កីឡា

ក្រុមកីឡាទាញព្រ័ត្រ២១ក្រុម ចូលរួមប្រកួតប្រជែងយកជើងឯកថ្នាក់ជាតិឆ្នាំ២០២០

បានផុស

៤ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

ភ្នំពេញ ៖ ក្រុមកីឡាករ-កីឡាការិនីកីឡាទាញព្រ័ត្រចំនួន១២ក្លិបក្នុងនោះ មានក្រុមអត្តពលិកមជ្ឈមណ្ឌលកីឡាកងយោធពលខេមរភូមិន្ទ ក្រសួងការពារជាតិចូលរួមការប្រកួតកីឡាទាញព្រ័ត្រជើងឯកថ្នាក់ជាតិប្រចាំឆ្នាំ២០២០ នៅវិមាននៃពហុកីឡាដ្ឋានជាតិអូឡាំពិក នាថ្ងៃទី២៦ ខែវិច្ឆិកា ឆ្នាំ២០២០នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជើងឯកទាញព្រ័ត្រនេះ ប្រព្រឹត្តទៅរយៈពេល៣ថ្ងៃចាប់ពីថ្ងៃទី ២៥ ដល់ថ្ងៃទី២៧ ខែវិច្ឆិកា ឆ្នាំ២០២០ លើវិញ្ញាសាចំនួន២ គឺវិញ្ញាសាក្រុមបុរស៤ នាក់ទល់៤នាក់ និងវិញ្ញាសាក្រុមនារី ៤ នាក់ទល់៤នាក់។

ការប្រកួតនេះ មាន២១ក្រុមរួមមានក្រុមកីឡាករទាញព្រ័ត្រមានចំនួន ១១ ក្រុម និង ក្រុមកីឡាការិនីទាញព្រ័ត្រមានចំនួន១០ ក្រុមមកពីសមាគមកីឡាទាញ ព្រ័ត្រមានចំនួន១១ខេត្ត ក្រុង។សមាគមកីឡាទាញព្រ័ត្រទាំង១១នោះរួមមាន សមាគមកីឡាទាញព្រ័ត្រក្រសួងមហា ផ្ទៃ សមាគមកីឡាទាញព្រ័ត្រក្រសួងការពារជាតិ សមាគមកីឡាទាញព្រ័ត្របញ្ជា ការដ្ឋានកងទ័ពជើងទឹក សមាគមកីឡាទាញព្រ័ត្រអង្គការមិត្តសំឡាញ់ សមាគមកីឡាទាញព្រ័ត្រភ្នំពេញ និងសមាគមកី ឡាទាញព្រ័ត្រខេត្តបាត់ដំបង ខេត្តព្រះវិហារ ខេត្តកំពត ខេត្តកណ្តាល ខេត្តស្វាយរៀង ខេត្តកំពង់ឆ្នាំង និង ខេត្តត្បូងឃ្មុំ ៕
ដោយ ៖ វិសិទ្ធ