សន្តិសុខសង្គម

អគ្គិភ័យឆាបឆេះផ្ទះមួយខ្នងគ្មានសល់ ផ្អើលសមត្ថកិច្ចចុះអន្តរាគមន៍

បានផុស

២ years មុន

នៅ

ថ្ងៃពុធ ១៦ មីនា ២០២២

ដោយ

ភ្នំពេញ ៖ ផ្ទះប្រជាពលរដ្ឋមួយខ្នងត្រូវបានអគ្គិភ័យឆាបឆេះគ្មានសល់និងឃ្លាំងស្តុកទំនិញមួយកន្លែងរងការខូចខាត បង្កការភ្ញាក់ផ្អើល កាលពីវេលាម៉ោង៦និង២០នាទីល្ងាចថ្ងៃទី១៦ ខែមីនា ឆ្នាំ២០២២ ដែលស្ថិតនៅចំណុចផ្ទះលេខ២៤១ ផ្លូវរថភ្លើង សង្កាត់ទឹកថ្លាខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ផ្ទះឈ្មោះ កៅ ហុង ភេទប្រុស អាយុ ៤៧ឆ្នាំ មានមុខរបរ ម៉ៅការសំណង់ ស្នាក់នៅទីតាំងកើតហេតុខាងលើ។

លោកឧត្តមសេនីយ៍ត្រី ស៊ុម សុឃីម ស្នងការរងទទួលផែនការងារអាវុធជាតិផ្ទុះ និងអគ្គិភ័យ បានប្រាប់ឲ្យដឹងថា ក្នុងប្រតិបត្តិការអន្តរាគមន៍សង្គ្រោះនេះ គឺកម្លាំងសមត្ថកិច្ចជំនាញបានប្រើប្រាស់រថយន្តពន្លត់ចំនួន ៨គ្រឿង ប្រើប្រាស់ទឹកអស់ ៨ឡាន។

លោកស្នងការរង បានបញ្ជាក់ថា ចំពោះករណីគ្រោះអគ្គិភ័យខាងលើនេះ បានឆេះបំផ្លាញ ឈើប្រក់សង័សី (ទំហំ ៥ម៉ែត្រ x ១៦ម៉ែត្រ), ឈើប្រទាល និងសម្ភារៈប្រាស់ប្រចាំថ្ងៃមួយចំនួន។

យ៉ាងណាមិញសម្រាប់ប្រតិបត្តិការនេះ ត្រូវបានកម្លាំងសមត្ថកិច្ចគ្រប់គ្រងបាននៅវេលាម៉ោង៧និង០០នាទី នាថ្ងៃខែដដែរ។ ចំពោះមូលហេតុការដែលនាំឲ្យមានអគ្គិភ័យនេះ គឺបណ្តាលមកពីការឆ្លងចរន្តអគ្គិសនី បង្កជាអគ្គិភ័យ៕

ដោយ ៖ សុខា