សន្តិសុខសង្គម
ឃុំខ្លួនជនសង្ស័យ ៣ នាក់ដាក់ពន្ធនាគារ ពាក់ព័ន្ធបទល្មើសនេសាទខុសច្បាប់
លោកស្រី ទេព សុធាវី ចៅក្រមស៉ើបសួរនៃសាលាដំបូងខេត្តក្រចេះបានចេញដីកាបង្គាប់ឲ្យឃុំខ្លួនជនសង្ស័យ ៣ នាក់ ដាក់ពន្ធនាគារ ពាក់ព័ន្ធបទល្មើសនេសាទខុសច្បាប់ ដោយប្រើឧបករណ៍ឆក់ត្រី ដែលជាបទល្មើសព្រហ្មទណ្ឌ។
ជនសង្ស័យទាំង ៣ នាក់ ត្រូវបានកម្លាំងរដ្ឋបាលជលផលមេគង្គ និងកម្លាំងផ្នែករដ្ឋបាលជលផលព្រែកប្រសព្វ សហការជាមួយនគរបាលប្រឆាំងបទល្មើសសេដ្ឋកិច្ចខេត្តក្រចេះ ឃាត់ខ្លួនបានកាលពីល្ងាចថ្ងៃទី២៧ ខែមករា ឆ្នាំ២០២៣នេះ ក្នុងប្រតិបត្តិការណ៍ចុះបង្ក្រាបបទល្មើសនេសាទ នៅតាមដងព្រែកឆ្លូង ស្ថិតក្នុងភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ។
ជនសង្ស័យទាំង ៣ នាក់ដែលត្រូវបានឃាត់ខ្លួន ទី១៖ឈ្មោះ ចី ឡី អាយុ ៤២ឆ្នាំ រស់នៅភូមិស្រែសោមចាស់ ឃុំកំពាន់ ស្រុកមេមត់ ខេត្តត្បូងឃ្មុំ, ទី២៖ឈ្មោះ យ៉េង ផល្លា អាយុ២៨ឆ្នាំ និងទី៣៖ឈ្មោះ នឿន ណាត់ អាយុ២៨ឆ្នាំ អ្នកទាំងពីររស់នៅ ភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ។
លោក បែន ប៊ុណ្ណារ៉ាវុធ នាយផ្នែករដ្ឋបាលជលព្រែកប្រសព្វបានឲ្យដឹងថា ក្នុងប្រតិបត្តិការបង្រ្គាបទល្មើសនេសាទ កម្លាំងចម្រុះបានដកហូតឧបករណ៍នេសាទឆក់ចំនួន ១៣ គ្រឿង អាគុយ 12 វុល 40 អំពារ ចំនួន ១៣គ្រឿង, កន្រ្តងដងត្រី ចំនួន ៣ គ្រឿង, ទ្រុងដាក់ត្រី ចំនួន ៦គ្រឿង និងកន្រ្ទកដាក់ត្រី ចំនួន ៥ គ្រឿង។
លោកនាយផ្នែកបន្តទៀតថា ក្រុមអ្នកឆក់ទាំងហ្វូង នៅពេលកម្លាំងសមត្ថកិច្ចចុះទៅដល់ពួកគេបោះឧបករណ៍ឆក់ចោលរត់យករួចខ្លួនតែម្ដង ហើយកម្លាំងសមត្ថកិច្ចឃាត់ខ្លួន ជនសង្ស័យបានតែចំនួន៣នាក់ប៉ុណ្ណោះ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង