សន្តិសុខសង្គម
ស្រាយគំនុំជំនួសប្អូន ទាញកាំបិតខ្វែវកាប់សម្លាប់បុរសម្នាក់ក្នុងពិធីជប់លៀង
បុរសជាជនដៃដល់ម្នាក់ ត្រូវបានកម្លាំងនគរបាលឃាត់ខ្លួន បន្ទាប់ពីកាប់លើបុរសម្នាក់ទៀត ក្នុងពីធីជប់លៀងបង្កក់កូនអ្នកជិតខាង ដោយសារខឹងជនរងគ្រោះវាយប្អូនរបស់ខ្លួនកាលពីមួយឆ្នាំមុន។
ករណីកាប់ប្រហារយ៉ាងសាហាវព្រៃផ្សៃនេះ បានកើតឡើងកាលពីវេលាម៉ោង២១និង២០នាទី ថ្ងៃទី២៧ ខែមករា ឆ្នាំ២០២២ នៅក្នុងកម្មវិធីបង្កក់កូនរបស់អ្នកជិតខាង ក្នុងភូមិក្រាំង ឃុំខ្វាវ ស្រុកជីក្រែង ខេត្តសៀមរាប។ ហើយត្រូវបានកម្លាំងសមត្ថកិច្ចស្រាវជ្រាវឃាត់ខ្លួនបាននៅថ្ងៃទី២៨ ខែមករា ឆ្នាំ២០២២ នេះ។
សមត្ថកិច្ចបានឱ្យដឹងថា ជនសង្ស័យមានឈ្មោះ ញ៉ូវ ទីន ភេទប្រុស អាយុ៣៣ឆ្នាំ មុខរបរកសិករ មានស្រុកកំណើតភូមិខ្វាវ ឃុំខ្វាវ ស្រុកជីក្រែង ខេត្តសៀមរាប។ ទីលំនៅបច្ចុប្បន្ន ភូមិក្រាំង ឃុំខ្វាវ ស្រុកជីក្រែង ខេត្តសៀមរាប។ ចំណែកជនរងគ្រោះមានឈ្មោះ សយ បូរំ ភេទប្រុស អាយុ៤៧ឆ្នាំ ស្រុកកំណើត និងទីលំនៅបច្ចុប្បន្នភូមិខ្វាវ ឃុំខ្វាវ ស្រុកជីក្រែង ខេត្តសៀមរាប។
យោយតាមរបាយការណ៍សមត្ថកិច្ចបានបន្តថា កាលពីថ្ងៃទី២៧ ខែមករា ឆ្នាំ២០២២ វេលាម៉ោង១៧និង០០ល្ងាច ជនរងគ្រោះនិងជនដៃដល់បានទៅចូលរួមក្នុងកម្មវីធីជប់លៀងបង្កក់កូនអ្នកជិតខាងឈ្មោះ ស៊ាន ខន ភេទប្រុស នៅភូមិកើតហេតុខាងលើ ដោយមានភ្ញៀវចូលរួមជាច្រើន។
ប្រភពបានបន្តថា រហូតដល់ម៉ោង៩និង២០នាទីយប់ ដោយមានការផឹកស៊ីស្រវឹងផងនោះ ជនសង្ស័យបានយកកាំបិតខ្វែវ ទៅកាប់ជនរងគ្រោះ ដែលកំពុងផឹកស៊ីដែរនោះ បណ្ដាលឲ្យត្រូវចំដើមទ្រូងឆ្វេង១ខ្វែវ និងត្រង់ស្មាខាងស្តាំ១ខ្វែវ រងបួសធ្ងន់ និងបានស្លាប់នៅពាក់កណ្តាលផ្លូវ ពេលបងប្អូនដឹកតាមរថយន្តទៅសង្គ្រោះនៅមន្ទីរពេទ្យ។
តាមការសាកសួររបស់សមត្ថកិច្ច ជនសង្ស័យបានសារភាពថា ខ្លួនពិតជាបានកាប់ជនរងគ្រោះពិតប្រាកដមែន ដោយារខឹងជនរងគ្រោះ វាយប្អូនរបស់ខ្លួនកាលពីមួយឆ្នាំមុន។
ជនសង្ស័យរួមទាំងវត្ថុតាង សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តនីតិវិធីបន្ត ៕
អត្ថបទ៖ សុខុម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ