សន្តិសុខសង្គម
អាជ្ញាធរខណ្ឌដូនពេញស្រាយបំភ្លឺក្រោយមានការចែករំលែកវីដេអូកម្លាំងសណ្ដាប់ធ្នាប់ចាក់ទឹកសម្លអ្នកលក់នំបញ្ចុកនៅមុខព្រះបរមរាជវាំង(មានវីដេអូ)
បន្ទាប់ពីមានការចែករំលែកនូវវីដេអូសកម្មភាពរបស់កម្លាំងសណ្ដាប់ធ្នាប់ខណ្ឌដូពេញ និងមានការរិះគន់ថាបានចាក់ទឹកសម្លអ្នកលក់នំបញ្ចុកចោលនោះ នៅថ្ងៃទី២១ ខែមីនា នេះ រដ្ឋបាលខណ្ឌដូនពេញ បានចេញសេចក្ដីស្រាយបំភ្លឺដើម្បីចៀសវាងមានការភាន់ច្រឡំ។

រដ្ឋបាលខណ្ឌដូនពេញបានបញ្ជាក់ចំនួនន៣ចំណុចថា ១-កម្លាំងសណ្តាប់ខណ្ឌ បានធ្វើការណែនាំដល់អ្នកលក់ឲ្យរកទីតាំងសមរម្យសម្រាប់លក់ ដោយមិនអនុញ្ញាតឲ្យលក់ដូរនៅទីតាំងនេះឡើយ។
២-ការលក់ដូរគ្មានអនាម័យ មិនមានការវេចខ្ចប់កាកសំណល់ព្រមទាំងចោលថង់ប្លាស្ទិក ចានស្នោរនៅនឹងកន្លែងលក់ ដោយមិនយកទៅទុកដាក់ក្នុងធុងសំរាមដែលនៅក្បែរនោះឡើយ។

៣-ការធ្វើឲ្យខ្ចាយទឹកសម្លនំបញ្ចុកនៅលើចិញ្ចើមផ្លូវសាធារណៈ គឺគាត់ជាអ្នកប្រព្រឹត្តទៅដោយខ្លួនឯង ដោយការខឹងសម្បារ ស្រែកនិងជេរប្រមាថមកលើកម្លាំងសណ្តាប់ធ្នាប់ខណ្ឌថែមទៀតផង។
ជាមួយគ្នានេះ រដ្ឋបាលខណ្ឌក៏បានសំណូមពរដល់បងប្អូនប្រជាពលរដ្ឋអ្នកលក់ដូរទាំងអស់មានការយោគយល់អធ្យាស្រ័យដល់កងកម្លាំង ដែលតែងតែខិតខំរៀបចំសណ្តាប់ធ្នាប់ របៀបរៀបរយសាធារណៈនេះជារៀងរាល់ថ្ងៃ ដើម្បីសោភ័ណភាព និងអនាម័យ បរិស្ថាន អោយបានល្អប្រសើរ។

សូមរំលឹកថា កាលពីពេលថ្មីៗកន្លងមកនេះ មានសារព័ត៌មានមួយចំនួន និងអ្នកលេងតាមបណ្តាញសង្គមTik Tok បានធ្វើការផ្សព្វផ្សាយចែកចាយនូវវីដេអូពីសកម្មភាពរបស់កម្លាំងសណ្ដាប់ខណ្ឌដូនពេញ ដែលនៅក្នុងវីដេអូនោះគេឃើញមានការចាក់ទឹកសម្លខ្មែររបស់ស្ត្រីអ្នកលក់នំបញ្ចុកចោលទៅលើការ៉ឺឡា ដែលករណីនេះធ្វើឲ្យមតិមហាជនជាច្រើនបានរិះគន់លើកម្លាំងសណ្ដាប់ធ្នាប់ខណ្ឌផងដែរ៕


-
ព័ត៌មានអន្ដរជាតិ២ ថ្ងៃ មុន
វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់
-
ជីវិតកម្សាន្ដ៦ ថ្ងៃ មុន
ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ
-
ជីវិតកម្សាន្ដ១ សប្តាហ៍ មុន
James Jirayu បង្ហោះរូបគូស្នេហ៍លើកដំបូង ធ្វើឱ្យហ្វេនស្រីៗខូចចិត្តព្រាត
-
ព័ត៌មានជាតិ១ សប្តាហ៍ មុន
ប្អូនប្រុសរបស់លោក ស៊ន តារា អះអាងថា នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ
-
ជីវិតកម្សាន្ដ៤ ថ្ងៃ មុន
Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ
-
ជីវិតកម្សាន្ដ៤ ថ្ងៃ មុន
ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran
-
ព័ត៌មានជាតិ១ សប្តាហ៍ មុន
ក្រុមហ៊ុន ប៊ូ យ៉ុង ផ្ដល់ជំនួយរថយន្តក្រុង ១ ០០០ គ្រឿងដល់កម្ពុជា
-
ជីវិតកម្សាន្ដ៥ ថ្ងៃ មុន
កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ