នយោបាយ
គ.ជ.ប សម្តែងការសោកស្តាយ ដែលគណបក្សឆន្ទ:ខ្មែរ មិនទទួលខុសត្រូវចំពោះអ្វីដែលខ្លួនបានធ្វើ
កាលពីថ្ងៃអង្គារ ទី២៩ ខែមីនា ឆ្នាំ២០២២ ក្រុមប្រឹក្សាជំនុំជម្រះគណៈកម្មាធិការជាតិរៀបចំការបោះឆ្នោត (គ.ជ.ប) បានបើកសវនាការជាសាធារណៈ ដើម្បីដោះស្រាយសំណុំរឿងលេខ១៣៣ ពាក់ព័ន្ធនឹងបញ្ជីបេក្ខជនរបស់គណបក្សឆន្ទៈខ្មែរ នៅសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ នេះបើយោងតាមសេចក្តីបំភ្លឺពី គ.ជ.ប។
បើតាម គ.ជ.ប នៅមុនថ្ងៃបើកសវនាការមន្ត្រី គ.ជ.ប បានយកលិខិតអញ្ជើញចូលរួមសវនាការប្រគល់ដល់ដៃតំណាងគណបក្សឆន្ទៈខ្មែរ គឺលោកស្រី កឹម វណ្ណា ហើយបេក្ខជនចំនួន៨ នាក់ទៀត ក៏បានទទួលលិខិតអញ្ជើញតាមរយៈអាជ្ញាធរដែនដីរួចហើយដែរ។ ក្នុងនោះក៏បានថតរូបទុកជាភស្តុតាងទៀតផង ដើម្បីចៀសវាងការចោទប្រកាន់ ប៉ុន្តែគួរឲ្យសោកស្ដាយនៅក្នុងថ្ងៃសវនាការ គ.ជ.ប ពុំឃើញមានវត្តមានតំណាងណាម្នាក់របស់គណបក្សឆន្ទៈខ្មែរ មកចូលរួមតាមការអញ្ជើញឡើយ។ ដូច្នេះការលើកឡើងនៅក្នុងសេចក្ដីថ្លែងការណ៍របស់ខ្លួនថា មិនបានទទួលលិខិតអញ្ជើញចូលរួមសវនាការនោះ គឺជារឿងមិនត្រឹមត្រូវ និងជាការមិនទទួលខុសត្រូវរបស់គណបក្សនេះតែម្ដង។
សេចក្ដីសម្រេចរបស់ គ.ជ.ប តាមរយៈអង្គសវនាការជាសាធារណៈថ្ងៃអង្គារ ទី២៩ ខែមីនា ឆ្នាំ២០២២ ត្រូវបានធ្វើឡើងដោយផ្អែកលើអង្គហេតុ និងអង្គច្បាប់ច្បាស់លាស់ និងគ្រប់គ្រាន់ តាមបែបបទ និងនីតិវិធីសម្រាប់ការដោះស្រាយពាក្យ បណ្ដឹងរបស់ គ.ជ.ប ។ គ.ជ.ប បានសំណូមពរ និងបានអំពាវនាវដល់គណបក្សនយោបាយ ដែលបានចូលរួមប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នេះ គោរព និងអនុវត្តឱ្យខាងតែបាននូវបញ្ញត្តិច្បាប់ បទបញ្ជា និងនីតិវិធីសម្រាប់ការបោះឆ្នោត និងសូមឱ្យមានការទទួលខុសត្រូវខ្ពស់។
គួររំលឹកថា កាលពីព្រឹកថ្ងៃអង្គារ ទី២៩ ខែមីនា ឆ្នាំ២០២២ ក្រុមប្រឹក្សាជំនុំជម្រះ គ.ជ.ប ដែលមានសមាសភាព ៩រូប ដឹកនាំដោយលោក ប្រាជ្ញ ចន្ទ ប្រធាន គ.ជ.ប បានបើកសវនាការជាសាធារណៈ ដើម្បីដោះស្រាយសំណុំរឿងចំនួន៤ ពាក់ព័ន្ធនឹងបញ្ជីបេក្ខជនដំបូងនៃគណបក្សភ្លើងទៀន និងបញ្ជីបេក្ខជនដំបូងនៃគណបក្សឆន្ទៈខ្មែរ។
សម្រាប់គណបក្សឆន្ទៈខ្មែរ បន្ទាប់ពីបានស្ដាប់ការឆ្លើយបំភ្លឺរបស់ដើមបណ្ដឹង ចុងចម្លើយ ស្តាប់ការឆ្លើយបំភ្លឺរបស់មេធាវី តំណាងដើមបណ្តឹង និងមេធាវីតំណាងចុងចម្លើយ ក្រោយពីបានពិនិត្យពិចារណាគ្រប់អង្គហេតុនិងក្រោយពីបានពិភាក្សាស្របតាមច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ បទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ក្រុមប្រឹក្សាជំនុំជម្រះ នៃ គ.ជ.ប បានសម្រេចលុបបញ្ជីបេក្ខជនឈរឈ្មោះបោះឆ្នោតនៃគណបក្សឆន្ទៈខ្មែរ នៅសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ហើយពេលនោះ តំណាងគណបក្សឆន្ទៈខ្មែរ មិនមានវត្តមានទេ។
ក្រោយពីសេចក្តីសម្រេចនេះ គណបក្សឆន្ទៈខ្មែរបានចេញសេចក្តីថ្លែងការណ៍មួយសម្ដែងការសោកស្ដាយចំពោះសេចក្តីសម្រេចរបស់គណៈកម្មាធិការជាតិរៀបចំការបោះឆ្នោត ដែលបានសម្រេចលុបបញ្ជីបេក្ខជនឈរឈ្មោះរបស់គណបក្សឆន្ទៈខ្មែរ នៅសង្កាត់ផ្សារថ្មីទី៣នោះ និងបានហៅការសម្រេចនោះថា ជាការសម្រេចមួយ ដែលផ្អែកតែទៅលើបណ្ដឹងរបស់បុគ្គល ដោយពុំមានវិធានការអង្កេត ស្រាវជ្រាវ ឲ្យបានច្បាស់លាស់ ដើម្បីយកមកធ្វើជាមូលដ្ឋានក្នុងការសម្រេចរបស់ខ្លួនហើយ៕
ដោយ ៖ កោះកែវ
មន្ត្រីនាំពាក្យ៖ ការរឹតបន្ដឹងអាជីវកម្មគ្រប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ
ប្រមុខរាជរដ្ឋាភិបាល លើកឡើងថា ការរើសអើង និងការមើលរំលងនូវសមត្ថភាពរបស់ជនមានពិការភាព គឺជាកំហុសឆ្គង
គ្រោងរៀបចំព្រឹត្តិការណ៍ធំចំនួនពីរ ទាក់ទាញវិនិយោគិនបារាំងមកវិនិយោគនៅកម្ពុជា
លោក Blinken ទៅដល់តំបន់មជ្ឈិមបូព៌ា ខណៈស្ថានការណ៍ តានតឹងបំផុត
សមាគមទន្តពេទ្យកម្ពុជា ចុះអប់រំសុខភាពមាត់ធ្មេញដល់សិស្សជិត ២ពាន់នាក់ ក្នុងខេត្តសៀមរាប
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ