សន្តិសុខសង្គម
ចេញពីក្លិបបែកគំនិតលួចទូរសព្ទដៃគេពេលចាប់បានឆែកឃើញលាក់ថ្នាំញៀន៣កញ្ចប់
ជនសង្ស័យម្នាក់ត្រូវបានកម្លាំងប៉ុស្តិ៍នគរបាលរដ្ឋបាលវត្តភ្នំនៃអធិការដ្ឋាននគរបាលខណ្ឌដូនពេញឃាត់ខ្លួនពីបទលួចទូរសព្ទដៃ និង រក្សាទុកដោយខុសច្បាប់នូវសារធាតុញៀន។
ហេតុការណ៍ប្រព្រឹត្តនៅចំណុចខាងជើងមន្ទីរពេទ្យគន្ធបុប្ផាទី៤ ផ្លូវលេខ៨៨ កែងផ្លូវលេខ៤៧ ភូមិ១០ សង្កាត់វត្តភ្នំ ខណ្ឌដូនពេញ រាជធានីភ្នំពេញកាលពីរំលងអធ្រាត្រឈានចូលថ្ងៃ ទី០៨ ខែធ្នូ ឆ្នាំ ២០២១។
សមត្ថកិច្ចបានឲ្យដឹងថា អត្តសញ្ញាណជនសង្ស័យឈ្មោះ ឃាង សុខអារុណ ភេទប្រុស អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះជួលលេខ៩D ផ្លូវលេខ៨៣ សង្កាត់ស្រះចក ខណ្ឌដូនពេញ រាជធានីភ្នំពេញ។
វត្ថុតាងចាប់យកទូរសព្ទដៃ ចំនួន០១គ្រឿង ម៉ាកIPhone ១១Pro Max ពណ៍ស្លែរ ស៊ីមលេខ ០៨៧ ៩៩ ១៩ ១៩ (បានប្រគល់ជូនជនរងគ្រោះវិញ) ម៉ូតូ០១គ្រឿង ម៉ាក HONDA SCOOPY I ពណ៍ស ពាក់ស្លាកលេខភ្នំពេញ ១HJ-៩១៣៥ លេខតួ និង លេខម៉ាស៊ីន៨១៤២៤៤៣ ។
ទូរសព្ទដៃ ចំនួន០១គ្រឿង SAMSUMG S២១ ULTRA ពណ៌ស ទូរសព្ទដៃ ចំនួន០១គ្រឿង SAMSUNG S៩ ពណ៌ស្វាយ ស៊ីមលេខ ០៩៨ ៧៣៣ ៣៣៧ ។
ជនរងគ្រោះឈ្មោះ អ៊ុ វិច្ឆ័យ ភេទប្រុស អាយុ៣៦ឆ្នាំ ជនជាតិខ្មែរ មុខរបរលក់ដូរ មានទីលំនៅផ្ទះលេខ ៤E២ ផ្លូវលេខ៤៧ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ដំណើររឿងហេតុកាលពីថ្ងៃទី០៨ ខែធ្នូ ឆ្នាំ២០២១ វេលាម៉ោង០៣និង៣០នាទី ជនសង្ស័យឈ្មោះ ឃាង សុខអារុណ ភេទប្រុស អាយុ៣៣ឆ្នាំ បានចេញពីក្លឹបកំសាន្តយីហោNEW AGE ផ្លូវលេខ៩០ សង្កាត់ ស្រះចក ខណ្ឌដូនពេញ ដោយជនសង្ស័យ បានប្រើប្រាស់គ្រឿងញៀនប្រភេទតេតាមីន (K) ច្រើនពេកធ្វើឲ្យជនសង្ស័យជិះម៉ូតូ០១គ្រឿង ម៉ាក HONDA SCOOPY I ពណ៌ស ពាក់ស្លាកលេខភ្នំពេញ J-៩១៣៥ លេខ តួ និង លេខម៉ាស៊ីន៨១៤២៤៤៣ ត្រឡប់ទៅផ្ទះវិញ លុះជិះម៉ូតូ មកដល់ចំណុចខាងជើងមន្ទីរពេទ្យគន្ធាបុប្ផាទី៤ ផ្លូវលេខ៨៨ កែងផ្លូវលេខ៤៧ ភូមិ១០ សង្កាត់ វត្តភ្នំ ខណ្ឌដូនពេញ ក៏ឃើញម៉ូតូរ៉ឺម៉កសណ្តោងដែលមានលក់ភេសជ្ជៈ របស់ជនរងគ្រោះ ឈ្មោះ អ៊ុ វិច្ឆ័យ ភេទប្រុស អាយុ៣៦ឆ្នាំ ក៏ឃើញទូរសព្ទដៃ ចំនួន០១គ្រឿង ម៉ាកIPhone ១១Pro Max ពណ៌ស្លែរ ស៊ីមលេខ ០៨៧ ៩៩ ១៩ ១៩ ទុកចោលនៅលើម៉ូតូរ៉ឺម៉កសណ្តោងដែលមានលក់ភេសជ្ជៈ ពុំឃើញជនរងគ្រោះនៅជិត ជនសង្ស័យក៏បានឈប់ម៉ូតូហើយចុះទៅធ្វើសកម្មភាពលួចយកទូរសព្ទដៃរបស់ជនរងគ្រោះដាក់ក្នុងហោប៉ៅខោខាងឆ្វេង ហើយដើរអង្គុយលើម៉ូតូ ស្រាប់តែជនរងគ្រោះបានដើរមកយកទូរសព្ទដៃ ដែលទុកនៅម៉ូតូរ៉ឺម៉កសណ្តោងដែលវិញពុំឃើញ ក៏បានស្រែកឆោឡោថា “បាត់ទូរសព្ទដៃ” បន្ទាប់មកជនរងគ្រោះក៏បានយកទូរសព្ទទាក់ទងទៅទូរសព្ទដៃដែលបាត់ក៏ស្រាប់តែឮសំលេង ដែលបាត់បានរោទ៍ឡើងក្នុងហោប៉ៅខោរបស់ជនសង្ស័យជនរងគ្រោះក៏បានស្ទុះមកទាញទូរសព្ទដៃ ចេញពីហោប៉ៅខោរបស់ជនសង្ស័យហើយក៏បានធ្លាក់ម្សៅស សង្ស័យជាគ្រឿងញៀន (គេតាមីន) ចំនួន០៣កញ្ចប់តូច នៅលើថ្នល់ ឃើញដូច្នោះ ជនរងគ្រោះ និងអ្នកជិតខាងក៏បានព្រួតគ្នាវាយទៅលើជនសង្ស័យបណ្តាលឲ្យ មានរបួសពេញផ្ទៃមុខ ទើបនាំជនសង្ស័យ រួមជាមួយវត្ថុតាងយកមកប្រគល់ឲ្យប៉ុស្តិ៍នគរបាល រដ្ឋបាលវត្តភ្នំ តែម្តង។
ក្រោយពីសាកសួរជនសង្ស័យឈ្មោះ អ៊ុ វិច្ឆ័យ បានសារភាពថា ខ្លួនពិតជាបានលួចទូរសព្ទដៃរបស់ជនរងគ្រោះពិតប្រាកដមែន។
ចំពោះមុខកម្លាំងជំនាញខណ្ឌប៉ុស្តិ៍ កំពុងប្រើប្រាស់វិធានការជំនាញសួរចម្លើយ និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់៕
ដោយ ៖ រស្មី
តំបន់អារ៉ែង ផ្តើមមានទំនប់បង្ហៀរឆ្លងដងស្ទឹងប្រវែងជិត១០០ម៉ែត្រ
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង