Connect with us

សន្តិសុខសង្គម

ឃាត់ខ្លួនមុខសញ្ញាជួញដូរគ្រឿងញៀន៤នាក់ រកឃើញកាំភ្លើង និងគ្រាប់AK47 ជាង១០០គ្រាប់

បានផុស

នៅ

ជនសង្ស័យចំនួន៤នាក់ ដែលជាមុខសញ្ញាជួញដូរគ្រឿងញៀន ត្រូវបានកម្លាំងអធិការដ្ឋាននគរបាលស្រុកកំរៀងធ្វើការឃាត់ខ្លួន និងបានរកឃើញគ្រាប់កាំភ្លើងជាង១០០គ្រាប់។

កិច្ចប្រតិបត្តិការនេះបានធ្វើឡើងកាលពីថ្ងៃទី១៨ ខែ​មករា ឆ្នាំ​២០២៣ វេលាម៉ោ​ង៣និង៣០នាទីរសៀល ត្រង់ចំណុចក្រុមទី០៧ ភូមិល្វាទេ ឃុំត្រាង ស្រុកកំរៀង ខេត្តបាត់ដំបង ដោយកិច្ចប្រតិបត្តិការនេះ គឺបាន​អនុវត្តតាមយោបល់ដឹកនាំរបស់លោកឧត្តម​សេនី​យ៍ទោ​ សាត​ គឹមសាន​ ស្នងការនៃស្នងការដ្ឋាននគរបាលខេត្តបាត់ដំបង​ ដែលដឹកនាំដោយ​ លោកវរសេ​នី​យ៍ទោ​ វេ​ ​គឹមចត់​ អធិការនគរបាលស្រុកកំរៀងបាន​នាំកម្លាំងផ្នែកប្រឆាំងគ្រឿងញៀន ចុះបង្រ្កាបករណីរក្សា​ទុកដោយខុសច្បាប់នូវសារធាតុញៀន១ករណីក្នុងបទល្មើសជាក់​ស្ដែង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រតិបត្តិការនេះ កម្លាំងបានធ្វើការឃាត់ខ្លួនជនសង្ស័​យ​ចំនួន៤នា​ក់​គឺ៖ ១-ឈ្មោះ តេន ហួត ភេទប្រុស អាយុ៣៥​ឆ្នាំ រស់នៅ​ភូមិល្វាទេ ឃុំត្រាង ស្រុកកំរៀង។ ២-ឈ្មោះ សុត ធឹម ហៅ ឆក ភេទប្រុស អាយុ៣៣ឆ្នាំ រស់នៅភូមិល្វាទេ ឃុំត្រាង ស្រុកកំរៀង។ ៣-ឈ្មោះ ជា សំបូរ ហៅ អុីវ ភេទប្រុសអាយុ៣៥ឆ្នាំ រស់​នៅភូមិល្វាទេ ឃុំត្រាង ស្រុកកំរៀង។ ៤-ឈ្មោះ ញ៉ាត សំណាង ហៅ វេវ ភេទប្រុស អាយុ​២៣ឆ្នាំរស់នៅភូមិល្វាទេ ឃុំត្រាង ស្រុកកំរៀង ខេត្តបាត់ដំបង។

ករណីនេះសមត្ថកិច្ចបានដកហូត ថ្នាំញៀនប្រភេទម៉ាទឹកកក ចំនួន៥ថង់ទូរសព្ទ័ដៃចំនួន២គ្រឿង ប្រាក់រៀលចំនួ​ន ​៦០០.០០០​រៀល(ហុកសិបមុឺនរៀល) កាំភ្លើងខ្លីប្រើហ្គាស់បាញ់គ្រាប់កង់ ចំនួន០១ដេីម និងបង់ចំនួន០២ គ្រាប់កាំភ្លេីង​អាកា(AK47)​ ចំ​នួន១៣២គ្រាប់ ម៉ូតូ១គ្រឿងម៉ាកហុងដាឌ្រីម ឧបករណ៍ប្រើប្រាស់ និងថង់ច្រករំលែកគ្រឿងញៀនមួយចំនួន។

បច្ចុប្បន្ននគរបាលស្រុកបានរៀប​ចំសំណុំរឿងបញ្ជូនទៅកាន់ការិយាល័យជំនាញអនុវត្តបន្តតាមនីតិវិធី​ច្បាប់​៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម