Connect with us

សន្តិសុខសង្គម

ពលរដ្ឋក្នុងសង្កាត់បរយ៉ាខាធ្វើស្ពានឆ្លងបណ្តោះអាសន្ន​ ក្រោយទឹកជំនន់បំផ្លាញស្ពាន

បានផុស

នៅ

ប្រជាពលរដ្ឋរស់នៅភូមិបរហ៊ុយជើង ​សង្កាត់បរយ៉ាខា ​ក្រុងប៉ៃលិន ​ខេត្តប៉ៃលិនបានរួមគ្នា​ប្រមូល​សម្ភារ​ស្ពានយោលចាស់ ដែលទឹកកួចផ្តាច់យកមកធ្វើស្ពានឆ្លងបណ្តោះអាសន្នដើម្បីធ្វើដំណើរឆ្លង​កាត់​ប្រចាំថ្ងៃ និងដឹកកសិផលផ្សេងៗ។

ចំណុចស្ពានដែលពួកគាត់រួមកម្លាំងធ្វើស្ថិតនៅចំកណ្តាលភូមិបរហ៊ុយជើង ខណៈមិនមានកន្លែងណាសម្រាប់ឆ្លងទៅមកនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋបានសំណូមពរដល់អាជ្ញាធរក្រុងប៉ៃលិន និងមន្ទីរជំនាញឲ្យជួយធ្វើស្ពានសម្រាប់ឲ្យពួកគាត់ធ្វើដំណើរឆ្លងព្រោះនៅតំបន់នេះមិនមានកន្លែងឆ្លងនោះទេ។

សូមរំឭកថា ភ្លៀងធ្លាក់មួយមេធំនៅផ្នែកខាងលើនៃស្ទឹងបរយ៉ាខានៅថ្ងៃទី ៧ ដើមខែតុលានេះបណ្តាលឲ្យជន់លិចកន្លែងកម្សាន្ត និងស្ពានយោលដែលប្រជាពលរដ្ឋធ្លាប់បើកបរឆ្លងកាត់ ត្រូវទឹកជំនន់អូសទៅទាំងគ្រឹះធំៗ ចំណែកដែកទប់ជើងសរសរក៏ត្រូវដាច់ចេញពីគ្នាផងដែរ។

កាលនោះលោកស្រី បាន ស្រីមុំ អភិបាលខេត្តប៉ៃលិន ក៏បានអំពាវនាវដល់បងប្អូនប្រជាពលរដ្ឋដែលមានលំនៅឋានជាប់ស្ទឹងបរយ៉ាខាបរតាំងស៊ូ ស្ទឹងតារាបឲ្យប្រុងប្រយ័ត្នខ្ពស់ព្រោះទឹកតាមដងស្ទឹង និងអូរមានការជន់ឡើងខ្លាំង៕

អត្ថបទ៖ សេង សុវណ្ណារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម