កីឡា

កំណត់ត្រា Xie Wei ដែលធ្លាប់ផ្ដួលចាន់ រតនា នោះឡើងប៉ះ Kantharaj Agasa នាថ្ងៃទី ២៨ ឧសភា នេះ

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

បន្ទាប់ពីយកឈ្នះ ចាន់ រតនា នៅសង្វៀន ONE Championship កាលខែ ឆ្នាំ ២០២០ តារាគុនចម្រុះចិននឹងឡើងជួប Kantharaj Agasa នៅថ្ងៃទី ២៨ ឧសភា ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវ័យក្មេងសញ្ជាតិចិនបានយកឈ្នះអ្នកលេងគុនចម្រុះលេខ១កម្ពុជាដោយកណ្ដាប់ដៃនៅទឹក៣ នៅ ព្រឹត្តិការណ៍ប្រកួត ONE: COLLISION COURSE ឯកីឡដ្ឋាន Singapore Indoor Stadium ថ្ងៃសុក្រ ទី១៨ ខែធ្នូ ឆ្នាំ ២០២០ កន្លងទៅ។

Xie Wei ជាកីឡាករដែលមានជំហររឹង និងពូកែគេចពីការចាប់ក្បាច់ឃ្លេ ឬ ផ្ដួលខ្លួនរបស់គូប្រកួតហើយចូលចិត្តប្រើជំហរ និងកណ្ដាប់ដៃដើម្បីសម្លាប់គូបដិបក្ខវិញ ដូចការផ្ដួល រតនា អីចឹង។

កីឡាករចិនទទួលជ័យជម្នះ ៧ដង និង ចាញ់៣ដង។ អ្វីគួរឲ្យកត់សម្គាល់ គឺ Xie ផ្ដួលដៃគូឲ្យសន្លប់ដោយកណ្ដាប់ដៃ ៥ ដងក្នុងចំណោមជ័យជម្នះ ៧ ដងនេះ។ រឹតតែពិសេស នោះ គឺកម្លាំងរបស់គេមិនថមថយឡើងក្នុងរយៈពេល ៥ ទឹក។

ចំណែកកីឡាករសញ្ជាតិឥណ្ឌា Agasa ក៏មិនឲ្យស៊ីងាយៗដែរ ព្រោះគេមានបទពិសោធន៍ប្រកួត និងជំហរដ៏រឹងមាំដូចគ្នា។ Agasa ឈ្នះរហូតដល់ ៩ លើកក្នុងការប្រកួត ១១ លើកកន្លងទៅ។ ជំនាញរបស់គេ មិនសូវផ្ដួលគូប្រកួតឲ្យសន្លប់ដោយកណ្ដាប់ដៃទេ ប៉ុន្តែ បញ្ចប់គូប្រកួតឲ្យចុះចាញ់ដោយស្នៀតឃ្លេរបស់ខ្លួន។ ម្យ៉ាងវិញទៀត គេមានប្រវត្តិមិនចាញ់សោះក្នុងរយៈពេលជាង១ឆ្នាំនៅលើសង្វៀន។

យ៉ាងណាក្ដី ក៏ឡើងសង្វៀន ONE Championship លើកនេះជាការបង្ហាញខ្លួនដំបូងរបស់កូនសិស្សមកពីក្លិប India Combat Sports Academy។

ជំនួបនេះពិតជាល្អមើលមិនខាន ព្រោះអាចនិយាយបានថា អ្នកជំនាញប្រកួតឈរ ជួបអ្នកជំនាញក្បាច់ឃ្លេ ឬ ប្រកួតក្នុងជំហរដេក។ តើកីឡាករចិន ឬកីឡាករឥណ្ឌាជាអ្នកឈ្នះ?៕

Related Topics:កីឡាប្រដាល់

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា