ស្នងការរាជធានីភ្នំពេញកំពុងស្រាវជ្រាវរកអ្នក​បើក​កង់បីបញ្ច្រាសផ្លូវហើយរកវាយអ្នកដំណើរ

បន្ទាប់ពីមានការចែករំលែកនូវវីដេអូពីសកម្មភាពអ្នកបើកម៉ូតូកង់ឥណ្ឌារកវាយអ្នកធ្វើដំណើរលើដងផ្លូវលើបណ្ដាញសង្គមនោះមក កម្លាំងជំនាញនៃស្នងការដ្ឋាននគរបាលរាជធានីភ្នំពេញ បាននិងកំពុងស្រាវជ្រាវរកអ្នកបើកម៉ូតូកង់បីនោះដើម្បីយកសួរនាំ។

លោកឧត្ដមសេនីយ៍ត្រី សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឲ្យដឹងនៅរសៀលថ្ងៃទី១៥សីហា នេះថា ទាក់ទងទៅបុរសអ្នកបើកម៉ូតូកង់បីឥណ្ឌាមួយគ្រឿងដែលបានជិះបញ្ច្រាសនៅលើផ្លូវព្រះនរោត្ដមខាងមុខក្រសួងមហាផ្ទៃ ដែលជិះបញ្ច្រាសផ្លូវបង្កបាតុភាពយកដែកទីបចង់វាយគេនោះ កម្លាំងជំនាញបាននិងកំពុងធ្វើការស្រាវជ្រាវហើយដើម្បីសួរនាំ។

សូមបញ្ចាក់ថា នៅរសៀលថ្ងៃទី១៥ ខែសីហានេះ មានការចែករំលែកនូវវីដូវមួយពីសកម្មភាពបុរសអ្នកបើកម៉ូតូកង់បីឥណ្ឌាមួយគ្រឿងបានធ្វើដំណើរបញ្ច្រាសផ្លូវ ហើយថែមទាំងបង្កជាជម្លោះពាក្យសម្ដី ជាមួយអ្នកបើករថយន្ដមួយគ្រឿង និងថែមទាំងយកដែកទីបពីក្នុងកង់បីមករកវាយអ្នកបើករថយន្ដទៀតផង៕

អត្ថបទ៖ ​សុខុម