Connect with us

អាជីព

​កសិករ​ភូមិចាន់ទូង​ដាំទុរេនទទួលបាន​ភាពជោគជ័យ​ និង​មានជីវភាព​ប្រសើរ

បានផុស

នៅ

ស្ថានភាពទម្រង់ដីខេត្តត្បូងឃ្មុំពិតជាមានអំណោយផលសម្រាប់ដំណាំទុរេនមែន ដំណាំ​ទុរេនដែល​នៅមិនឆ្ងាយពីតំបន់រដ្ឋបាលខេត្តត្បូងឃ្មុំ ភាគខាងលិចយើងអាចចូលតាមផ្លូវពីផ្សារខ្នារ​លើផ្លូវ​ជាតិ​លេខ ៧ មកភូមិចាន់ទូង ឃុំស្រឡប់ រួចបត់ឆ្វេងសំដៅទៅភូមិអណ្តូងពក យើងនឹងបាន​ដល់ចម្ការ​ទុរេន ដែលកំពុងលាក់ខ្លួន ជួនជាជួរព្យួរទៅដោយផ្លែរយីងរយោង ប្រកបដោយរសជាតិឈ្ងុយឆ្ងាញ់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នោះគឺជាចម្ការទុរេនរបស់លោក លឹម ថារី នៅភូមិអណ្តូងពក ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ដែលបានដាំលើផ្ទៃដីជិត ៦ ហិកតា សម្រាប់ឆ្នាំនេះទុរេនឲ្យផលល្អជាងឆ្នាំទៅ ដោយឆ្នាំទៅបាន​តែ២០​តោន ហើយឆ្នាំនេះ ទទួលបានរហូត​៣០តោនឯណោះ តែតម្លៃធ្លាក់ជាងឆ្នាំមុនបន្តិច ដោយឆ្នាំមុនមានតម្លៃ ២​ ម៉ឺនរៀល ហើយឆ្នាំនេះតម្លៃតែ១ម៉ឺន៥ ពាន់រៀល។

លោក លឹម ថារី បានរៀបរាប់ឲ្យដឹងថា លើដីចម្ការនេះ គាត់បានដាំទុរេន ពូជមួនថងជាភាសាថៃ ប្រែមកខ្មែរយើងថា “ខ្នើយមាស” ចំនួនជាង ៨០០ដើម ដែលមានអាយុ ៥ឆ្នាំមកហើយ ហើយកំពុងបានចាប់ផ្តើមប្រមូលផលពីរឆ្នាំទាំងឆ្នាំនេះ ដោយឆ្នាំទៅបានផល២០តោន ហើយឆ្នាំ២០២២នេះ ដែលតាមការប៉ាន់ ស្មានអាចទទួលបានប្រមាណ ៣០តោន។

គាត់បានរៀបរាប់ទៀតថា ទោះបីទើបប្រមូលផលឆ្នាំទី១ គាត់មិនមានការព្រួយបារម្ភទីផ្សារនោះទេ ព្រោះប្រជាពលរដ្ឋជាច្រើន បានមកដល់ទិញទុរេនរបស់គាត់ដល់ចម្ការតែម្តង​ដែលមានតម្លៃតែ​ ១៥ ០០០រៀល ញាំ ហើយបានឲ្យតម្លៃថា មានរសជាតិឆ្ងាញ់អស្ចារ្យ សល់តិចតួចណាស់​ត្រូវលក់​ទៅ​កាន់​អ្នកលក់បន្ត។

តែទោះជាយ៉ាងណា គាត់បានសំណូមពរដល់មន្ទីរជំនាញ ជួយធ្វើយ៉ាង​ណា​ឲ្យចម្ការរបស់គាត់មានការទទួលស្គាល់ ដឹងឮតាមច្បាប់ ដើម្បីធានាការជឿជាក់ពីអ្នកហូប។

តាមការពិនិត្យផ្ទាល់នេះ បានបង្ហាញថា ចម្ការរបស់លោក ថារី រៀបចំបានល្អ មានសណ្តាប់ធ្នាប់ អនាម័យ ដើមទុរេនមានសុខភាពល្អ គួរឲ្យចាប់អារម្មណ៍។

លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្ត បានបញ្ជាក់ឲ្យដឹងថា ដើម្បី ឆ្លើយតបទៅនឹងសំណូមពរនេះ មន្ទីរនឹងយកទៅពិភាក្សាជាមួយមន្ត្រីជំនាញ ដើម្បីឲ្យមាន​ការចុះ​បញ្ជីនិងការបញ្ជាក់ពីគុណភាព សុវត្ថិភាព ស្របតាមច្បាប់និងបទដ្ឋានបច្ចេកទេស។

ជាងនេះទៀតលោកប្រធានមន្ទីរបានឲ្យដឹងទៀតថា ខេត្តត្បូងឃ្មុំ កសិករបានដាំទុរេនមាន៥ស្រុក​រួម​មានៈ ស្រុកមេមត់ ស្រុកពញាក្រែក ស្រុកតំបែរ ស្រុកអូរាំងឪ និងស្រុកត្បូងឃ្មុំ ដែលបានដាំទុរេន​លើផ្ទៃដីប្រមាណ ៦៥០ហិកតា ក្នុងនោះកំពុងប្រមូលផលប្រមាណជាង ៣០០ហិកតា ដែល​ចាប់​ផ្តើម​ប្រមូលផលពេញបន្ទុកចាប់ពីដើមខែមិថុនាដល់ចុងខែកក្កដានេះ៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ៥៤ នាទី មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

ព័ត៌មានជាតិ២ ម៉ោង មុន

ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%

វប្បធម៌ ជំនឿ២ ម៉ោង មុន

សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤

ព័ត៌មានជាតិ២ ម៉ោង មុន

នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ

ព័ត៌មានជាតិ១៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម