កូនបង្កើតវាយក្បាលឪពុកនឹងបំពង់ទីប ស្លាប់ភ្លាមៗនៅកន្លែងកើតហេតុ

បុរសវ័យចំណាស់ម្នាក់ត្រូវបានកូនប្រុសបង្កើតរបស់ខ្លួនយកដែកបំពង់ទីបវាយចំក្បាលជាច្រើនកន្លែង បណ្ដាលឲ្យស្លាប់ភ្លាមៗនៅកន្លែងកើតហេតុ។

ករណី​ឃាតកម្ម​ដ៏​រន្ធត់នេះបានកើតឡើងកាលពីថ្ងៃទី១ ខែធ្នូ ឆ្នាំ​២០២១​ នៅ​ភូមិ​ត្រពាំង​ក្រឡាញ់ ឃុំ​លំពង់ ស្រុក​បាទី ខេត្តតាកែវ។​​

សមត្ថកិច្ចបានឲ្យដឹងថា ជនសង្ស័យជកូនមាន​ឈ្មោះ និល មន ភេទ​ប្រុស អាយុ​២៣​ឆ្នាំ មាន​ទីលំនៅ​ភូមិ​ឃុំ​កើត​ហេតុ​។ ចំណែកជនរងគ្រោះ​ជាឪពុកឈ្មោះ និល ហ៊ីម ភេទ​ប្រុស អាយុ៦៤​ឆ្នាំ មាន​ទីលំនៅកន្លែង​កើតហេតុ។​

សមត្ថកិច្ចបានបញ្ជាក់ថា មូលហេតុដែលនាំឲ្យកើតករណីឃាតកម្មនេះ គឺជនសង្ស័យជាមនុស្សសតិ​មិន​គ្រប់​(​បែក​ថ្នាំ​) និង​ស្រវឹងស្រា បានយកដែកបំពង់ទីបវាយទៅលើឪពុកជាច្រើន​ទីប ចំក្បាល​ពីក្រោយ បណ្តាលអោយ​បែក​ផុង​លលាដ៍ក្បាល​ស្លាប់​នៅ​កន្លែង​ ហើយជនសង្ស័យបាន​រត់គេចខ្លួនបាត់។ លុះដល់​ថ្ងៃទី​០២ ខែធ្នូ ឆ្នាំ​២០២១ កម្លាំង​សមត្ថកិច្ច​បាន​ឃាត់ខ្លួន​ជនសង្ស័យ និង​វត្ថុតាងនៅចំណុច​ព្រៃ​ក្រោយ​ភូមិ​ត្រពាំង​ក្រឡាញ់ ឃុំ​លំពង់ ស្រុក​បាទី ខេត្តតាកែវ នាំមកសួរនាំ និងកសាង​សំណុំរឿង​តាម​នីតិវិធី​៕​​