ផ្លោះរបងលួចម៉ូតូ ២ គ្រឿងសមត្ថកិច្ចកំណត់ជន​សង្ស័យ​ជា​មុខ​សញ្ញា​ចាស់
Connect with us
Helistar Cambodia - Helicopter Charter Services

សន្តិសុខសង្គម

ផ្លោះរបងលួចម៉ូតូ ២ គ្រឿងសមត្ថកិច្ចកំណត់ជន​សង្ស័យ​ជា​មុខ​សញ្ញា​ចាស់

បានផុស

នៅ


​ខេត្តបាត់ដំបង៖ ម៉ូតូ២គ្រឿងរួមនិងទ្រព្រសម្បត្តិមួយចំនួនទៀតរបស់ប្រជាពលរដ្ឋ ត្រូវបានជនមិនស្គាល់មុខបានផ្លោះរបងចូលទៅលួច​យក ​ហើយជិះគេចខ្លួនដោយសុវត្ថិភាព នៅពេល​ម្ចាស់ផ្ទះកំពុងលង់ដំណេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចុះពិនិត្យលើករណីនេះ សមត្ថកិច្ចបានសន្និដ្ឋានថាអំពើចោរកម្មនេះទំនងបានកើតឡើងលើសពីម៉ោង​ ៣ ​រំលង​អ​ធ្រា​ត្រថ្ងៃ​ទី​២៧វិច្ឆិកា ស្ថិត​ក្នុងភូមិ​បែក​ចាន​ថ្មី សង្កាត់​ព្រែក​ព្រះស្ដេចក្រុងបាត់ដំបង ខណះព្រឹកឡើងទើបម្ចាស់ផ្ទះដឹងក៏បានទៅប្តឹងសមត្ថកិច្ចតែម្តង។

បើតាមជនរងគ្រោះ ឈ្មោះទិត្យ សុផាតហៅខ្ញីប្រុស អាយុ៣២ឆ្នាំ ជាម្ចាស់ផ្ទះរស់នៅក្នុងភូមិសង្កាត់កើតហេតុខាងលើបានរៀបរាប់ប្រាប់សមត្ថកិច្ចថា ខ្លួនបានបាត់ម៉ូតូ០២គ្រឿង ខ្សែដៃអង្កាំស្រោបមាស​០១​ខ្សែ ប្រាក់​ខ្មែរ​និង​ប្រាក់​ដុល្លារ​មួយ​ចំនួន​ទៀត​។ ម៉ូតូ​ដែលជនមិនស្គាល់មុខលួចទាំង​០២​គ្រឿង​នោះ​មានម៉ាកPCX ព​ណ៌​ឈាម​ជ្រូកស៊េរី​ឆ្នាំ​២០១៨ ពាក់​ស្លាក​​លេខ 1Y.5986 និងម៉ាក CLickព​ណ៌សស៊េរី​ឆ្នាំ​២០១៧ ពាក់​ស្លាក​លេខ1AC.9558​។

ជនរងគ្រោះបានសន្និដ្ឋានប្រាប់សមត្ថកិច្ចថា សកម្មភាពរបស់ជនមិនស្គាល់មុខជាចោរ មុនកើតហេតុបានធ្វើសកម្មភាពផ្លោះរបងរួចចូលទៅក្នុងផ្ទះដើរ​រើកកាយរកសោផ្ទះ និងសោ​​ទ្វាររបង​ខាង​មុខ ទើបបានលួច​យក​លុយ​ ខ្សែដៃនិងយក​សោ​​ម៉ូតូ​ដែល​ទុក​លើ​តុ រួច​ចាក់សោ​​ម៉ូតូ​និង​សោ​​របង​ជិះ​ចេញ​ដោយ​សុវត្ថិភាព​តែ​ម្ដង​។

ករណីខាងលើសមត្ថកិច្ច​បានបង្ហើបថា ជនសង្ស័យកម្លាំងជំនាញបានកំណត់មុខសញ្ញាបានខ្លះៗដែរហើយ ដោយសមត្ថកិច្ចសន្និដ្ឋានថាមុខសញ្ញាគឺជាមុខមុខសញ្ញាចាស់ធ្លាប់ជាប់គុកស្ទើររាប់ភ្លេចហើយមួយចំនួន​ទៀត​ទើប​ប្រព្រឹត្តតាមរយះគ្នីគ្នា។ ក្រុមនេះភាគច្រើន​ជា​អ្នក​ប្រើប្រាស​ថ្នាំ​ញៀននិង​ញៀន​ល្បែង​អ៊ីនធឺណិត​។

ជុំវិញករណីខាងលើ បើទោះបីសមត្ថកិច្ចហាក់មិនទាន់មានតម្រុយពីមុខ​សញ្ញា​នៅឡើយ តែកម្លាំងជំនាញកំពុងធ្វើការស្រាវជ្រាវដើម្បីឈានដល់ការឃាត់ខ្លួនយកមកផ្តន្ទាទោសឲ្យខាងតែបាន៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services