សន្តិសុខសង្គម
ក្រុមចោរលួចគាស់កុដិព្រះសង្ឃនៅស្រុកពួក យកទ្រព្យសម្បត្តិអស់ប្រមាណ១ពាន់ដុល្លារ
សៀមរាប ៖ សេចក្តីរាយការណ៍បានឲ្យដឹងថា ក្រុមចោរបានឆ្មក់ចូលទៅលួចគាស់កុដិ ព្រះសង្ឃក្នុងវត្តអំពិល យកទ្រព្យសម្បត្តិអស់ប្រមាណជាង១ពាន់ដុល្លារ រួចគេចខ្លួនបាត់។
ប្រភពពីសមត្ថកិច្ចបានបង្ហើបឲ្យដឹងថា មានករណីអំពើលួចដោយមានស្ថានទម្ងន់ទោស (បុកខូចគ្រាប់មេសោទ្វារ ) កើតហេតុ នៅថ្ងៃទី២១ ខែសីហា ឆ្នាំ២០២២ ចន្លោះវេលាម៉ោង៧និង០០នាទី ត្រង់ចំណុច កុដិលោក ក្នុងវត្តអំពិល ស្ថិតភូមិអំពិល ឃុំសំរោងយា ស្រុកពួក ខេត្តសៀមរាប។
ប្រភពបន្តថា ការបាត់បង់នេះកើតលើជនរងគ្រោះ ទី១ ឈ្មោះ គឹម លាង អាយុ ៣១ឆ្នាំ ជាព្រះសង្ឃ រស់នៅវត្តកើតហេតុខាងលើ មុនពេលកើតហេតុ នៅចន្លោះម៉ោង២ ថ្ងៃទី២១ ខែសីហា ឆ្នាំ២០២២ ជនរងគ្រោះគាត់បានចេញទៅ ពិនិត្យសុខភាព នៅមន្ទីរពេទ្យខេត្តសៀមរាប នឹងបានចាក់សោទ្វារបានត្រឹមត្រូវ។ លុះដល់ម៉ោងប្រហែល៧ ថ្ងៃដដែល គាត់បានត្រលប់មកដល់កុដិវិញ បានឃើញទ្វារកុដិបិទតែ មានស្នាមគាស់មេសោ ខណៈគាត់បើកទ្វារចូលក្នុងបន្ទប់ ស្រាប់តែឃើញមានការរើ កកាយ របស់របរនៅក្នុងនោះ ហើយពិនិត្យកន្លែងទុកកុំព្យូទ័រ ក៏បាត់ បង្កឡើងដោយជនសង្ស័យមិនស្គាល់ អត្តសញ្ញាណ បានគាស់បំផ្លាញសោទ្វារ ចូលលួចយក កុំព្យូទ័រចំនួនពីរគ្រឿង ទី១ម៉ាក DELL ពណ៌ខ្មៅ តម្លៃ ៦០០$ (ប្រាំមួយរយដុល្លារអាមេរិក) ទី២ ម៉ាក Asus ពណ៌ ស តម្លៃ ៣០០$ (បីរយដុល្លារ) និងទូរស័ព្ទ ១គ្រឿង ម៉ាក GALAXY TAP តម្លៃ ៣០០$ (បីរយដុល្លារ) ការបាត់បង់សរុប ១២០០$ (មួយពាន់ពីររយដុល្លារ)។
ប្រភពបន្ថែមថា ជនរងគ្រោះទី២ ឈ្មោះ ប៉ុច កុសលអាយុ៣៣ ឆ្នាំជាព្រះសង្ឃរស់នៅវត្តកើតហេតុខាងលើ មុនពេលកើតហេតុនៅ២០ខែសីហាឆ្នាំ២០២២ ជនរងគ្រោះគាត់បានចេញ ទៅធ្វើបុណ្យ នៅភ្នំពេញ បានចាក់សោបន្ទប់ ចាក់ទ្វារ (កុដិ) ខាងក្រៅ។ លុះដល់ ថ្ងៃទី២១ ខែឆ្នាំដដែល បានត្រលប់មកពីភ្នំពេញ មកដល់កុដិវិញ ស្រាប់តែឃើញទ្វារកុដិចំហទ្វារក្នុងបន្ទប់ (កុដិ) ហើយគាត់ចូលទៅឃើញមានស្នាម រើកកាយ ឥវ៉ាន់ បង្កឡើងដោយជនសង្ស័យមិនស្គាល់អត្តសញ្ញាណធ្វើសកម្មភាព បុកខូចគ្រាប់មេសោទ្វារ ការបាត់បង់ ទ្រព្យសម្បត្តិ (គ្មាន)។
ក្នុងហេតុការណ៍នោះគេឃើញមានកម្លាំងសមត្ថកិច្ចចម្រុះបាន ចុះស្រាវជ្រាវកន្លែងកើតហេតុ និងឃើញវត្ថុតាង មានបន្សល់ទុក មេសោដែលបុកបំផ្លាញខូច នៅកន្លែងកើតហេតុគ្មានបំពាក់កាំមេរ៉ាសុវត្ថិភាព គ្មានសាក្សីបានឃើញ ភិនភាគ តម្រុយជនសង្ស័យទេ ហើយករណីនេះសមត្ថកិច្ចកំពុងបន្តការស្រាវជ្រាវ កសាងនីតិវិធី។
មហាជនលើកឡើងថា នៅអំឡុងឆ្នាំ២០២២នេះ ករណីគាស់យកទ្រព្យសម្បត្តិនៅក្នុងស្រុកពួក បានកើតឡើងជាច្រើនលើក ហើយសមត្ថកិច្ចនៅទីនោះក៏នៅមិនទាន់វែកមុខរកជនសង្ស័យឃើញនៅឡើយ។ មហាជនសំណូមពរឲ្យថ្នាក់ដឹកនាំគ្រប់ជាន់ថ្នាក់ មេត្តាចុះមកជួយទប់ស្កាត់ករណីចោរគាស់យកទ្រព្យសម្បត្តិនៅក្នុងស្រុកពួក ខេត្តសៀមរាប នេះផង៕
ដោយ ៖ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ