នយោបាយ
គ.ជ.ប ទទួលបានបណ្តឹង ៣៣ហើយអំឡុងពេលឃោសនា ដោយភាគច្រើនប្តឹងគណបក្សភ្លើងទៀន
ការបញ្ជាក់អំពីការទទួលបណ្ដឹងនេះ បានធ្វើឡើងនៅក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្ដីពី សភាពការណ៍ទូទៅ ជុំវិញដំណើរការនៃការឃោសនា បោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ ដែលរៀបចំដោយគណៈកម្មាធិការជាតិរៀបចំការបោះឆ្នោត (គ.ជ.ប) នាព្រឹកថ្ងៃទី ២៧ ខែឧសភា ឆ្នាំ ២០២២នេះ។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប បានថ្លែងថា បណ្តឹងនេះ ភាគច្រើនគណបក្សប្រជាជនកម្ពុជា ប្តឹងគណបក្សភ្លើងទៀន ហើយកម្មវត្ថុនៃបណ្តឹងភាគច្រើន ទាក់ទងទៅនឹងការប្រមាថ ការចោទប្រកាន់ ការដាក់កំហុសផ្សេងៗ ផ្ទុយទៅនឹងមាត្រា ៦៧ ដែលចែងថា ការឃោសនាបោះឆ្នោត មានបំណងឲ្យគណបក្សនយោបាយ ក៏ដូចជាបេក្ខជន ធ្វើការផ្សព្វផ្សាយគោលនយោបាយរបស់គណបក្ស ក្នុងការអភិវឌ្ឍឃុំ-សង្កាត់ ដល់អ្នកបោះឆ្នោត។ ដូច្នេះ ស្មារតីនៃមាត្រានេះ ដាក់ចេញ ដើម្បីឲ្យគណបក្សនយោបាយទាំងអស់ ធ្វើការប្រកួតប្រជែងទៅលើកម្មវិធីនយោបាយរបស់ខ្លួន ជូនអ្នកបោះឆ្នោត។ ប្រសិនបើគណបក្សនយោបាយ ដែលបានចូលរួមប្រកួតប្រជែង អនុវត្តតាមខ្លឹមសារ នៃមាត្រានេះ នឹងមិនមានការប្តឹងផ្តល់ណាមួយឡើយ។
សូមបញ្ជាក់ថា កិច្ចប្រជុំ នាព្រឹកនេះប្រព្រឹត្តទៅនៅសាលសន្និសីទជាន់ទី ១ នៃទីស្ដីការ គ.ជ.ប (វិថីរដ្ឋសភា សង្កាត់ ទន្លេបាសាក់ ខណ្ឌចំការមន រាជធានីភ្នំពេញ) ក្រោមអធិបតីភាពលោក ហង្ស ពុទ្ធា សមាជិក គ.ជ.ប ដោយមានការអញ្ជើញចូលរួមពី តំណាងរដ្ឋសភា ព្រឹទ្ធសភា ក្រសួងមហាផ្ទៃ អគ្គនគរបាលជាតិ កងរាជអាវុធហត្ថ តំណាងស្ថានទូត អង្គការ សង្គមស៊ីវិលជាតិ អន្តរជាតិ និងអ្នកសារព័ត៌មានសរុបចំនួន ៦០ នាក់៕
អត្ថបទ៖ កោះកែវ
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ១ សប្តាហ៍ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ២ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១៧ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
វប្បធម៌ ជំនឿ៣ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ