សន្តិសុខសង្គម
ភ្ជង់ប្លន់យកម៉ូតូមួយគ្រឿង បានសម្រេចទាំងព្រឹក នៅខណ្ឌមានជ័យ
ក្រុមចោរប្លន់ប្រដាប់អាវុធមួយក្រុម មានគ្នា ៣ នាក់ ប្រដាប់ដោយកាំភ្លើងគ្រប់ដៃ បានធ្វើសកម្មភាព ភ្ជង់ប្លន់យកម៉ូតូមួយគ្រឿងពីជនរងគ្រោះ ២ នាក់បានសម្រេច នៅចំណុចផ្ទះល្វែងមួយកន្លែង ទល់មុខនឹងផ្សារស្ទឹងមានជ័យថ្មី ក្នុងភូមិដំណាក់ធំ សង្កាត់ស្ទឹងមានជ័យ ២ ខណ្ឌមានជ័យ បង្កការភ្ញាក់ផ្អើល នាវេលាម៉ោង ៦ ព្រឹក ថ្ងៃទី ១៥ ខែឧសភា ឆ្នាំ ២០២២។ ជនរងគ្រោះ ២ នាក់ ត្រូវជាម្តាយកូននឹងគ្នា ដោយពុំត្រូវបានស្គាល់អត្តសញ្ញាណនោះឡើយ។ ចំណែកម៉ូតូជនរងគ្រោះ ម៉ាក Honda Beat ពណ៌ក្រហម ពាក់ស្លាកលេខ 1HZ-0535។
យោងតាមប្រភពព័ត៌មានបានឲ្យដឹងថា មុនកើតហេតុ ជនរងគ្រោះទាំង ២ នាក់ បានអូសម៉ូតូចេញពីក្នុងផ្ទះ បម្រុងរៀបចំទៅលក់ដូរនៅផ្សារអូរឫស្សី ខណៈភ្លាមនោះ ក៏ស្រាប់តែលេចមុខក្រុមជនសង្ស័យមួយក្រុម មានគ្នា ៣ នាក់ ជិះម៉ូតូ ២ គ្រឿង ប្រដាប់ដោយអាវុធគ្រប់ដៃ បានជិះទៅមុខផ្ទះជនរងគ្រោះ។
ក្នុងនោះ ជនសង្ស័យ បានធ្វើសកម្មភាពដកកាំភ្លើងខ្លីភ្ជង់ទៅលើជនរងគ្រោះ បណ្តាលឲ្យជនរងគ្រោះ ២ នាក់ម្តាយកូន ភ័យស្លន់ស្លោ រត់ចេញពីម៉ូតូ ហើយក្រុមជនសង្ស័យឡើងជិះម៉ូតូចាកចេញពីកន្លែងកើតហេតុតែម្ដង។
ក្រោយកើតហេតុ កម្លាំងសមត្ថកិច្ចមូលដ្ឋាន បានចុះដល់ទីតាំងកើតហេតុ និងនាំជនរងគ្រោះទៅដាក់ពាក្យបណ្ដឹងនៅប៉ុស្តិ៍រដ្ឋបាលនគរបាលស្ទឹងមានជ័យទី ២ ដើម្បីកំណត់អត្តសញ្ញាណក្រុមជនសង្ស័យ ក្នុងការស្រាវជ្រាវយកទៅផ្ដន្ទាទោសតាមផ្លូវច្បាប់នាពេលខាងមុខ។
គួរបញ្ជាក់ថា បទល្មើសជាច្រើន ពិសេសបទល្មើសឆក់ក្នុងមូលដ្ឋានខណ្ឌមានជ័យ ហាក់មានការកើនឡើងគួរកត់សម្គាល់ជាបន្តបន្ទាប់ គិតចាប់តាំងពីអធិការនគរបាលខណ្ឌមានជ័យថ្មី លោកវរសេនីយ៍ទោ អ៊ុក ប៊ូនិន មកកាន់តំណែងប្រមាណ ៤ ខែកន្លងមក។
សូមបញ្ជាក់បន្ថែមថា ករណីខាងលើនេះ ពិតជាបានបង្កឲ្យមានការព្រួយបារម្ភជាខ្លាំងដល់ប្រជាពលរដ្ឋក្នុងមូលដ្ឋាន ដែលអំពើប្លន់ប្រដាប់អាវុធ អាចកើតមានឡើងទាំងព្រឹកព្រលឹមអុល ពិសេសក្នុងកណ្ដាលរាជធានីភ្នំពេញ។
ពលរដ្ឋ និងមជ្ឈដ្ឋានទូទៅ ស្នើកងកម្លាំងអាជ្ញាធរមានសមត្ថកិច្ចគ្រប់លំដាប់ថ្នាក់ មេត្តាពង្រឹង និងបង្កើនសមត្ថភាពបន្ថែមក្នុងការការពារ ថែរក្សាសន្តិសុខ សុវត្ថិភាពជូនពលរដ្ឋ ជៀសវាងភាពឆកល្វែងរបស់ខ្លួន ដែលបណ្ដែតបណ្ដោយឲ្យបទល្មើសលួច ឆក់ ប្លន់ អាចកកើតមានជាបន្តបន្ទាប់បាន នៅក្នុងភូមិសាស្ត្ររាជធានីភ្នំពេញ៕
អត្ថបទ ៖ លីហេង
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
សម្ដេចពិជ័យសេនា ទៀ បាញ់ អញ្ជើញពិនិត្យវឌ្ឍនភាពការសាងសង់ស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន
រដ្ឋមន្ត្រីព័ត៌មានថៃ និងតំណាង មិនហ៊ានមកចូលរួមកិច្ចប្រជុំនៅកម្ពុជា ដែលជជែកពីបញ្ហាព័ត៌មានក្លែងក្លាយ និងបញ្ញាសិប្បនិមិត្ត
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៣ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ