សន្តិសុខសង្គម
ឃាត់ខ្លួនបុរសម្នាក់យកទៅប៉ុស្តិ៍ ក្រោយផឹកស៊ីក្នុងហាងវាយគ្នាឯង
បុរស ០៣ នាក់ បបួលគ្នាចូលផឹកស៊ីក្នុងហាង ០១ កន្លែង លុះពេលផឹកស្រវឹងរៀងៗ ខ្លួន ស្រាប់តែទាស់ពាក្យសម្ដីគ្នាឯង បង្កជាហិង្សាយកចានគប់គ្នា បណ្ដាលឲ្យបែកក្បាល ០២ នាក់។ ចំណែកម្នាក់ទៀត និយាយគ្នាមិនស្ដាប់ បម្រុងតដៃជាមួយសមត្ថកិច្ច ក៏ត្រូវបានវាយខ្នោះបញ្ជូនទៅប៉ុស្តិ៍ភ្លាមៗ។
ហេតុការណ៍នេះបានកើតឡើងកាលពីវេលាម៉ោង ១១ និង ៣០ នាទីយប់ ថ្ងៃទី ០៧ ខែមករា ឆ្នាំ ២០២៥ នៅចំណុចហាងផឹកស៊ី យីហោ Comford (ខមហ្វត) ទល់មុខវិទ្យាល័យទួលស្វាយព្រៃ ស្ថិត ក្នុងសង្កាត់ទួលស្វាយព្រៃទី ០១ ខណ្ឌបឹងកេងកង រាជធានីភ្នំពេញ។
តាមប្រភពពីពលរដ្ឋបានឲ្យដឹងថា មុនពេលកើតហេតុ គេបានឃើញបុរស ០៣ នាក់ នាំគ្នាចូលហាង០១ កន្លែង យីហោ ខមហ្វត លុះពេលផឹកស៊ីជាមួយគ្នាបានបន្តិច ស្រាប់តែទាស់សម្ដីគ្នា ដោយបុរសម្នាក់ យកចាន និងកែវ គប់ទៅលើបុរស ០២ នាក់ទៀត ជាមិត្តភ័ក្ដិ បណ្តាលឲ្យបែកក្បាលហូរឈាមស្រោចខ្លួន។ ភ្លាមៗ ក៏មានសមត្ថកិច្ចបានចុះមកដល់ រួចធ្វើការនិយាយសម្របសម្រួលទៅកាន់បុរសទាំង ០៣ នាក់។ ស្របពេលនោះ បុរសជាអ្នកបង្កហិង្សា បែរជាបម្រុងតដៃជាមួយសមត្ថកិច្ច ក៏ត្រូវវាយខ្នោះតែម្ដង។
ក្រោយកើតហេតុសមត្ថកិច្ចបានឃាត់បុរសខាងលើយកទៅប៉ុស្តិ៍នគរបាលរដ្ឋបាលទួលស្វាយព្រៃទី ០១ ដើម្បីសាកសួរ និងបន្តនីតិវិធី៕
អត្ថបទ ៖ រដ្ឋា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម