Connect with us

ព័ត៌មានជាតិ

លទ្ធផលផ្លូវការអ្នកចុះឈ្មោះបោះឆ្នោតឆ្នាំ២០២១ មានជាង៩លាន២សែននាក់

បានផុស

នៅ

នៅព្រឹកថ្ងៃសៅរ៍ ទី១២ ខែកុម្ភៈ ឆ្នាំ២០២២ គណៈកម្មាធិការជាតិរៀបចំការបោះឆ្នោត (គ.ជ.ប) បានបើកកិច្ចប្រជុំតាមប្រព័ន្ធវីដេអូអនឡាញ ជាមួយភាគីពាក់ព័ន្ធ ដើម្បីផ្សព្វផ្សាយការផ្តល់សុពលភាព និងប្រកាសផ្សាយបញ្ជីបោះឆ្នោតផ្លូវការឆ្នាំ២០២១ ដែលកិច្ចប្រជុំនេះ ក្រោមអធិបតីភាពលោក ឯម សូផាត សមាជិក គ.ជ.ប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីនោះ លោក ឯម សូផាត បានមានប្រសាសន៍ថា បញ្ជីបោះឆ្នោតផ្លូវការឆ្នាំ២០២១ ត្រូវបានផ្តល់សុពលភាព និងប្រកាសផ្សាយជាសាធារណៈនៅថ្ងៃទី១២ ខែកុម្ភៈ ឆ្នាំ២០២២នេះ។ លោកបន្តថា បញ្ជីបោះឆ្នោតផ្លូវការនេះត្រូវបានផលិត និងបញ្ជូនទៅឱ្យគណៈកម្មការរៀបចំការបោះឆ្នោតគ្រប់លំដាប់ថ្នាក់ និងសាលា ឃុំ សង្កាត់ សម្រាប់រក្សាទុក និងប្រើប្រាស់ជាផ្លូវការនៅ លេខាធិការដ្ឋានរាជធានី ខេត្តរៀបចំការបោះឆ្នោត, គណៈកម្មការឃុំ សង្កាត់ រៀបចំការបោះឆ្នោត, គណៈកម្មការការិយាល័យបោះឆ្នោត និងសាលាឃុំ សង្កាត់។ ជាមួយគ្នានេះបញ្ជីបោះឆ្នោតផ្លូវការនេះ ក៏បានបង្ហោះ និងរក្សាទុកនៅក្នុងគេហទំព័រ គ.ជ.ប voterlist.nec.gov.kh និងកម្មវិធីលើទូរស័ព្ទដៃ (App) NEC KH ផងដែរ។

តាមតួលេខដែលមានក្នុងបញ្ជីបោះឆ្នោតផ្លូវការឆ្នាំ២០២១គឺ អ្នកមានឈ្មោះក្នុងបញ្ជីបោះឆ្នោតសរុបមានចំនួន៩.២០៥.៦៨១ (ប្រាំបួនលានពីររយប្រាំពាន់ប្រាំមួយរយប៉ែតសិបមួយនាក់) ស្មើនឹង៨៧.៩៤ ភាគរយ នៃចំនួនប្រជាពលរដ្ឋអាយុ១៨ ឆ្នាំឡើង ក្នុងនោះមានស្ត្រីចំនួន ៤.៩០៤.៨៣២ (បួនលានប្រាំបួនរយបួនពាន់ប្រាំបីរយសាមសិបពីរនាក់), ចំនួនការិយាល័យបោះឆ្នោតសរុបមានចំនួន២៣.៦០២ ការិយាល័យចំណុះឱ្យ ឃុំ សង្កាត់ ចំនួន១.៦៥២ ការិយាល័យ នៃរាជធានី ខេត្ត ទាំង២៥។

ដោយឡែកជនពិការភាព ដែលមានក្នុងបញ្ជីបោះឆ្នោតផ្លូវការឆ្នាំ២០២១ មានចំនួន២៣.៥៩១ (ម្ភៃបីពាន់ប្រាំរយកៅសិបមួយនាក់)។

បើតាមលោក ឯម សូផាត ចំពោះគណបក្សនយោបាយ ដែលចង់បានបញ្ជីបោះឆ្នោតផ្លូវការឆ្នាំ២០២១ គឺអាចជាវដោយបង់ត្រឹមតម្លៃផលិតប៉ុណ្ណោះ។

សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ ខាងមុខ៕ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម