អាជីព

ហេតុអ្វី៥ឆ្នាំកន្លងទៅ នៅតែឡើងប្រាក់ចំណូលមិនបាន៥ដង?

បានផុស

៣ years មុន

នៅ

ថ្ងៃពុធ ៣១ មីនា ២០២១

ដោយ

ការឡើងប្រាក់ខែ ទាក់ទងនឹងការឡើងឋានៈ តួនាទី ការទទួលខុសត្រូវ។ ប្រសិនបើអ្នក មិនអាចគុណប្រាក់ខែឡើងដល់ប្រាំដង ពីវ័យ២៥ដល់៣០ឆ្នាំឧទាហរណ៍ ២០០ដុល្លារនៅអាយុ២៥ ឡើងដល់១០០០ដុល្លារនៅអាយុ៣០ឆ្នាំ ខាងក្រោមនេះជាមូលហេតុ៖

១ ដើរតាមមេដឹកនាំខុស

ជាទូទៅមេដឹកនាំល្អមិនដែលប្រើយុវវ័យអ្នកចោល ហើយមិនគិតអំពីអនាគតរបស់អ្នកបែបនេះទេ។ ក្នុងវ័យ២៥ឆ្នាំ ជាវ័យមួយ ដែលអ្នកត្រូវសំលៀងអនាគត មេដឹកនាំ គេប្រាកដជាមិនទុកអ្នកធ្វើការដដែលៗ ស៊ីមួយថ្ងៃរួចមួយថ្ងៃ គេប្រាកដជា មិនឲ្យអ្នកធ្វើការដែលគ្មានគោលដៅ គេប្រាកដជា មិនទុកអ្នកនៅមួយកន្លែង។ ប្រសិនអ្នកមិនឃើញខ្លួនឯងបានរៀនអ្វីថ្មី បានទទួលការទុកចិត្តឲ្យឯករាជ្យ បានទទួលឱកាសជម្នះឧបសគ្គដោយខ្លួនឯង ហើយរយៈពេលប្រាំឆ្នាំ អ្នកត្រូវគេទុកចោលមិនដែលវាយតម្លៃចំណុចខ្លាំងខ្សោយ អ្នកកំពុងផ្ញើវាសនានឹងមនុស្សខុស។

២ រើសកន្លែងខុស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនប្រាំឆ្នាំំ កន្លងទៅ អ្នកចូលវ័យសាម ជាមួយបៀរ៍វត្សឡើងមួយឆ្នាំ១០ដុល្លារឬម្ភៃដុល្លារស្មើនឹង១០ភាគរយ ហើយមិនដែលឡើងតួនាទីឬឡើងតួនាទីដែលឡើងត្រឹមល្អមើល កម្រិតក្នុងCVនៅតែមិនអាចឡើងទៅ Seniroឬ Manager អ្នកកំពុងខាតប្រាំឆ្នាំជាមួយកន្លែងមួយដែលគ្មានឆន្ទៈក្នុងការកសាងអាជីពពិតសម្រាប់ជីវិតអ្នកឡើយ។ អ្នកមិនគួរទ្រាំនៅដល់អាយុ៤០ ដល់ពេលគេដេញចោល ឬក្មេងជំនាន់ក្រោយមកត្រួតពីលើនោះឡើយ។

ស្ថាប័នល្អមួយ គឺកន្លែងដែលមនុស្សវ័យក្មេងគ្រប់គ្នាត្រូវបានបញ្ចេញអស់សក្ដានុពលដ៏អស្ចារ្យក្នុងជីវិតយុវវ័យរបស់ពួកគេ មិនមែនយកគេមកអង្គុយស្តាប់ចាស់ៗរអ៊ូរទំាបង្កើតបក្សក្រុម បង្កើតទំនាស់ បង្រៀនស្ទីលលាបពណ៌ បែងចែកនោះទេ។

៣ អ្នកជាមនុស្សចោលម្សៀត

សម្ដីនេះធ្ងន់ប៉ុន្តែវាជាការពិត។ រយៈពេល៥ឆ្នាំគេរៀនបានបរិញ្ញាប័ត្រលើសពីមួយ ឯអ្នកវិញនៅធ្វើការដដែល ហើយចាស់តែមុខនិងសក់។ ប្រសិនមេដឹកនាំរបស់អ្នកល្អ ជំរុញតែអ្នកមិនចង់ ស្ថាប័នអ្នកលើកទឹកចិត្តមានគោលនយោបាយខ្លាំងតែអ្នកមិនលុះ មិនចង់សាកថ្មី ខ្លាចលំបាក ខ្លាចបាត់ឱកាសកម្សាន្ត អ្នកគួរដាក់ឈ្មោះថាខ្លួនឯងថា ដូចម្ដេច?

Jack Ma សេដ្ឋីនៃផ្សារអនឡាញ អាលីបាបា និយាយថា ប្រសិនបើអាយុ៣៥ហើយអ្នកនៅតែក្រ វាជាគំនិតរបស់អ្នកខ្លួនឯង! ភ្ញាក់ខ្លួនឡើង!

ប្រែសម្រួល៖Mr Tomorrow

ចុចអាន៖៩ យ៉ាងត្រូវចៀសវាងដើម្បីបង្កើតមិត្តនៅកន្លែងធ្វើការ

ចុចអាន៖ក្រុមហ៊ុនដែលភាន់ច្រឡំគ្នារវាង ទីផ្សារនិងផ្នែកលក់តែងតែបរាជ័យ! ហេតុអ្វី?