុមអ្នកជំនាញសិទ្ធិមនុស្ស បានមានប្រសាសន៍ថា៖ «ការចាប់ខ្លួនកូដករដែលភាគច្រើនជាស្រ្តីជាច្រើនលើកទាំងនេះត្រូវបានធ្វើឡើងយ៉ាងហិង្សា និងមើលទៅជាការបំពានលើសេរីភាពក្នុងការបង្កើតសមាគមការប្រមូលផ្តុំ និងការបញ្ចេញមតិ »។ ជាមួយគ្នានេះ ពួកគេបានអំពាវនាវឲ្យរាជរដ្ឋាភិបាលកម្ពុជា ធ្វើការពន្យល់នូវសកម្មភាពឆ្លើយតបរបស់មន្រ្តីនគរបាល ហើយក៏បញ្ជាក់ថា ពួកគេកំពុងតាមដានការវិវត្តន៍នេះយ៉ាងដិតដល់។
ក៏ប៉ុន្តែ សម្រាប់លោក ជិន ម៉ាលីន គឺការចាប់ខ្លួន និងការឃុំខ្លួនពួកគេទាំងនោះ មិនមែនដោយសារពួកគេអនុវត្តសិទ្ធិសេរីភាពបញ្ចេញមតិ ឬក៏ដោយសារតែការធ្វើបាតុកម្ម ជួបជុំតវ៉ាដោយសន្តិវិធីតាមផ្លូវច្បាប់នោះទេ។ ប៉ុន្តែ ពួកគេ បានប្រព្រឹត្តបទល្មើស ដែលបំពានទៅនឹងច្បាប់ ហើយសមត្ថកិច្ច មានភស្ដុតាងមូលដ្ឋានច្បាស់លាស់ ក្នុងការដំណើរការនីតិវិធីតាមផ្លូវតុលាការ៕
អត្ថបទ៖ វណ្ណ សុគន្ធា
៤ ច្រកសំខាន់ មមាញឹកជាច្រកដឹកជញ្ជូនទំនិញដ៏សំខាន់ចេញចូលប្រទេសកម្ពុជា
មន្ត្រីជាន់ខ្ពស់ការងារ អំពាវនាវ រោងចក្រ បន្តចូលរួមអនុវត្តលក្ខខណ្ឌការងារឱ្យបានល្អ លើកកម្ពស់សុខសុវត្ថិភាពកម្មករ
ហូលពិតានខ្មែរ អាចប្រឈមនឹងការបាត់បង់ ខណៈបច្ចុប្បន្ន ក្នុងសារមន្ទីរជាតិមានត្រឹមតែ ៧០ផ្ទាំង តែប៉ុណ្ណោះ
តើគួរធ្វើបែបណា ទើបអាចទប់ស្កាត់បញ្ហាក្មេងទំនើង កុំឱ្យមានការកើនឡើង?
មេ MU ថៃ ប្ដឹងចោទប្រកាន់៤ករណី ទៅកាន់ភាគីម្ខាងទៀត ក្រោយតុលាការចេញដីកាចាប់ខ្លួន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ