Connect with us

សន្តិសុខសង្គម

ពលរដ្ឋសំណូមពរអាជ្ញាធរចុះរៀបចំសណ្ដាប់ធ្នាប់នៅចំណុចផ្សារបឹងព្រលិត ដើម្បីមានផ្លូវចូលផ្ទះស្រួល

បានផុស

នៅ

ពលរដ្ឋមួយគ្រួសាររស់នៅបរិវេណផ្សារបឹងព្រលិត ក្នុងមូលដ្ឋានសង្កាត់បឹងព្រលិត ខណ្ឌ៧មករា បានសំណូមពរដល់អាជ្ញាធរសង្កាត់ ក៏ដូចជាអាជ្ញាធរខណ្ឌ ជួយចុះរៀបចំសណ្ដាប់ធ្នាប់នៅចំណុចផ្សារបឹងព្រលិតឲ្យមានរបៀបរាបរយដើម្បីមានផ្លូវចេញចូលផ្ទះបានស្រួល ខណៈដែលអាជីវករដាក់តាំងលក់បន្លែ ត្រីសាច់ និងរបស់របរផ្សេងទៀតនៅលើផ្លូវសារធារណៈដែលធ្វើឲ្យពួកគាត់ពិបាកចេញចូលផ្ទះស្ទើរតែ២៤ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការលើកឡើងរបស់ពួកគាត់ដោយសុំមិនបញ្ចេញឈ្មោះបានរៀបរាប់ថា ការដាក់លក់បន្លែត្រីសាច់ និងរបស់របរផ្សេងទៀតនៅលើផ្លូវសាធារណៈនេះ វាស្ទើរតែ២៤ម៉ោងលើ២៤ម៉ោងទៅហើយ មិនថា ព្រឹក ថ្ងៃ ឬពេលយប់នោះទេ។ ចំពោះការដាក់លក់ពេលព្រឹកគាត់មិនថាអីទេ តែពេលល្ងាច ឬពេលយប់សូមឲ្យអាជីវករដាក់របស់របរចូលខាងក្នុងបន្តិច កុំដាក់នៅកណ្ដាលទ្រូងផ្លូវពេក ទុកផ្លូវឲ្យគាត់បានចេញចូលផ្ទះស្រួលផង។ ពួកគាត់បន្ថែមថា កន្លងមកកម្លាំងអាជ្ញាធរសង្កាត់ក៏ធ្លាប់ចុះមករៀបចំសណ្ដាប់ធ្នាប់នៅតំបន់នេះដែរ តែក្រោយពីអាជ្ញាធរដកកម្លាំងទៅវិញអស់ ក្រុមអាជ្ញាវករដាក់របស់របរតាំងលក់លើផ្លូវសាធារណៈវិញដដែល។

ម្ចាស់ផ្ទះរូបនេះបានបន្ថែមថា បើតាមការលើកឡើងរបស់ក្រុមអាជីវករទាំងនោះថា ពួកគាត់បានបង់ប្រាក់ជូនអាជ្ញាធរសង្កាត់ដើម្បីបានដាក់លក់បែបនេះ ដោយក្នុងអាជីវករម្នាក់ត្រូវបង់១២០០០រៀល (មួយម៉ឺនពីរពាន់រៀល) ក្នុងមួយថ្ងៃ និងបង់ជារៀងរាល់ថ្ងៃ។

ពាក់ព័ន្ធបញ្ហានេះ អ្នកមីង តៅ ម៉ានថា ចៅសង្កាត់បឹងព្រលិត ខណ្ឌ៧មករា បានឲ្យដឹងនៅរសៀលថ្ងៃទី៨ មីនា នេះថា ចំពោះការលើកឡើងថាអាជ្ញាធរយកលុយនោះ អ្នកមីងមិនបានដឹងនោះទេ ហើយអ្នកមីងនឹងឲ្យកម្លាំងចុះពិនិត្យមើលថា ហេតុអ្វីបានជាដាក់លក់មិនឲ្យគេចូលផ្ទះកើតបែបនេះ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤៧ វិនាទី មុន

ពលរដ្ឋសំណូមពរអាជ្ញាធរចុះរៀបចំសណ្ដាប់ធ្នាប់នៅចំណុចផ្សារបឹងព្រលិត ដើម្បីមានផ្លូវចូលផ្ទះស្រួល

ព័ត៌មានអន្ដរជាតិ២៣ នាទី មុន

ថៃ ដាក់គុក បុរសលក់ប្រតិទិន ដែលមានរូបសត្វទាពណ៌លឿង

ព័ត៌មានអន្ដរជាតិ១ ម៉ោង មុន

រន្ធត់! ក្មេងស្រីម្នាក់ ត្រូវត្រីឆ្លាមខាំដាច់ដៃ នៅសមុទ្រប្រេស៊ីល

ព័ត៌មានជាតិ១ ម៉ោង មុន

កម្ពុជាជំរុញការផ្សព្វផ្សាយ និងការលក់កញ្ចប់ទស្សន​កិច្ចទេសចរណ៍នៅលើទីផ្សារអាល្លឺម៉ង់ ក្នុងពិព័រណ៍ទេសចរណ៍ ITB Berlin

ព័ត៌មានអន្ដរជាតិ២ ម៉ោង មុន

រដ្ឋាភិបាលស្រមោល បង្ហាញការហ្វឹកហាត់បាញ់ស្នាយពើរពីយោធាម៉ារីនអាមេរិក ក្នុងប្រទេសមីយ៉ាន់ម៉ា នៅសមរភូមិក្បែរព្រំដែនថៃ

Sokha Hotels

ព័ត៌មានពេញនិយម