កីឡា
ថ្ងៃសុក្រនេះ Wang សង្ឃឹមប្រើជំនាញឈរផ្តួលយុវតីកំពុងល្បី Lee ឲ្យសន្លប់
កីឡាការិនីគុនចម្រុះចិននាង Wang Luping ត្រូវប្រឈមនឹងដៃគូវ័យក្មេងកំពុងល្បី Victoria Lee នាថ្ងៃសុក្រ ទី៣០ ខែកក្កដានេះ ក្នុងព្រឹត្តិការណ៍ផ្សាយផ្ទាល់ ONE: BATTLEGROUND។ សម្រាប់ការប្រកួតនេះ អ្នកគាំទ្រភាគច្រើនប្រហែលជាគិតថា កីឡាការិនីចិនម្នាក់នេះមិនអាចយកឈ្នះកីឡាការិនីអាមេរិក-សិង្ហបុរីបានទេដោយផ្អែកលើជំនាញ និងកេរ្តិ៍ឈ្មោះល្បីល្បាញ។
មែនហើយ កីឡាការិនីអាមេរិក-សិង្ហបុរី Victoria ទើបអាយុ១៧ឆ្នាំ និងប្រកួតបានតែម្តងប៉ុណ្ណោះក្នុងអាជីពប្រដាល់គុនចម្រុះ ប៉ុន្តែនាងមានបទពិសោធច្រើនក្នុងអាជីពកីឡាចំបាប់ និងជឺជីតស៊ូតាំងពីកុមារភាព។ នាងធ្លាប់ឈ្នះជើងឯកជឺជីតស៊ូ និងចំបាប់ពិភពលោកកម្រិតយុវជនជាច្រើនមុនពេលបោះជំហានចូលអាជីពប្រដាល់គុនចម្រុះ។
កីឡាការិនី Wang បានចាត់ទុកការប្រកួតជាមួយ Victoria Lee សំខាន់ខ្លាំង ដោយសារដៃគូម្នាក់នេះកំពុងល្បីខ្លាំង។ នាងនិយាយថា ៖«ពិភពលោកគិតថា ខ្ញុំនឹងចាញ់ Victoria ដោយសារនាងកំពុងល្បី និងទទួលបានការចាប់អារម្មណ៍ខ្លាំង»។ ការខិតខំប្រឹងប្រែងហ្វឹកហាត់អស់រយៈពេលជាច្រើនឆ្នាំបានជំរុញឲ្យ Wang មានជំនឿចិត្តលើខ្លួនឯង។ នាងនិយាយថា ៖«ខ្ញុំគិតថា ខ្ញុំអាចនឹងឈ្នះការប្រកួតនេះ ពីព្រោះជំនាញវ៉ៃឈររបស់ខ្ញុំគឺល្អគ្រប់គ្រាន់ហើយ»។ Wang បានបញ្ជាក់ថា ៖«Victoria Lee មានជំនាញច្បាស់ពីក្បាច់ក្រោម ដូច្នេះរំពឹងថា នឹងប្រើជំនាញឈររបស់ខ្ញុំដើម្បីផ្តួលនាងឲ្យសន្លប់។ បើមានឱកាស ខ្ញុំក៏នឹងប្រើជំនាញក្រោមដើម្បីឃ្លេដែរ»។
យុវតី Lee ទើបតែប្រកួតគុនចម្រុះអាជីពលើកដំបូងកាលពីខែកុម្ភៈ ដែលពេលនោះនាងបានឃ្លេកីឡាការិនីថៃ Sunisa Srisen ឲ្យចុះចាញ់ក្នុងទឹកទី២។ ចំណែកកីឡាការិនីចិនធ្លាប់វ៉ៃបាន៥ដងគឺឈ្នះ៣ និងចាញ់២ ប៉ុន្តែនេះជាលើកដំបូងនៅ ONE។

បើតាមសំដីរបស់ Wang Luping គឺកីឡាការិនីអាមេរិក-សិង្ហបុរី Victoria Lee មិនមែនជាដៃគូចម្បងដែលនាងចង់ជួបលើសង្វៀននោះទេ។ តាមពិតដៃគូដែលនាងចង់ជួបគឺបងស្រីរបស់ Victoria ដែលទើបសម្រាកកូន និងជាជើងឯកគុនចម្រុះពិភពលោក។ Wang បាននិយាយថា ៖«គោលបំណងវែងរបស់ខ្ញុំគឺធ្វើយ៉ាងណាឲ្យឈ្នះការប្រកួតនេះ ពីព្រោះខ្ញុំចង់ទៅប្រកួតជាមួយ Angela Lee»។ សូមបញ្ជាក់ថា Victoria Lee គឺជាប្អូនស្រីបង្កើតរបស់ជើងឯកពិភពលោកកីឡាការិនី Angela Lee និងជើងឯកពិភពលោកកីឡាករ Christian Lee៕

-
ព័ត៌មានអន្ដរជាតិ២៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ