Connect with us

សន្តិសុខសង្គម

រីសតមួយកន្លែង កំពុងពង្រីកមាឌលើដីចំណីស្ទឹង យ៉ាងស្ងៀមស្ងាត់

បានផុស

នៅ

សំណង់រីសតមួយកន្លែង ដែលគេដឹងថា ជារបស់អ្នកមានឥទ្ធិពលមួយរូប កំពុងត្រូវបានរងការរិះគន់យ៉ាងខ្លាំងពីសំណាក់មជ្ឈដ្ឋានជាច្រើន ដោយសារតែទីតាំងខាងលើនេះ បានបំពានទៅលើដីចំណីស្ទឹងយ៉ាងស្ងៀមស្ងាត់ ផ្ទុយពីច្បាប់របស់រាជរដ្ឋាភិបាល ដែលហាមឃាត់ដាច់ខាត ការសាងសង់បំពានលើដីចំណីព្រែក បឹង ទន្លេ ស្ទឹង ។ល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងសំណង់រីសតនេះ ស្តិតនៅប្របមាត់ស្ទឹងសង្កែ ត្រើយខាងកើត ស្ថិតក្នុងភូមិបោះពោធិ ឃុំអូរដំបង១ ស្រុកសង្កែ ខេត្តបាត់ដំបង ដែលគេបានសាងសង់ឡើងយ៉ាងប្រណិត ហើយបាន និងកំពុងប្រើប្រាស់គ្រឿងចក្រដើម្បីកាយ និងចាក់អាចម៍ដីបន្ថែមបំពានទៅលើមាត់ស្ទឹងសង្កែ ក្រោមលេសថា ចាកធ្វើជើងតេ ដើម្បីកុំឱ្យបាក់ច្រាំងស្ទឹង។

ប្រជាពលរដ្ឋដែលរស់នៅក្បែទីតាំងនោះបាននិយាយថា ធាតុពិត ដីច្រាំងគឺនៅខាងលើ ក្បែររីសត ប៉ុន្តែម្ចាស់ទីតាំងនេះបានចាក់ថ្ម នៅជាន់ខាងក្រោម (ដីក្នុងស្ទឹង) ហើយបានចាក់ដីបំពេញបន្ថែមមួយជាន់ក្រោមទៀត ដើម្បីទប់ដីខាងលើកុំឱ្យបាក់ មិនត្រឹមតែប៉ុណ្ណឹងទេ គេបានប្រើប្រាស់គ្រឿងចក្រកាយដីទប់ប៉ែកខាងលើចូលជិតដល់កណ្តាលស្ទឹង ដើម្បីបញ្ចៀសមុខទឹកកុំឱ្យហូរច្រោះចូលទីតាំងរបស់ខ្លួន ដែលបានធ្វើឱ្យប្រជាពលរដ្ឋរស់នៅខាងលិចស្ទឹង សំដែងនូវការមិនពេញចិត្តទាល់តែសោះ ព្រោះដោយសារតែការបង្វែរទិសដៅទឹកឱ្យហូរបុកទៅខាងលិចវិញ វាជាបញ្ហាមួយបង្កឱ្យបាក់ច្រាំងស្ទឹងនាពេលអនាគត។

ជុំវិញបញ្ហាទីតាំងរបស់រីសតខាងលើនេះ លោក សេក ផានិត ហៅ បាវ មេឃុំអូរដំបង១ បាននិយាយថា រឿងនេះលោកមិនបានដឹងឱ្យសុីជម្រៅនោះទេ សុំឱ្យសួរទៅខាងលើទៅ។

ជួបតាមរយៈទូរស័ព្ទ ជាមួយ “កម្ពុជាថ្មី” ឧត្តមសេនីយ៍ត្រី មៀន ឡាយ ស្នងការរង ទទួលផែនសន្តិសុខ ដែលជាអ្នកមើលការខុសត្រូវនៅក្នុងទីតាំងនេះ បានបញ្ជាក់ថា ការចាក់ដីលើមាត់ច្រាំងនេះ គឺសម្រាប់ធ្វើជើងតេកុំឱ្យបាក់តែប៉ុណ្ណោះ ហើយការស្ថាបនាជើងតេនេះ មិនមែនធ្វើតែកន្លែងរីសតប៉ុណ្ណោះទេ គឺត្រូវធ្វើតាមចណ្តោយដងស្ទឹងសង្កែទៅប៉ែកខាងក្រោមរហូតដល់ក្បាលស្ពានវត្តគរ មានប្រវែងជិត ២គីឡូម៉ែត្រ ហើយទីតាំងខាងលើនេះជារបស់ លោក កែវ បេងវឌ្ឍន៍ អគ្គនាយក នៃអគ្គនាយកដ្ឋាន ថវិកាថ្នាក់ក្រោមជាតិ។

ជុំវិញការបកស្រាយបែបនេះ នៅព្រឹកថ្ងៃទី២៤ ខែវិច្ឆិកា ឆ្នាំ២០២២ នេះ លោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្ត បានអះអាងប្រាប់ “កម្ពុជាថ្មី” ថា ការស្ថាបនាច្រាំងស្ទឹងសង្កែ ប៉ែកខាងលើស្ពានវត្តគរ គឺក្នុងគម្រោងមានតែប្រវែង ១៥០ ម៉ែត្រ នៃក្បាលស្ពានវត្តគរ តែប៉ុណ្ណោះ គឺមិនមានស្ថាបនាកន្លែងណាផ្សេងទៀតឡើយ។

នៅក្នុងការលើកឡើងរបស់ លោក មៀន ឡាយ ដែលឆ្លើយខាងលើ បានធ្វើឱ្យប្រភពជាច្រើន មិនពេញចិត្តទាល់តែសោះ ព្រោះបើធ្វើបែបនេះមែន គេត្រូវធ្វើត្រង់ចំណុចណាដែលបាក់ខ្លាំងជាមុន ដូចជានៅក្បែសាលាឃុំអូរដំបង១ និងនៅក្បែរជាងធ្វើទូរទស្សន៍។ល។ គេមិនមែនទៅសម្រុកធ្វើតែកន្លែងរីសតបែបនេះនោះទេ។

“កម្ពុជាថ្មី” បានព្យាយាមជួបតាមរយ:ទូរស័ព្ទ ជាមួយ លោក ឡុង ផលគុណ ប្រធានមន្ទីរធនធានទឹក និងឧត្តុនិយមដើម្បីសុំការបំភ្លឺជុំវិញការចាក់ដីចូលច្រាំងស្ទឹងសង្កែនេះដែរ ប៉ុន្តែទូរសព្ទមិនមានអ្នកទទួល៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម