នយោបាយ
អ្នកនាំពាក្យ គ.ជ.ប ៖ ថ្ងៃខ្លះមានពលរដ្ឋ ២ម៉ឺននាក់ បានចុះឈ្មោះបោះឆ្នោតថ្មី ខណៈ ៧ថ្ងៃមកនេះមានជាង ១០ម៉ឺននាក់
អ្នកនាំពាក្យ គ.ជ.ប បានអះអាងថា រយៈពេល ៧ថ្ងៃ នៃការចុះឈ្មោះបោះឆ្នោតឆ្នាំ ២០២២នេះ មានប្រជាពលរដ្ឋជាច្រើន បានទៅចុះឈ្មោះថ្មី ដោយក្នុងថ្ងៃខ្លះមានជាង ១ម៉ឺននាក់ និងថ្ងៃខ្លះទៀតមានដល់ ២ម៉ឺននាក់ឯណោះ។ ចំណែកឯបញ្ហាសន្តិសុខ និងសណ្ដាប់ធ្នាប់វិញ ក៏មានភាពល្អប្រសើរផងដែរ ក្នុងរយៈពេល ៧ថ្ងៃកន្លងមកនេះ។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មី នៅថ្ងៃទី ២៧ ខែតុលានេះថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ ២០២២ រយៈពេល ៧ថ្ងៃកន្លងមកនេះ បានប្រព្រឹត្តទៅដោយរលូនល្អ មិនមានបញ្ហាអសន្តិសុខណាមួយកើតឡើងឡើយ។
លោកថា «ចឹងទេ ដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោតនេះ គឺប្រព្រឹត្តទៅដោយរលូនល្អ អត់មានបញ្ហាអ្វីទេ បរិយាកាសសន្តិសុខ សុវត្ថិភាព និងសណ្ដាប់ធ្នាប់សាធារណៈក៏ល្អ ហើយអាកាសធាតុ ក៏មិនធ្វើឲ្យការិយាល័យ ចុះឈ្មោះបោះឆ្នោតផ្អាកសម្មភាព ចុះឈ្មោះជូនប្រជាពលរដ្ឋ នោះដែរ»។
អ្នកនាំពាក្យ គ.ជ.ប លើកឡើងដែរថា ចាប់តាំងពីថ្ងៃទី ២០ ខែតុលាមក មានប្រជាពលរដ្ឋជាច្រើន បានទៅចុះឈ្មោះបោះឆ្នោតថ្មី ដោយក្នុងថ្ងៃខ្លះមានជាង ១ម៉ឺននាក់ និងថ្ងៃខ្លះទៀតមានដល់ ២ម៉ឺននាក់។ លោក សោម សូរីដា បន្ថែមថា «យើងមើលសម្ទុះ នៃការចុះឈ្មោះបោះឆ្នោតនេះ ឃើញអំពីការចូលរួមរបស់ប្រជាពលរដ្ឋ នៅក្នុងការចុះឈ្មោះបោះឆ្នោត ដែលមានចំនួនច្រើនមួយថ្ងៃ គឺមានរហូតដល់ជាង ១ម៉ឺននាក់ ហើយថ្ងៃខ្លះឡើងដល់ ២ម៉ឺននាក់»។
សេចក្ដីប្រកាសព័ត៌មានរបស់ គ.ជ.ប នៅថ្ងៃទី ២៧ ខែតុលានេះ បានឲ្យដឹងថា រយៈពេល ៧ថ្ងៃ លទ្ធផលនៃការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ ២០២២ មានប្រជាពលរដ្ឋចុះឈ្មោះបោះឆ្នោតថ្មី មានចំនួន ១០៥,៤៣៤នាក់ ហើយអ្នកដែលនឹងត្រូវលុបឈ្មោះចេញពីបញ្ជីបោះឆ្នោត មានចំនួន ៥៨,៤០២នាក់។ ក្នុងនោះដែរ អ្នកដែលបានកែតម្រូវទិន្នន័យ មានចំនួន ៦,៣១៩នាក់ និងអ្នកដែលបានផ្ទេរទីលំនៅចូលក្នុងឃុំ-សង្កាត់ថ្មី មានចំនួន ៣២,៩៩៩នាក់។
សូមជម្រាបថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ ២០២២ ប្រព្រឹត្តទៅចាប់ពីថ្ងៃទី ២០ ខែតុលា ដល់ថ្ងៃទី ៨ ខែធ្នូ ឆ្នាំ ២០២២ ដោយរួមទាំងគិតទាំងថ្ងៃសៅរ៍ និងថ្ងៃអាទិត្យ ផងដែរ៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង