នយោបាយ
វៀតណាម ចេញមុខបកស្រាយថា ការបញ្ចេញមតិលើTikTokសម្តេច ហ៊ុន សែន គឺមិនតំណាងឱ្យជំហររដ្ឋាភិបាលខ្លួនទេ
ក្រសួងការបរទេសវៀតណាមកាលពីថ្ងៃព្រហស្បតិ៍ បានប្រកាសឱ្យដឹងថា ខ្លួនមិនគាំទ្រឡើយនូវការបញ្ចេញមតិរបស់ជនជាតិវៀតណាមមួយចំនួននៅលើគណនីTikTok របស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងថា ការបញ្ចេញមតិទាំងនោះ គ្រាន់តែជាទស្សនៈយល់ឃើញរបស់ពួកគេប៉ុណ្ណោះ។ តែយ៉ាងណា ក្រសួងការបរទេសវៀតណាម បានចាត់ទុកការបញ្ចេញមតិដែលប្រើប្រាស់ពាក្យពេជន៍មិនល្អលើសម្តេចតេជោ ហ៊ុន សែន ថា ជាការបញ្ចេញមតិបែបបង្កហេតុ និងធ្វើឱ្យបែបបាក់ទំនាក់ទំនងនៃប្រទេសទាំង២។
លោកស្រី Pham Thu Hang អ្នកនាំពាក្យក្រសួងការបរទេសវៀតណាម បានបកស្រាយថា ការបញ្ចេញមតិមួយចំនួនដែលធ្វើឡើងដោយក្រុមជនជាតិវៀតណាមលើគណនីTikTok របស់សម្តេចតេជោ ហ៊ុន សែន គឺជាការបង្ហាញពីទស្សនៈយល់ឃើញផ្ទាល់ខ្លួនរបស់ពួកគេតែប៉ុណ្ណោះ ពោល គឺមិនតំណាងឱ្យគោលជំហររបស់រដ្ឋាភិបាលវៀតណាម និងប្រជាជនវៀតណាមនោះឡើយ។ នេះបើតាមការចុះផ្សាយរបស់សារព័ត៌មានវៀតណាម VnExpress International។
ការបកស្រាយរបស់អ្នកនាំពាក្យក្រសួងការបរទេសវៀតណាមនាពេលនេះ គឺបន្ទាប់ពីកម្ពុជា បានស្នើឱ្យមានកិច្ចសហការគ្នារវាងសមត្ថកិច្ចនៃប្រទេសទាំង២ ដើម្បីកំណត់អត្តសញ្ញាណ និងចាត់វិធានការទៅលើក្រុមជនជាតិវៀតណាមមួយចំនួនដែលបានចូលទៅបញ្ចេញមតិជេរប្រមាថសម្តេចតេជោ ហ៊ុន សែន លើបណ្តាញសង្គមTikTok។ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា កាលពីយប់អាទិត្យ ទី១៩ ខែឧសភា ឆ្នាំ២០២៤ បានបង្ហាញការភ្ញាក់ផ្អើល បន្ទាប់ពីឃើញជនជាតិវៀតណាមមួយចំនួនចូលជេរប្រមាថសម្តេចលើបណ្តាញសង្គមTikTok ក្រោយពីសម្តេចបានបង្ហោះវីដេអូនិយាយពីបញ្ហាព្រែកជីកហ្វូណនតេជោ។
សម្តេចតេជោ បានអះអាងថា៖«ខ្ញុំមិនប្រាកដថាវៀតណាមនេះ ជាអ្នកណា? វៀតណាមនៅក្នុងប្រទេសវៀតណាម ឬវៀតណាមនៅក្រៅប្រទេសដែលមានខ្លះ ប្រឆាំងរដ្ឋាភិបាលវៀតណាម ឬអាណិកជនវៀតណាមនៅកម្ពុជា ឬបងប្អូនខ្មែរក្រោមដែលមានគណនីតិចតុក និងចេះវាយអក្សរវៀតណាមផង និងចេះអានអក្សរខ្មែរផង»។ ដោយសារមានការសង្ស័យ និងភាពមិនច្បាស់លាស់បែបនេះហើយ ទើបសម្តចតេជោ ហ៊ុន សែន បានស្នើឱ្យសមត្ថកិច្ចកម្ពុជាសហការជាមួយសមត្ថកិច្ចវៀតណាមស្រាវជ្រាវសមាសភាពនៃជនដែលចូលមកជេរសម្តេចនោះ តើជាអ្នកណា?។
មួយថ្ងៃក្រោយមក រដ្ឋមន្រ្តីការបរទេសកម្ពុជា លោក សុខ ចិន្តាសោភា បានអញ្ជើញលោក Nguyễn Huy Tăng ឯកអគ្គរដ្ឋទូតវៀតណាមប្រចាំកម្ពុជាមកជជែកពិភាក្សាអំពីបញ្ហានេះ។ ប្រមុខការទូតកម្ពុជា បានស្នើនៅចំពោះឯកអគ្គរដ្ឋទូតវៀតណាមឱ្យរដ្ឋាភិបាលវៀតណាមផ្តល់កិច្ចសហការធ្វើការស្រាវជ្រាវ ដើម្បីកំណត់សមាសភាព អត្តសញ្ញាណអ្នកដែលបានបង្ហោះខ្លឹមសារអមិត្តលើគណនីTikTok របស់សម្តេចតេជោ ហ៊ុន សែន ដើម្បីទប់ស្កាត់ការប៉ុនប៉ងណាមួយសំដៅបំផ្លាញចំណងមិត្តភាពជាប្រពៃណី និងកិច្ចសហប្រតិបត្តិការដ៏ល្អប្រសើររវាងថ្នាក់ដឹកនាំ និងប្រជាជននៃប្រទេសទាំងពីរ។
ជាការឆ្លើយតប លោក Nguyễn Huy Tăng គ្រាន់តែបានយល់ស្របមតិថា ការបង្ហោះខ្លឹមសារអមិត្តទាំងនោះ ជាសកម្មភាពអវិជ្ជមាន ដែលចាំបាច់ត្រូវមានកិច្ចសហការយ៉ាងជិតស្និទ្ធរវាងស្ថាប័នមានសមត្ថកិច្ចរបស់ប្រទេសទាំងពីរ ដើម្បីធ្វើការស្រាវជ្រាវកំណត់សមាសភាព អត្តសញ្ញាណជនដែលនៅពីក្រោយសកម្មភាពទាំងនោះ។ មិនខុសគ្នាដែរ អ្នកនាំពាក្យក្រសួងការបរទេសវៀតណាមឯណោះវិញ ក៏បានអះអាងថា វៀតណាមមិនយល់ស្របនឹងការបញ្ចេញមតិទស្សនៈដែលមានលក្ខណៈបង្កហេតុ និងធ្វើឱ្យខូចទំនាក់ទំនងរវាងប្រទេសវៀតណាម និងកម្ពុជា។ លោកស្រី Pham Thu Hang ក៏បានបង្ហាញឱ្យដឹងថា ជនជាតិវៀតណាមទាំងនោះ ក៏ធ្លាប់វាយប្រហារលើថ្នាក់ដឹកនាំនៃប្រទេស២ផងដែរ។
យ៉ាងណាក៏ដោយ សម្តេចតេជោ ហ៊ុន សែន អតីតនាយករដ្ឋមន្រ្តី និងជាប្រធានគណបក្សកាន់អំណាច បានគូសបញ្ជាក់ជាមុនរួចមកហើយថា សម្តេច មិនបានចោទប្រកាន់ថា អ្នកចូលបញ្ចេញមតិជេរប្រមាថទាំងអស់តំណាងឱ្យរដ្ឋបាភិបាលវៀតណាមទេ។ ត្រង់ចំណុចនេះ សម្តេចតេជោ បានសង្កត់ធ្ងន់បែបនេះថា៖«ខ្ញុំមិនចោទប្រកាន់ថ្នាក់ដឹកនាំវៀតណាមថា ប្រើប្រាស់មនុស្សបែបនេះឱ្យចូលមកជេរខ្ញុំទេ ដូចនេះ ទើបខ្ញុំស្នើសុំកិច្ចសហការស្រាវជ្រាវ ដើម្បីជៀសវាងពួកអាក្រក់ឆ្លៀតបំបែកបំបាក់»៕
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៥ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ